Jɛrimaya 10:5 - Krio Fɔs Oli Baybul

⁵ Dɛn lay lay gɔd dɛm na lɛkɛ Ta bebi na wata mɛlɔn fam, ɛn dɛn nɔ de tɔk; pas dɛn tot dɛm, bikɔs dɛn nɔ ebul waka. Nɔ fred dɛm, bikɔs dɛn nɔ ebul du yu bad, semweso, i nɔ de pan dɛn fɔ du gud.”

Jɛrimaya 10:5 Referans Kwoze

Ayzaya 46:7

Dɛn es am put na sholda, bɔn am go, fiks am nain ples, ɛn i tinap de; i nɔ ebul muf kɔmɔt nain ples. If pɔsin kray to am, i nɔ de ansa ɔ sev am kɔmɔt pan in trɔbul.

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Abakɔk 2:19

Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.

Ayzaya 46:1

Bel baw, Nibo butu, dɛn laylay gɔd dɛn, de na dɛn animal ɛn dɛn kaw dɛn bak; dɛn tin dɛn ya we una bɔn, ebi lɛk lod we kin de na dɛn taya taya animal dɛn bak.

Ayzaya 45:20

Una gɛda unasɛf kam, una kam togɛda, una we lɛf pan di neshɔn dɛn! Dɛn nɔ no natin, dɛn wan we de waka waka wit dɛn bod laylay gɔd dɛn, ɛn fasin fɔ de pre to gɔd we nɔ ebul sev dɛm.

1 Kiŋ 18:26

Dɛn tek di kaw, kil am ɛn rɛdi am. Dɛn pre to Beal frɔm mɔnin te santɛm. Dɛn bin de ala se, “E Beal, ansa wi!” Dɛn ala te dɛn trot wan bɔs, bɔt fiŋ dɛn nɔ yɛri. Dɛn dans, dans rawnd di ɔlta we dɛn mek.

Jɛrimaya 10:14

Ɔl mɔtalman styupid ɛn nɔ gɛt sɛns; ɔl dɛn goldsmit dɛn go shem fɔ dɛn lay lay gɔd dɛm; bikɔs dɛn lay lay gɔd dɛn na lay lay, ɛn dɛn nɔ gɛt layf.

Ditarɔnɔmi 4:28

I se we dɛn de na dɛn fɔren kɔntri dɛn, dɛn go wɔship dɛn gɔd dɛn we mɔtalman mek; gɔd dɛn we nɔ gɛt layf.

2 Kronikuls 25:15

Fɔseka dat, PAPA GƆD bin vɛks pan Amazaya ɛn sɛn wan prɔfɛt to am we tɛl am se, “Wetin mek yu dɔn tɔn to ɔda pipul dɛn gɔd dɛm we nɔ ebul sev dɛn yon pipul kɔmɔt na yu an?

Ayzaya 16:12

Ɛn we Moab go sho insɛf, we i taya fɔ de usay dɛn kin pre na dɛn mawnten, wɛn i kam nain oli ples fɔ kam pre, i nɔ go si rod.