Jɛrimaya 11:10 - Krio Fɔs Oli Baybul

¹⁰ Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Jɛrimaya 11:10 Referans Kwoze

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Izikɛl 16:59

“Yɛs, na dis Papa Gɔd we na Gɔd se: a go dil wit una bay aw una bin du, una we dɔn kɔmɔt biɛn di swɛ we una bin swɛ ɛn brok di Kɔvinant,

1 Samiɛl 15:11

“A fil am bad we a mek Sɔl kiŋ bikɔs i nɔ bisin fɔ du wetin a se igen” Dat mek Samiɛl in at pwɛl ɛn in nɔ slip ol nɛt, i de pre to PAPA GƆD nɔmɔ.

Di Jɔj Dɛm 2:19

Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.

Di Jɔj Dɛm 2:17

Pan ɔl dat, di pipul dɛn nɔ gri lisin to di jɔj dɛn; dɛn jɛs de wɔship ɔda gɔd dɛn de butu to dɛn; dɛn nɔ gri waka na di rod we dɛn fɔstɛmpapa dɛn we bin de obe PAPA GƆD, bin de waka.

Di Ibru Pipul Dɛn 8:9

Dis nyu agrimɛnt ya nɔ go tan lɛkɛ di wan we a bin mek wit dɛn granpapa-papa dɛn, da tɛm we misɛf bin tek dɛn kɔmɔt na Ijipt. Dɛn bin pwɛl di agrimɛnt we a mek wit dɛn, so a bin lɛf dɛn to dɛnsɛf.

Zɛfinaya 1:6

I se in go nyamanyama ɔl dɛn wan we dɔn lɛf fɔ fala in, PAPA GƆD, ɛn nɔ de bɔda fɛnɔt bɔt wetin i want igen

Ozie 6:7

I se dɛn de biev lɛk Adam we nɔ du wetin i se bikɔs i nɔ bin gɛt feth pan wetin i se.

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Di Sam Dɛm 78:57

Lɛk aw dɛn papa dɛn bifo dɛn bin tan na so dɛn tan. Dɛn ɔl at nɔ de pan PAPA GƆD ɛn dɛn nɔ biliv am.

Ditarɔnɔmi 9:7

I mɛmba dɛn we dɛn bin mek PAPA GƆD we na dɛn PAPA GƆD vɛks, we dɛn bin de na da ɛmti ples we pɔsin nɔ go ebul tap. I se frɔm we dɛn kɔmɔt Ijipt te dɛn rich usay dɛn bin dɔn rich so, dɛn nɔ bin de du wetin PAPA GƆD bin de tɛl dɛn fɔ du atɔl.

Lɛvitikɔs 26:15

if dɛn mek nɔ bizin bɔt in lɔ dɛn, we mek dɛn nɔ go wan du wetin dɛn se, ɛn nɔ kip in Kɔvinant wit dɛn,

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Ozie 7:16

Dɛn tɔn fɔ wɔship Beal ɛn nɔ bisin bɔt wetin dɛn de du jɛs lɛk aw bo we de shut aro nɔba bisin bɔt usay i fɔdɔm; dɛn kiŋ pikin dɛn ɔl de day na wa bikɔs dɛn nɔ sabi tɔk, dɔn di Ijipshian dɛn go laf dɛn.

Ozie 6:4

Ifrem, wetin a go du wit una? Wetin a go du wit una Juda? Una lɛknɛs nɔ de las, i kin lɔs kwik lɛk dyu.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Di Jɔj Dɛm 2:11

Dat bin mek di Izrɛlayt dɛn du bad bad tin dɛn na PAPA GƆD in yay; dɛn wɔship di Kenanayt dɛn gɔd dɛn ɔl.

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Jɛrimaya 9:6

PAPA GƆD se, ‘Dɛn de pak sɔprɛshɔn pan sɔprɛshɔn ɛn rikishi pan rikishi, ɛn dɛn nɔ gri fɔ no mi.

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 17:23

Pan ɔl dat, dɛn nɔ lisin ɔ pe atɛnshɔn to mi, bɔt dɛn mekɔp dɛn maynd so dat dɛn no go yɛri fɔ tek wetin a se dɛn fɔ du.

Jɛrimaya 44:5

Bɔt dɛn nɔ lisin ɔ ivin pe atɛnshɔn fɔ mek dɛn go lɛf dɛn bad bad tin dɛn de ɛn nɔ de bɔn insɛns to ɔda gɔd dɛm igen.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Izikɛl 5:6

Jerusɛlɛm dɔn wilful tɔn in bak pan mi ɔda dɛm we a gi dɛm, pas di ɔda neshɔn dɛnsɛf, ɛn pan mi lɔ dɛm, pas di kɔntri dɛn we de rawnd am, bikɔs dɛn trowe mi ɔda dɛn ɛn nɔ gri fɔ obe mi lɔ dɛm.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Zɛkaraya 7:13

I se we in tɔk, di pipul dɛn nɔ de yɛri, so, we dɛnsɛf pre to am, i nɔ go yɛri.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Jɛrimaya 22:9

Ɛn dɛn go ansa se, “Na bikɔs dɛn fɔsek PAPA GƆD we na dɛn Gɔd in Kɔvinant ɛn go wɔship ɛn sav ɔda gɔd dɛm.” ’”