Jɛrimaya 11:2 - Krio Fɔs Oli Baybul

² “Lisin wetin wi gri pan insay di Kɔvinant, ɛn tɛl di man dɛm na Juda ɛn dɛn wan dɛm we tap na Jerusɛlɛm.

Jɛrimaya 11:2 Referans Kwoze

Jɛrimaya 11:6

Nain PAPA GƆD tɛl mi se, “Anawns ɔl dɛn tin ya na di siti dɛn na Juda ɛn na di trit dɛn na Jerusɛlɛm: Yɛri wetin di Kɔvinant se, dɛn du dɛm.

Ɛksodɔs 19:5

So naw, if dɛn obe mi ɛn go akɔdin to mi Kɔvinant, dɛn go bi mi bɔlyay pan ɔl dɛn neshɔn na di wɔl. Ɛn na mi gɛt di wanol wɔl. Na dɛn a dɔn pik,

2 Kronikuls 34:31

Ɛn di kiŋ tinap nain ples ɛn mek Kɔvinant bifo PAPA GƆD fɔ waka biɛn PAPA GƆD ɛn fɔ kip in kɔmand dɛm ɛn in tɛstimoni dɛm ɛn in Lɔ dɛm we i rayt wit ɔl in at ɛn in sol fɔ du ɔl wetin di Kɔvinant we dɛn rayt na di buk kɔl fɔ.

2 Kronikuls 29:10

Naw, i de na mi at fɔ mek Kɔvinant wit PAPA GƆD we na Izrɛl dɛn Gɔd, mek in bad bad wamat go kol fɔ wi.

2 Kronikuls 23:16

Jɛoiada mek Kɔvinant bitwin insɛf ɛn ɔl di pipul dɛm ɛn di kiŋ se, dɛn fɔ bi PAPA GƆD in pipul dɛm.

2 Kiŋ 11:17

Jɛoyada mek Kɔvinant bitwin di kiŋ ɛn PAPA GƆD, ɛn di pipul dɛn; dɛn se dɛn go bi PAPA GƆD in pipul dɛn. I mek di kiŋ ɛn di pipul dɛn tay bagin.

Jɛrimaya 11:1

PAPA GƆD in wɔd we rich Jɛrimaya: I se,