Jɛrimaya 10:21 - Krio Fɔs Oli Baybul

²¹ Bikɔs di shɛpad dɛn styupid, ɛn dɛn nɔ de aks PAPA GƆD bɔt natin; dat mek dɛn nɔ du wɛl na layf, ɛn ɔl dɛn ship dɛm dɔn skata ɔlɔbɔt.

Jɛrimaya 10:21 Referans Kwoze

Jɛrimaya 12:10

Plɛnti shɛpad dɛn dɔn pwɛl pwɛl usay a de plant greps, dɛn dɔn mas mas mi fam, dɛn dɔn mek mi fayn fayn ples to wan ɛmti ɛn dray, gud fɔ natin ples.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Zɛkaraya 10:3

PAPA GƆD se i dɔn vɛks wit ɔl di lida dɛn ɛn i go pɔnish di lida dɛn. PAPA GƆD Ɔlmayti in de luk afta in yon pipul dɛn, dat na di pipul dɛn na Juda fambul ɛn i go mek dɛn tan lɛk in ɔs dɛn we i de tek fɛt.

Izikɛl 34:12

Lɛk we shɛpad kin luk ɔlsay fɔ in ship dɛn we sɔm kin dɔn skata ɔlsay, na so a go luk ɔlsay fɔ mi ship dɛm; ɛn a go sev dɛm pan ɔl di ples dɛm we dɛn bin dɔn skata go, insay wande, we go gɛt klawd dɛn ɛn tik daknɛs.

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Jɛrimaya 8:9

Dɛn go mek di sɛnsman dɛn shem, dɛn go kɔnfyus ɛn dɛn go kech dɛm; wetindu? Dɛn dɔn put PAPA GƆD in wɔd wansay, uskayn sɛns dɛn gɛt naw?

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 49:32

Dɛn kamɛl dɛm go tɔn tin fɔ tek kɛr go afta wa, ɛn dɛn kaw dɛn go tɔn tin fɔ tek fri. A go skata lɛft ɛn rayt, dɛn wan we de krep rawnd dɛn ed, ɛn a go mek dɛn kalamiti mit dɛm ɔlɔbɔt. Na so PAPA GƆD se.

Jɛrimaya 10:14

Ɔl mɔtalman styupid ɛn nɔ gɛt sɛns; ɔl dɛn goldsmit dɛn go shem fɔ dɛn lay lay gɔd dɛm; bikɔs dɛn lay lay gɔd dɛn na lay lay, ɛn dɛn nɔ gɛt layf.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Jɛrimaya 22:30

Na dis PAPA GƆD se: “Rayt an dɔŋ se dis man nɔ gɛt pikin, se na man we nɔ go ɛva bɛtɛ na layf; bikɔs nɔn pan in pikin dɛn nɔ go ɛva sidɔm na Devid in tron, ɛn rul Juda.”