Jɛrimaya 10:6 - Krio Fɔs Oli Baybul

⁶ Nɔn gɔd nɔ de we tan lɛkɛ yu, PAPA GƆD; yu wɔndaful, ɛn yu nem gret ɛn pawaful.

Jɛrimaya 10:6 Referans Kwoze

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Di Sam Dɛm 96:4

PAPA GƆD na big PAPA GƆD ɛn i fit fɔ prez we wi fɔ fred pas dɛn ɔda gɔd dɛn.

Di Sam Dɛm 48:1

PAPA GƆD wɔndaful ɛn ɔlman fɔ prez am, ɔlman we de na di siti usay PAPA GƆD de fɔ wɔship am.

Ditarɔnɔmi 33:26

Nɔn gɔd nɔ de we gɛt pawa lɛkɛ Izrɛl dɛn PAPA GƆD, di klawd dɛn nain chariɔt ɛn i de rayd ɔp na di klawd.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Di Sam Dɛm 145:3

PAPA GƆD na big big PAPA GƆD we fɔ prez; nɔbɔdi nɔ go ɛva ebul ɔndastand aw big i big.

Daniɛl 4:3

PAPA GƆD in sayn dɛn wɔndaful, i kin du pawaful tin dɛn! In kindɔm go de sote go ɛn di rul we i de rul na frɔm jɛnareshɔn to jɛnareshɔn.

Di Sam Dɛm 147:5

Wi PAPA GƆD big ɛn pawaful; natin nɔ de we i nɔ ɔndastand.

2 Samiɛl 7:22

E PAPA GƆD, yu big! Nɔbɔdi nɔ de we tan lɛk yu ɛn na yu na di waŋren PAPA GƆD we wi no.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Ayzaya 40:25

Di Oli wan se, Udat una go kɔmpia mi wit, we una go se a fiba?

Ɛksodɔs 8:10

Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Ayzaya 46:5

“Na udat una wan se a fiba ɛn mek a ikwal to, ɛn kɔmpia mi to, so dat wi go fiba?

Ayzaya 40:18

Udat naw yu go se tan lɛk PAPA GƆD, ɔ wetin yu go kɔmpia am wit?

Di Sam Dɛm 35:10

Wit ɔl mi at, a go tɔk se “Nɔbɔdi nɔ tan lɛk yu, PAPA GƆD.” Yu de pul pipul we nɔ ebul fɛt fɔ dɛnsɛf kɔmɔt na di wan dɛn we gɛt pawa dɛn an, yu nɔ de gri mek pipul tek advantej pan dɛn.

Nɛimaya 9:32

“PAPA GƆD, yu na big big GƆD ɛn yu du fɔ fred. Yu na GƆD we de kip yu Kɔvinant wit wi ɛn yu nɔ de chenj yu lɔv fɔ wi. Nɔ mek lɛkɛ se di sɔfa we wi de sɔfa so nɔ min natin to yu. Dis sɔfa ya we wi Kiŋ ɛn bigman dɛn, dɛn man we de mek sakrifays fɔ wi sin dɛn, di prɔfɛt dɛn we na wi midul man dɛn to yu, wi papa dɛn ɛn ɔl di pipul dɛn de sɔfa bin dɔn de frɔm dɛn Asiria Kiŋ dɛn tɛm te tide.

Nɛimaya 4:14

A sidɔm luk pin nain a tɛl dɛn se, “Una nɔ fred nɔbɔdi. Una mɛmba se PAPA GƆD big ɛn wɔndaful. I gɛt pawa ɛn du fɔ fred so una fɛt fɔ una brɔda, pikin, wɛf ɛn ɔlman na una os dɛn.”

Ditarɔnɔmi 32:31

Bikɔs di wan we dɛn abop pan nɔ gɛt pawa lɛk di wan we wi abop pan, ivin wi ɛnimi dɛnsɛf de tɔk am.

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

1 Kronikuls 16:25

Bikɔs PAPA GƆD na gret Gɔd, ɛn nɔto bebi prez fɔ prez am, ɛn dɛn fɔ fred am pas ɔl dɛn ɔda gɔd dɛm.