Jɛrimaya 10:10 - Krio Fɔs Oli Baybul

¹⁰ Bɔt na PAPA GƆD na di tru tru Gɔd; in na di Gɔd we de alayv ɛn di kiŋ we de sote go. We i vɛks, di wanol wɔl de shek, ɛn di neshɔn dɛm nɔ ebul bia in vɛksteshɔn.

Jɛrimaya 10:10 Referans Kwoze

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

Di Sam Dɛm 100:5

PAPA GƆD gud ɛn i nɔ de chenj in maynd we i lɛk yu. I fethful to in pipul ɛn ɔl dɛn jɛnareshɔn.

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Di Sam Dɛm 31:5

PAPA GƆD, a de lɛf misɛf to yu sev mi, yu na PAPA GƆD we fɔ trɔs.

Di Sam Dɛm 10:16

Yu, wi PAPA GƆD na kiŋ sote go. Ɔl dɛn neshɔn we de wɔship ɔda gɔd go kɔmɔt na yu land.

Di Sam Dɛm 18:7

Ɔlsay de trimbul we yu vɛks, di ath de shek ɛn di mawnten dɛnsɛf de trimbul.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Di Ibru Pipul Dɛn 10:31

I go bad fɔ di pɔsin we Gɔd we gɛt layf sote go, go kɔndɛm so.

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Malakay 3:2

Udat go ebul go ebul bia wetin go apin wɛn i go kam. Bikɔs i tan lɛk di faya we gold ɛn silvasmit de yus ɛn go klin yu lɛk wɔshman waytɛks..

Abakɔk 3:6

I kin tek stand fɔ luk wetin de apin na wɔl; wɛn i luk, ɔl di pipul na wɔl de trimbul. Di mawnten dɛn we bin dɔn de frɔm tɛm kin skata; dɔn di il dɛnsɛf we bin dɔn de frɔm tɛm kin jɛs lɔs, na so i bin dɔn de du lɔntɛm.

Mayka 1:4

We i pas, di grɔn ɛn di mawnten dɛn we de ɔnda in fut go mɛlt dɔn di vali dɛn go plit tu. Di mawnten dɛn go mɛlt lɛk kyandul bifo faya, lɛk we wata de rɔn dɔŋ il.

Di Sam Dɛm 146:6

in na di PAPA GƆD we mek ɛvin ɛn ath, di si, ɛn ɔl wetin de insay dɛn; in na PAPA GƆD we yu kin abop pan.

Di Sam Dɛm 145:13

Yu de rul go de sote go ɛn yu go rul ɔl jɛnareshɔn we gɛt fɔ bɔn. PAPA GƆD de kip in wɔd ɛn di lɔv we i gɛt nɔ de chenj.

Di Sam Dɛm 114:7

Di ath fɔ trimbul wit fred ɛnitɛm we PAPA GƆD, di PAPA GƆD we Jekɔb de wɔship de,

Di Sam Dɛm 104:32

Na luk nɔmɔ, i kin luk di ath, athkwek de tek ples, dɔn we i tɔch di mawnten, faya de bɔs de.

Di Sam Dɛm 97:4

In laytin de gi layt to ɔlman na wɔl; dɛn we mɔtalman si am, i de trimbul wit fred.

Di Sam Dɛm 93:2

PAPA GƆD dɔn bi Kiŋ lɔntɛm; i bin dɔn de frɔm tɛm.

Di Sam Dɛm 90:11

Udat no wetin yu kin du we yu vɛks? Di vɛks we yu vɛks ɛn di fred we yu want fɔ mek wi fred yu na di sem.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Job 9:6

we mek di wɔl kin shek kɔmɔt nain ples ɛn mek di pila dɛn we i tinap pan, trimbul;

2 Kronikuls 15:3

I dɔn te we Izrɛl nɔ bin de wit di tru tru Gɔd, ɛn nɔ bin gɛt man we de mek sakrifays fɔ pipul sin fɔ de tich dɛn, ɛn dɛn nɔ bin gɛt lɔ;

1 Kiŋ 18:39

Wɛn ɔl di pipul dɛn si wetin bi, dɛn fɔdɔm flat na grɔn ɛn tɔk se, “Na PAPA GƆD na PAPA GƆD! Na PAPA GƆD, na PAPA GƆD!”

1 Samiɛl 17:36

Devid tɛl Sɔl se in dɔn kil layɔn ɛn bia so di Filistin we na ithɛn go bi lɛk dɛn bikɔs i dɔn chalenj PAPA GƆD we nɔ de day in ami.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Di Jɔj Dɛm 5:4

PAPA GƆD, we yu bin kɔmɔt Mawnt Sɛir, we yu kɔmɔt na Idɔm, di grɔn shek ɛn bibig ren fɔdɔm, fɔ tru, wata kɔmɔt ɔp di skay.

Ditarɔnɔmi 5:26

I se dɛn tɛl am igen se nɔn mɔtalman nɔ de na dis wɔl we dɔn yɛri di PAPA GƆD we gɛt layf in vɔys na faya lɛk dɛn, ɛn nɔ day.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Matyu 26:63

Bɔt Jizɔs nɔ tɔk natin. Nain di edman fɔ dɛn man we de mek sakrifays fɔ pipul sin tɔk igen se, “A de tek Gɔd we gɛt layf sote go, tɛl yu fɔ tɛl wi if yu na di Mɛsaya we na Gɔd in Pikin, fɔ tru.”

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Abakɔk 3:10

We di mawnten dɛn si wetin yu du, dɛn skyad; wata kɔmɔt ɔp klawd kam dɔŋ. Di wata we de ɔnda grɔn sɛf ala, ɛn bɔs kam pantap.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Daniɛl 4:3

PAPA GƆD in sayn dɛn wɔndaful, i kin du pawaful tin dɛn! In kindɔm go de sote go ɛn di rul we i de rul na frɔm jɛnareshɔn to jɛnareshɔn.

Jɛrimaya 23:36

Bɔt una nɔ fɔ tɔk di wɔd, PAPA GƆD in lod’ igen igen, bikɔs di lod na ɔlman wɔd, ɛn una de kɔrɔpt PAPA GƆD we de alayv, we na PAPA GƆD Ɔlmayti, we na wi Gɔd, in wɔd.

Ayzaya 37:17

PAPA GƆD duya opin yu yes ɛn lisin; PAPA GƆD duya, opin yu yay lɛ yu si; luk wetin Sɛnakarib dɔn rayt we i kɔs yu, yu we na PAPA GƆD we gɛt layf.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Di Sam Dɛm 68:11

Wɛn di Masta tɔk, bɔku pipul kin kɛr di nyuz go.

Jɛnɛsis 21:33

Afta dat Ebraam plant tamarisk tik na Biashiba ɛn wɔship PAPA GƆD de, di PAPA GƆD we na PAPA GƆD sote go.

1 Kiŋ 8:60

lɛ ɔlman na wɔl go no se PAPA GƆD na PAPA GƆD fɔ tru ɛn nɔn ɔda gɔd nɔ de.

Di Sam Dɛm 29:10

PAPA GƆD sidɔm lɛk kiŋ de kɔmand di si; PAPA GƆD sidɔm lɛkɛ Kiŋ ɛn nain na Kiŋ sote go.

Di Sam Dɛm 68:8

di wɔl trimbul bifo yu ɛn ren fɔdɔm bifo yu we na Izrɛl dɛn PAPA GƆD, di PAPA GƆD we bin tɔk to dɛn na Mawnt Saynay,

Di Sam Dɛm 90:2

Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go.

Ayzaya 40:15

Biliv mi, di neshɔn dɛn na lɛk wan drɔp wata na bokit to am, ɛn I si dɛn lɛk dɔst na skel; Luk, i es ɔp di ayland dɛm lɛk fayn dɔst.

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Jɛrimaya 4:24

A luk di mawnten dɛm, eya, dɛn bin de shek, ɛn ɔl di il dɛn bin de muf go bifo ɛn biɛn.

Jɛrimaya 50:46

Wɛn dɛn go kapchɔ Babilɔn, di wanol wɔl go shek, ɛn ɔl di ɔda neshɔn dɛm go yɛri we i de ala.”

Jɛrimaya 51:29

Di land de trimbul ɛn de tɔn tɔn wit pen, bikɔs wetin PAPA GƆD plan fɔ du Babilɔn mɔs bi, dat na fɔ mek Babilɔn ɛmti ɛn gud fɔ natin ples, we nɔbɔdi nɔ tap.

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

1 Kronikuls 29:11

PAPA GƆD yu gret, yu gɛt pawa, na yu dɛn de kɔle pan, yu de win ɔltɛm, ɛn di ɔna we pas ɔl ɔna, bikɔs ɔl wetin de na ɛvin ɛn dis wɔl na yu yon. Di kindɔm na yu yon, PAPA GƆD, ɛn na yu de pantap ɔltin.

Di Sam Dɛm 9:8

I go jɔj di wɔl tret wan; i nɔ go de pan bɛnbɛn we i de jɔj.

Di Sam Dɛm 74:12

Bɔt yu na mi PAPA GƆD ɛn Kiŋ fɔ lɔŋ yu dɔn win bɔku fɛt na wi land.

Di Sam Dɛm 76:8

Yu sidɔm na ɛvin de jɔj udat rayt ɛn udat rɔŋ; ɔlman na wɔl de fred yu ɛn nɔ de se natin,

Di Sam Dɛm 100:3

No fɔ tru tru se, PAPA GƆD nain waŋren na PAPA GƆD. Nain mek wi, so nɔto wi gɛt wisɛf; wi nain pipul we tan lɛk ship we i de mɛn.

Ayzaya 40:28

Yu nɔ no yet? Yu nɔ dɔn yɛri? PAPA GƆD na di Gɔd we de sote go, na im mek di wanol wɔl. I nɔ de wik, i nɔ de taya pɔsin nɔ de ebul fɛnɔt fɔ no aw I de tink.

Daniɛl 6:27

In de sev ɛn pul kɔmɔt pan trɔbul i de du wɔndaful tin dɛn na ɛvin ɛn na dis wɔl sɛf, in we dɔn sev Daniɛl lɛ di Layɔn dɛn nɔ it am.”

Neum 1:5

Di mawnten dɛn go trimbul, dɔn di il dɛn go mɛlt bifo in yay; di ath ɔl go trimbul usay i de, ɛn di wɔl wit in pipul dɛnsɛf go trimbul.