Jɛrimaya 11:17 - Krio Fɔs Oli Baybul

¹⁷ PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 11:17 Referans Kwoze

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Jɛrimaya 12:2

Yu plant dɛn, ɛn dɛn pul rut ɔnda grɔn, dɛn gro ɛn bia frut, yu de nia dɛn mɔt ɛn fawe frɔm dɛn at.

Jɛrimaya 2:21

Pan ɔl dat, a plant wan fayn fayn greps tik fɔ una we in sid na piɔ sid. Aw una manej tɔn lo layf pipul ɛn dɔn bi wayl greps?

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Izikɛl 17:5

Dɛn i tek pan di sid na di land ɛn plant am na dɔti we tin de gro fayn pan; i put am nia say we gɛt bɔku bɔku wata. I plant am lɛk smɔl Wilo tik,

Jɛrimaya 45:4

Na dis yu go tɛl am, Na dis PAPA GƆD se: Biliv mi, a de brok wetin a bin dɔn bil, ɛn a de rut wetin a bin dɔn plant– dat na di wanol land.

Jɛrimaya 42:10

I se: If una go kɔntinyu fɔ de na dis land, dat go mek a es una ɔp ɛn nɔ put una dɔŋ; a go plant una ɛn nɔ rut una; bikɔs a dɔn sɔri ɛn nɔ go du di bad bad tin we a bin wan du una, igen.

Jɛrimaya 40:2

Di kapten tek Jɛrimaya go na kɔna ɛn tɛl am se, “Na PAPA GƆD we na una Gɔd tɔk wit in pawa se dis bad tin fɔ apin na ya;

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Jɛrimaya 24:6

A go gyad dɛm sote go, ɛn a go briŋ dɛm kam bak na dis land. Nɔto brok a go brok dɛm, na bil a go bil dɛm; nɔto rut a go rut am, na plant a go plant am.

Jɛrimaya 18:8

ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Di Sam Dɛm 80:15

Kam sev yu pipul we yu dɔn put na ya ɛn we yu dɔn lɛ bi big ɛn pawaful pipul.

Di Sam Dɛm 80:8

Yu pul wi kɔmɔt na Ijipt ɛn briŋ wi ya; yu drɛb di orijinal neshɔn dɛn we bin tap de kɔmɔt dɔn yu gi wi di land as prɔpati.

Di Sam Dɛm 44:2

Bay yu pawa, yu drɛb ɔl dɛn neshɔn we bin tap na Kenan, dɛn pipul we bin de wɔship lay lay gɔd; ɛn mek wi papa dɛn sidɔm fayn wan na dɛn ples bɔt yu pɔnish di ɔda neshɔn dɛn.

2 Samiɛl 7:10

I se in go mek di Izrɛlayt dɛn sidɔm gud na di land we i gi dɛn fɔ bi dɛn yon, so dat nɔbɔdi ɛn natin nɔ go ambɔg dɛn. I se bad pipul nɔ go buli dɛn igen lɛk aw dɛn bi de du fɔs

Jɛrimaya 1:14

Nain PAPA GƆD tɛl mi se, “Na di nɔt ivul go kɔmɔt go pan di pipul dɛn we tap na di land.

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

2 Kronikuls 28:25

I mek ay ples fɔ bɔn insɛns to dɛn lay lay gɔd dɛm na ɔl di siti dɛn na Juda, we de mek PAPA GƆD we nain fɔstɛmpapa dɛn Gɔd, vɛks bad bad wan.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Jɛrimaya 40:3

na PAPA GƆD mek i bi, ɛn na wetin I bin se I go du, I du. Na bikɔs una kɔmit sin to PAPA GƆD, ɛn nɔ du wetin I se, mek dɛn tin ya apin to una.

Jɛrimaya 44:5

Bɔt dɛn nɔ lisin ɔ ivin pe atɛnshɔn fɔ mek dɛn go lɛf dɛn bad bad tin dɛn de ɛn nɔ de bɔn insɛns to ɔda gɔd dɛm igen.

Ozie 10:1

Izrɛl tan lɛk tik we de gro na gud grɔn - na so i frɛsh ɛn de bia bɔku frut. Bɔt as dɛn de bɔku, na so dɛn de bil mɔ ples fɔ wɔship Beal; as tin de bɛtɛ na di kɔntri, na so dɛn de kɔmɔt biɛn PAPA GƆD.