Jɛrimaya 10:12 - Krio Fɔs Oli Baybul

¹² Naim mek di wɔl wit in pawa, in we yuz in sɛns mek di wɔl, ɛn tek in sabi prɛd di klawd.

Jɛrimaya 10:12 Referans Kwoze

Job 9:8

we nain wangren mek di klawd tan aw i tan, we de tap di swɛlin dɛn na si;

Jɛnɛsis 1:1

Wɛn PAPA GƆD bigin mek di wanol wɔl

Prɔvabs 3:19

PAPA GƆD yuz in sɛns fɔ mek di wɔl na di sabi we i gɛt i yuz fɔ put di skay usay i de;

Ayzaya 40:22

Nain sidɔm pantap di wɔl, ɛn di wan dɛn we de na di wɔl tan lɛk grasɔpa; in we opin di skay lɛk winda kɔtin, ɛn prɛd dɛn lɛk tɛnt fɔ tap;

Lɛta Fɔ Kɔlɔse 1:16

Tru Krays, Gɔd mek ɔl wetin de na ɛvin ɛn dis wɔl, dɛn tin we wi de si ɛn dɛn wan we wi nɔ de si; ivin dɛn spirit sɛf we gɛt pawa ɛn we de rul. Tru Krays, Gɔd mek ɔltin we de na ɛvin ɛn dis wɔl ɛn ɔltin de fɔ ɔna Krays.

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Di Sam Dɛm 24:2

We PAPA GƆD mek di wɔl, i bil di fawndeshɔn insay dip dip wata.

Zɛkaraya 12:1

Dis na di wɔd we PAPA GƆD tɔk bɔt Izrɛl: PAPA GƆD we mek ɛvin ɛn ath ɛn gi layf to mɔtalman se,

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Jɛrimaya 10:13

Wɛn i pas kɔmand, di wata dɛn we de ɔp di klawd kin slap slap dɛnsɛf; ɛn i kin mek smok grap kɔmɔt na di las las pat dɛn na di wɔl. I mek laytin fɔseka ren, ɛn i briŋ briz kɔmɔt nain sto.

Ayzaya 49:8

Na dis PAPA GƆD se; “Di tɛm fɔ fevɔ, a dɔn ansa yu di de fɔ salveshɔn, a dɔn ɛp yu; A dɔn kip yu ɛn gi yu fɔ bi Kɔvinant to di pipul dɛn, fɔ mek di kɔntri go tinap traŋa wan, fɔ sheb sheb di ɛmti land;

Ayzaya 48:13

Na mi le di fawndeshɔn fɔ di wɔl, ɛn mi raytan prɛd di skay; wɛn a kɔl dɛm, dɛn de kɔmɔt tinap togɛda.

Ayzaya 45:18

Bikɔs na dis PAPA GƆD se, we mek di skay (nain na Gɔd!), We mol dis wɔl ɛn mek am (i mek i tinap, i nɔ mek i bi ples we nɔ gɛt ɔda, i mek am fɔ pipul fɔ tap!). “Na Mi na PAPA GƆD, ɛn nɔn ɔda wan nɔ de.

Ayzaya 45:12

Na mi mek dis wɔl, ɛn mek mɔtalman de de; na mi an mek di skay ɛn opin am wayd, ɛn a kɔntrol ɔl wetin de de.

Ayzaya 44:24

PAPA GƆD we sev una, we mol unainsay una mami bɛlɛ, se; “Na Mi na PAPA GƆD we mek ɔl tin, we na Mi wan opin di skay rich ɔlsay, we mek dis wɔl – udat bin de wit mi?

Ayzaya 42:5

Na dis PAPA GƆD se, PAPA GƆD, we mek di skay ɛn opin am wayd wan, we mek di wɔl ɛn ɔl wetin de de; we gi layf to di pipul dɛn we tap de ɛn spirit to di wan dɛn we de waka de:

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Di Sam Dɛm 33:6

Na tɔk nɔmɔ i tɔk fɔ mek di wɔl wit ɔl di sta ɛn mun ɛn san.

Prɔvabs 30:4

Ɛnibɔdi de we dɔn go ɛvin ɛn kam dɔŋ bak? Ɛnibɔdi de we dɔn ɛva kech briz? Ɛnibɔdi de we dɔn ɛva tek in klos tot wata? Ɛnibɔdi de we mek di ath in bawndri? Ɛnibɔdi no udat? Wetin nain bɔypikin in nem? Tɛl mi if yu no!

Di Sam Dɛm 119:90

Yu go bi fethful to ɔl jɛnareshɔn; infakt sɛf di wɔl we yu dɔn mek go de sote go.

Di Sam Dɛm 78:69

I bil in os na ay ples, I mek am trɔŋ lɛk di wɔl we i mek fɔ de sote go.

Job 26:7

I strɛch di skay go na di nɔth ɛn i nɔ ɛŋ di ath pan natin.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Di Sam Dɛm 93:1

PAPA GƆD na Kiŋ, i wɛr fayn klos lɛk kiŋ. I tɔf ɛn i gɛt trɛnk. I dɔn mek ɔltin na di wɔl ɛn natin nɔ go chenj am.

Jɛnɛsis 2:5

plant dɛn nɔ bin de na grɔn, ɛn sid sɛf nɔ bin bigin bɔs yet. Natin nɔ bin de gro na di grɔn bikɔs PAPA GƆD nɔ bin mek ren bigin kam yet, ɛn nɔbɔdi nɔ bin de yet fɔ dig di grɔn;

Job 37:18

Yu ebul mek di skay, we traŋa lɛk glas we mɛlt?

Ayzaya 37:16

“E PAPA GƆD, Izrɛl in GƆD, yu de ay wan midul dɛn Chɛryubim. Na yu wangren na GƆD pantap ɔl dɛn kindɔm na wɔl, na yu mek ɛvin ɛn ath.

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

1 Kronikuls 16:26

Bikɔs ɔl di pipul dɛn gɔd dɛm na laylay gɔd; bɔt na PAPA GƆD mek di skay ɛn ɔl wetin de ɔp

Di Sam Dɛm 65:7

Yu we ebul mek si stɛdi we i nɔ de rɔf ɛn trɔbul sɛf nɔ de de na di kɔntri.

Jɛrimaya 14:22

Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.