Jɛrimaya 11:11 - Krio Fɔs Oli Baybul

¹¹ Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 11:11 Referans Kwoze

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Prɔvabs 1:28

A go de yɛri we una de kɔl so, bɔt a nɔ go ansa; una go de fɛn fɛn mi, bɔt una nɔ go si mi.

Zɛkaraya 7:13

I se we in tɔk, di pipul dɛn nɔ de yɛri, so, we dɛnsɛf pre to am, i nɔ go yɛri.

Mayka 3:4

Dɛn go pre to PAPA GƆD bɔt i nɔ go ansa dɛn. I nɔ go lisin to dɛnsɛf bikɔs dɛn dɔn du bad.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

2 Kiŋ 22:16

PAPA GƆD se in go briŋ dombolo kam na di ples ɛn pan ɔl di pipul dɛn we tap de, lɛkɛ aw i rayt na di buk we di kiŋ na Juda dɔn rid.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 6:19

Yɛri o, yu ath, a de briŋ dizasta kam pan dɛn pipul ya, we na di pe we dɛn fɔ gɛt fɔ di wok we dɛn du, bikɔs dɛn nɔ yɛri mi wɔd; as fɔ mi lɔ dɛm, dɛn nɔ de obe dɛm sɛf.

Ayzaya 24:17

Fred fred, dip ol ɛn trap, de wit una, una di pipul dɛn na di wɔl!

Di Sam Dɛm 18:41

Dɛn ala fɔ mek pɔsin ɛp dɛn, nɔbɔdi nɔ de Dɛn kɔl PAPA GƆD, i nɔ ansa dɛn.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Emɔs 5:19

Da de de go tan lɛk we man de rɔnawe pan layɔn dɔn i go bɔs pan tayga; ɔ as i rɔn go nain os fɔ go ayd, snek go bɛt am we i liŋ na wɔl de blo.

Izikɛl 7:5

“Na dis Papa Gɔd we na Gɔd se: bad bad trɔbul ɛn sɔfrin pan bad bad trɔbul ɛn sɔfrin! I dɔn bi.

Jɛrimaya 36:31

A go pɔnish im ɛn in pikin dɛm ɛn in wokman dɛm fɔ dɛn sin; A go mek ɔl di bad bad tin dɛm we a bin dɔn se go mit dɛm we dɛn nɔ biliv, mit di wan dɛm we tap na Jerusɛlɛm, ɛn di man dɛn na Juda.’”

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Jɛrimaya 23:12

Fɔseka dat, dɛn wanol layf go tan lɛkɛ slipul rod na dak ples, we na de dɛn go push dɛn go fɔdɔm; bikɔs a go mek bad bad tin mit dɛm we di tɛm kam fɔ dɛn fɔ gɛt dɛn pɔnishmɛnt, na so PAPA GƆD se.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”

Jɛrimaya 19:3

Yu fɔ se, ‘Yɛri wetin PAPA GƆD se, una di kiŋ dɛn na Juda ɛn dɛn wan dɛm we tap na Jerusɛlɛm. Na dis PAPA GƆD Ɔlmayti, we na di Gɔd na Izrɛl se, Biliv mi, a go so mek bad bad tin mit una dat ɛnibɔdi we yɛri bɔt dat, in yes go trimbul.

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Jɛrimaya 11:14

Fɔseka dat, nɔ pre fɔ dɛn pipul dɛn ya, ɔ kray to mi, ɔ pre fɔ beg fɔ dɛm, bikɔs a nɔ go lisin we dɛn kɔl mi we trɔbul mit dɛm.

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Di Sam Dɛm 66:18

If a nɔ bin dɔn kɔnfɛs mi sin, PAPA GƆD nɔ bin fɔ ansa mi;

2 Kronikuls 34:24

Luk a go briŋ bad bad tin pan dis ples ɛn pan di wan dɛn we tap de ɔl di swɛ dɛm we rayt na di buk we dɛn rid bifo Juda in kiŋ.

Job 35:13

Na tru se PAPA GƆD nɔ de yɛri pipul we de pre bɛlful pre, i nɔ bisin bɔt dɛnsɛf.

Jɛrimaya 14:2

“Juda de kray ɛn in get dɛm lɛf ɛmti; in pipul lidɔm na grɔn de kray, ɛn di kary we Jerusɛlɛm de kray, de go ɔp.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 25:35

Nɔn aydin ples nɔ go de fɔ di shɛpad dɛm, ɔ ples fɔ dɛn wan dɛm we na di masta dɛn, fɔ ɛskep.

Lamɛnteshɔn 2:22

Yu mek we, mek mi ɛnimi dɛn sɔrawnd mi lɛk we dɛn invayt pipul dɛn fɔ kam pati; ɛn di de we na di de we PAPA GƆD vɛks nɔbɔdi nɔ bin ebul balans ɔ sɔvayv; mi ɛnimi dɛn nyakanyaka di wan dɛn we a ple wit ɛn mɛn.

Izikɛl 14:3

“Mɔtalman, dɛn man dɛn ya dɔn put dɛn lay lay gɔd na dɛn at, ɛn dɔn mek dɛn sin dɔn blɔk dɛn we; so mi fɔ lɛf misɛf mek dɛn kan aks mi ɛnitin?