Jɛrimaya 10:15 - Krio Fɔs Oli Baybul

¹⁵ Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Jɛrimaya 10:15 Referans Kwoze

Jɛrimaya 14:22

Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.

Ayzaya 41:24

Luk, una na natin, ɛn una wok na natin; di wan we pik una, nain na di bad bad tin we PAPA GƆD nɔ lɛk.

Jɛrimaya 51:18

Dɛn nɔ min natin, ɛn dɛn na lay lay; dɛn go nyakanyaka dɛm we di tɛm kam fɔ pɔnish di pipul dɛm.

Zɛkaraya 13:2

PAPA GƆD Ɔlmayti se na da de de i go pul ɔl dɛn ɔda gɔd we dɛn mek fɔ wɔship na di land ɛn nɔbɔdi nɔ go de mɛmba dɛn, dɔn ivin dɛn prɔfɛt dɛn ɛn di spirit we de mek dɛn wan fɔ wɔship di ɔda gɔd dɛn nɔ go de igen

Jona 2:8

Dɛn wan we fasin fɔ wɔship dɛn ɔda gɔd dɛn de pwɛl rod fɔ dɛnsɛf.

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Ayzaya 41:29

A de tɛl yu, dɛn ɔl na laylay; dɛn nɔ ebul du natin; dɛn laylay gɔd dɛm na lɛk ɛmti briz.

1 Samiɛl 12:21

Una nɔ fala dɛn ɔda gɔd dɛn de. Dɛn nɔ ebul du natin.

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Ozie 9:7

Izrɛl go no fɔ tru tru se di tɛm dɔn rich we dɛn fɔ pe fɔ ɔl wetin dɛn dɔn du. Dɛn mek PAPA GƆD in prɔfɛt dɛn ful ɛn dɛn ɔda man dɛn we de nia PAPA GƆD, dɛn mek dɛn fiba fulman bikɔs di pipul pasmak pan dɛn sin.

1 Samiɛl 5:4

Bɔt di nɛks de bak we dɛn grap na mɔnin, dɛn mit Degɔn dɔn fɔdɔm bak wit in fes na grɔn bifo di ak. In ed ɛn an ɔl bin dɔn kɔt kɔmɔt ɛn we dɛn go na Degɔn in os domɔt nain bɔdi nɔmɔ bin lɛf.

Di Sam Dɛm 115:9

Una we de na Izrɛl, put una abop pan PAPA GƆD. Nain de ɛp una ɛn i de kɔba una.

Ayzaya 57:12

A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.

Jɛrimaya 43:12

I go layt faya insay di gɔd dɛm na Ijipt dɛn tɛmpul dɛm; ɛn i go bɔn dɛm ɛn kɛr dɛm go as slev; ɛn i go klin Ijipt lɛkɛ aw shɛpad de klin in kot we gɛt lɔs; ɛn i go kɔmɔt de wit kolat.

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’