Jɛrimaya 10:20 - Krio Fɔs Oli Baybul

²⁰ Mi tɛnt dɔn pwɛl, ɛn ɔl di rop dɛn dɔn kɔt kɔt; mi pikin dɛn dɔn lɛf mi go; ɛn wan nɔ lɛf; nɔbɔdi nɔ de fɔ bil mi tɛnt bak, ɛn ɛŋ mi kɔtin dɛm.

Jɛrimaya 10:20 Referans Kwoze

Jɛrimaya 4:20

Dizasta fala Dizasta siriɔs wan, di wanol land lɛf ɛmti ɛn yuslɛs. Wantɛm wantɛm so, mi tɛnt dɛn dɔn pwɛl, bifo yu mekɔp, mi kɔtin sɛf dɔn pwɛl.

Jɛrimaya 31:15

Na dis PAPA GƆD se: “Dɛn yɛri wan vɔys na Rama, bita bita kray. Rechɛl de kray fɔ in pikin dɛm; i nɔ gri fɔ tek ɔsh fɔ in pikin dɛm, bikɔs dɛn dɔn day.”

Ayzaya 54:2

Mek di say we yu tɛnt de, big, ɛn ɛkstɛnd yu tɛnt we yu tap; nɔ sidɔm, ad mɔ rop ɛn mek di tɛnt in pɛg dɛn trɔŋ mɔ.

Lamɛnteshɔn 1:5

In ɛnimi dɛn dɔn bi in masta, in ɛnimi dɛn de go bifo, bikɔs PAPA GƆD dɔn mek i de sɔfa fɔ di bɔku sin dɛn we i dɔn kɔmit; dɛn dɔn kapchɔ ɛn kɛr in pikin dɛn go, as prizina dɛn na wa to dɛn ɛnimi.

Ayzaya 51:16

A dɔn put mi wɔd na yu mɔt ɛn dɔn ayd yu ɔnda mi an in shado, de opin di skay wayd, ɛn de le dis wɔl in fawndeshɔn, ɛn de tɛl Zayɔn se, “Una na mi pipul.’”

Prɔvabs 12:7

Bad pɔsin in wok nɔ de ɛnd fayn, bɔt pɔsin we de waka tret na PAPA GƆD in yay in wok go de sote go.

Job 7:8

Yu de si mi naw, bɔt yu nɔ go gɛt fɔ si mi igen; yu go de luk mi so, a go dɔn day.

Ayzaya 51:18

Nɔbɔdi nɔ de fɔ gayd am pan ɔl di bɔypikin dɛn we i dɔn bɔn; nɔn nɔ de fɔ ol in an pan ɔl di bɔypikin dɛn we i mɛn.

Mayka 2:9

Dɛn de drɛb di uman dɛn kɔmɔt na dɛn os dɔn dɛn nɔ de mek di pikin dɛn ɛnjɔy wetin PAPA GƆD gɛt fɔ dɛn.

Jɛrimaya 30:17

PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’