Jɛrimaya 11:20 - Krio Fɔs Oli Baybul

²⁰ Bɔt, duya PAPA GƆD Ɔlmayti, yu we de jɔj rayt, yu we de tɛst di at ɛn di maynd, rivɛnj fɔ mi, bikɔs na to yu a lɛf mi kes.

Jɛrimaya 11:20 Referans Kwoze

Jɛrimaya 20:12

E PAPA GƆD Ɔlmayti, we de tray dɛn wan dɛm we de waka tret na yu yay, yu we de si pipul dɛn at ɛn dɛn maynd, rivɛnj pan dɛm, bikɔs na to yu a lɛf mi kes.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Di Sam Dɛm 7:9

E PAPA GƆD we de du tin tret wan, yu we no wetin de na wi at ɛn aw wi de fil. Tap bad pipul fɔ kɛriɔn dɛn wikɛdnɛs ɛn mek bɛtɛ fala udat de du gud.

1 Samiɛl 16:7

Bɔt PAPA GƆD tɛl Samiɛl se mek i nɔ luk in fayn ɔ in ayt bikɔs i nɔ pik am sins nɔto so PAPA GƆD in de wok. I se mɔtalman de luk wetin in de si bɔt PAPA GƆD in de luk insay pɔsin in at.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 15:15

E PAPA GƆD, yu no; mɛmba mi ɛn ɛn ɛp mi, ɛn rivɛnj fɔ mi pan di wan dɛm we de du mi bad. Nɔ peshɛnt wit dɛn te dɛn kil mi; no se fɔseka yu a de bia shem.

1 Kronikuls 29:17

Mi Gɔd, a no se yu de tɛst mɔtalman maynd kin gladi wit udat de waka tret; na wit klin at a dɔn gi yu ɔl dɛn tin ya, wit ɔl mi at ɛn wit gladi.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Pita In Fɔs Lɛta 2:23

Wɛn pɔsin tɛl am wɔd we go at am, i nɔba tɛl dɛn wɔd we go at dɛn bak; wɛn pipul mek i sɔfa, i nɔba se in go mek dɛnsɛf sɔfa, bɔt i kin lɛf in kes na Gɔd an, bikɔs na Gɔd de jɔj tret wan.

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Jɛrimaya 12:1

PAPA GƆD, ɛni tɛm we a kɔmplen to yu, na yu kin gɛt rayt, Pan ɔl dat, a stil de kɛr mi kes go to yu. Wetindu wikɛd pipul dɛn de bɛtɛ na layf? Wetindu ɔl dɛn pipul dɛn we de ple dakadeke de bɛtɛ na layf?

Di Sam Dɛm 98:9

Lɛ dɛn ɔl siŋ ɛn go to PAPA GƆD bikɔs i de kam fɔ jɔj di wɔl. I go jɔj di wɔl tret wan, ɛn i go trit ɔlman ikwal.

Di Sam Dɛm 57:1

Nɔ fɔgɛt mi O, PAPA, av masi, bikɔs na to yu nɔmɔ a de luk fɔ kɔba mi. Na yu nɔmɔ ebul kɔba mi lɛkɛ aw fɔl de kɔba in pikin, so a go ayd to yu te di trɔbul dɛn dɔn.

Di Sam Dɛm 43:1

PAPA GƆD, fɛt mi kes nɔ ɛn pul mi kɔmɔt na di pipul we nɔ no yu dɛn an; sev mi frɔm pipul we de pan lay ɛn de du bad bad tin.

Di Sam Dɛm 35:2

Wɛr tin fɔ protɛkt yu grap ɛn kam ɛp mi.

Job 5:8

“Fɔ mi yon say, na PAPA GƆD a go de luk ɔp to, na PAPA GƆD a go kɔmplen to;

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

1 Samiɛl 24:15

I tɔk bak se na PAPA GƆD go bi dɛn jɔj ɛn nain go pas di sɛntɛns. I se mek PAPA GƆD si wetin de apin ɛn fɛt fɔ am ɛn pul in ed pan di trɔbul we Sɔl de fɛn fɔ am.

Di Sam Dɛm 7:8

PAPA GƆD na yu na di jɔj fɔ ɔlman. PAPA GƆD bikɔs a de du wetin rayt, lɛ dɛn no se a inosɛnt.

Di Sam Dɛm 58:10

Dɛn wan we de du wetin yu want go gladi bad we PAPA GƆD fɛt fɔ dɛn; wɛn dɛnsɛf go ebul tek di bad man in blɔd fɔ was dɛn fut.

Di Sam Dɛm 139:23

PAPA GƆD, luk mi bɛtɛ bɛtɛ wan mek yu no wetin de na mi at; tɛst mi, mek yu no wetin a de tink

Jɛrimaya 12:3

E PAPA GƆD, yu no mi; yu de si mi, ɛn yu kin tɛst fɔ no di kayn maynd we a gɛt fɔ yu. Pul dɛm kɔmɔt na do lɛk ship we dɛn de go kil, ɛn put dɛm wansay fɔ di de we dɛn kin kil dɛm.

Izikɛl 11:5

Nain PAPA GƆD in Spirit kam pan mi, ɛn tɛl mi se, “Tɛl dɛn se: na dis PAPA GƆD se; na dis una de tink, una di pipul dɛn na Izrɛl; bikɔs a no di tin dɛm we de kam insay una maynd.

2 Kiŋ 19:14

We Ɛzikaya gɛt di kiŋ in lɛta, i rid am dɔn i kɛr am go na PAPA GƆD in os ɛn le am bifo PAPA GƆD.

Di Sam Dɛm 7:10

Na PAPA GƆD Ɔlmayti de kɔba mi, in na PAPA GƆD we de sev udat de du gud

Lamɛnteshɔn 3:58

PAPA GƆD, yu dɔn tek mi kes yu dɔn gi mi mi layf bak.

Lamɛnteshɔn 3:59

PAPA GƆD, yu dɔn si ɔl di bad tin dɛn we dɛn de du mi; bi di jɔj.

Lamɛnteshɔn 3:64

“Duya PAPA GƆD, pɔnish dɛn bay di kayn bad tin we dɛn dɔn du.