Jɛrimaya 10:7 - Krio Fɔs Oli Baybul

⁷ Udat de we nɔ go fred yu, Yu we kiŋ fɔ di neshɔn dɛm? Bikɔs ɔlman sɔpoz fɔ rɛspɛkt yu; bikɔs pan ɔl dɛn wan dɛn we gɛt sɛns bad bad wan na di neshɔn dɛm ɛn insay ɔl dɛn kindɔm dɛm, nɔn nɔ de we tan lɛkɛ yu.

Jɛrimaya 10:7 Referans Kwoze

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Di Sam Dɛm 22:28

bikɔs nain na di PAPA GƆD we fɔ wɔship ɛn in pawa as kiŋ na fɔ di wanol wɔl.

Jɛrimaya 10:6

Nɔn gɔd nɔ de we tan lɛkɛ yu, PAPA GƆD; yu wɔndaful, ɛn yu nem gret ɛn pawaful.

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Di Sam Dɛm 89:6

Udat de ɔp na ɛvin we kin tinap nia PAPA GƆD? Nɔbɔdi nɔ de we tan lɛkɛ yu ɔp de.

Lyuk 12:5

Bɔt a de tɛl una naw se una fɔ fred Gɔd bikɔs wɛn i dɔn mek pɔsin day, i gɛt pawa fɔ trowe di pɔsin in sol na ɛl. A de tɛl una igen se una fɔ fred Gɔd!

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Ayzaya 2:4

I go jɔj bitwin di neshɔn dɛm ɛn go disayd fɔ bɔku pipul dɛm; ɛn dɛn go tɔn dɛn sɔd dɛn to gɔgɔ, ɛn dɛn spia dɛn go tɔn gadin sizɔs wan kɔntri nɔ go tek sɔd fɔ in kɔmpin igen ɛn wa nɔ go de igen.

Di Sam Dɛm 86:9

PAPA GƆD na yu mek ɔl dɛn neshɔn ɔl dɛn neshɔn de go kam wɔship yu; dɛn ɔl go jɔyn fɔ prez yu nem

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Ɛksodɔs 8:10

Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

Jɔshwa 4:24

so ɔlman na dis wɔl go no se PAPA GƆD gɛt pawa ɛn dɛn go rɛspɛkt PAPA GƆD we na dɛn PAPA GƆD te go.

Ɛsta 1:13

Di kiŋ naw aks di bukman dɛn lɛk aw i kin du bikɔs dɛn no bɔt di lɔ ɛn fia ple.

Daniɛl 2:27

Daniɛl ansa di kiŋ se, “Nɔn sɛnsman, lukgrɔn man, magik man ɛn dɛn man dɛm we no bɔt sta kin sho di kiŋ di mistri we di kiŋ de aks fɔ,

Daniɛl 2:28

bɔt wan PAPA GƆD de na ɛvin we de sho mistri dɛn ɛn i dɔn mek kiŋ Nɛbyukadnɛza sabi wetin go bi bambay. Na dɛn tin dɛn ya yu bin si na yu drim ɛn yu vishɔn dɛn na yu ed wɛn yu bin ledɔm na yu bed:

Abakɔk 3:2

“PAPA GƆD, a dɔn yɛri bɔt wetin yu dɔn du, ɛn i ful mi mɔt ɛn mek a fred. Naw, we wi de so, du wetin yu bin dɔn du lɔntɛm; naw, we wi de so, lɛ ɔlman no bɔt wetin yu kin du. We yu vɛks sɛf, sɔri fɔ wi.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

2 Kiŋ 17:39

Bifo dat nain PAPA GƆD dɛn PAPA GƆD dɛn fɔ wɔship, nain go pul dɛn na dɛn ɛnimi dɛn an.

1 Kronikuls 16:25

Bikɔs PAPA GƆD na gret Gɔd, ɛn nɔto bebi prez fɔ prez am, ɛn dɛn fɔ fred am pas ɔl dɛn ɔda gɔd dɛm.

Di Sam Dɛm 47:3

I mek wi win wi ɛnimi dɛn, ɛn mek di pipul kam ɔnda wi fut.

Di Sam Dɛm 86:8

PAPA GƆD, nɔn gɔd nɔ de we dɛn ɔda neshɔn de wɔship we tan lɛk yu; dɛn nɔ ivin ebul fɔ du wetin yu de du.

Di Sam Dɛm 147:5

Wi PAPA GƆD big ɛn pawaful; natin nɔ de we i nɔ ɔndastand.