Jɛrimaya 10:16 - Krio Fɔs Oli Baybul

¹⁶ Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Jɛrimaya 10:16 Referans Kwoze

Ditarɔnɔmi 32:9

Na PAPA GƆD insɛf na Izrɛl dɛn Gɔd.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Jɛrimaya 31:35

Na dis PAPA GƆD se, udat gi di san fɔ bi layt santɛm ɛn fiks di mun ɛn di sta dɛm ɔdali fɔ gi layt na nɛt, udat de shek shek di si so dat di swɛlin dɛn go ala– na PAPA GƆD Ɔlmayti nain nem;

Jɛrimaya 51:19

Jekɔb in Gɔd nɔ tan lɛk dɛm, bikɔs na im mek ɔltin, ɛn na Izrɛl na di pipul dɛm we I dɔn pik; ɛn na PAPA GƆD Ɔlmayti nain nem.

Jɛrimaya 10:12

Naim mek di wɔl wit in pawa, in we yuz in sɛns mek di wɔl, ɛn tek in sabi prɛd di klawd.

Di Sam Dɛm 119:57

PAPA GƆD, na yu na mi PAPA GƆD; a prɔmis se a go du wetin yu lɔ dɛn se.

Di Sam Dɛm 74:2

Nɔ fɔgɛt se, wi na yu pipul we yu bin dɔn pik trade di pipul we yu sev fɔ bi yu yon, na Mawnt Zayɔn, usay yu bin de.

Lamɛnteshɔn 3:24

Mi sol se, “na PAPA GƆD a gɛt, so nain nɔmɔ a go abop pan.”

Di Sam Dɛm 135:4

Na PAPA GƆD dɔn pik Jekɔb fɔ bi in yon, ɛn in jɛnareshɔn dɛn fɔ bi in prayvet prɔpati.

Jɛrimaya 50:34

Di wan we kin pe fɔ fri dɛm, traŋa; na PAPA GƆD Ɔlmayti nain nem. I go mɔs tɔk fɔ dɛm, so dat di wanol wɔl go blo, bɔt Babilɔn nɔ go gɛt kolat.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Di Sam Dɛm 73:26

Mi at kin pwɛl, mi bɔdi sik, bɔt na PAPA GƆD de gi mi trɛnk; ɛn nain na mi yon sote go.

Ɛksodɔs 19:5

So naw, if dɛn obe mi ɛn go akɔdin to mi Kɔvinant, dɛn go bi mi bɔlyay pan ɔl dɛn neshɔn na di wɔl. Ɛn na mi gɛt di wanol wɔl. Na dɛn a dɔn pik,

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Ayzaya 51:15

Bikɔs na mi na PAPA GƆD we na yu Gɔd, we de shek di si, mek in swɛlin dɛn mek lawd lawd nɔys- na PAPA GƆD Ɔlmayti nain nem.

Ayzaya 47:6

A bin vɛks pan mi pipul dɛn, A disgres usay a kɔmɔt; A gi dɛn to yu, bɔt yu nɔ bin sho wan masi; na pan di ol pipul dɛn yu put yu lod we ebi pasmak.

Ayzaya 47:4

Wi Ridima – we PAPA GƆD Ɔlmayti nain nem- na di Oli Wan na Izrɛl.

Prɔvabs 16:4

PAPA GƆD gɛt in rizin we mek i mek ɔltin, ivin di wan we bad, i go mek i alaki.

Di Sam Dɛm 142:5

PAPA GƆD, na yu a de pre to; A se “Na yu de kɔba mi, a nɔ want natin igen na layf, pas yu.

Jɛrimaya 10:6

Nɔn gɔd nɔ de we tan lɛkɛ yu, PAPA GƆD; yu wɔndaful, ɛn yu nem gret ɛn pawaful.

Jɛrimaya 33:2

Na dis PAPA GƆD we mek di wɔl se, di GƆD we mol am mek i de aw i de so – na PAPA GƆD na In nem:

Emɔs 4:13

Di wan we mek dɛn mawnten ɛn di briz. Di wan we de sho wetin de nain bɛlɛ to mɔtalman; we de tɔn de to nɛt, we de rul di wanol wɔl. Nain nem PAPA GƆD, PAPA GƆD Ɔlmayti!

Zɛkaraya 2:12

PAPA GƆD go tek Juda as in yon prɔpati insay di oli land ɛn i go pik Jerusɛlɛm bak.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Di Sam Dɛm 33:6

Na tɔk nɔmɔ i tɔk fɔ mek di wɔl wit ɔl di sta ɛn mun ɛn san.

Ayzaya 19:25

we PAPA GƆD Ɔlmayti dɔn blɛs we i se, “Ijipt we na mi pipul dɛn, Asiria we na mi an a tek mek dɛn, ɛn Izrɛl we na mi pipul dɛn we a dɔn pik, go gɛt blɛsin.”

Jɛrimaya 46:18

“Di kiŋ se, wans a de, dat na di kiŋ we na PAPA GƆD Ɔlmayti, lɛkɛ we Mawnt Tabɔ ay pas di ɔda mawnten dɛm, ɛn lɛkɛ we Mawnt Kamɛl ay pas di si, na so di atak go tan.