Jɛrimaya 1:8 - Krio Fɔs Oli Baybul

⁸ Nɔ fred dɛm, bikɔs a de wit yu fɔ sev yu,” na so PAPA GƆD se.

Jɛrimaya 1:8 Referans Kwoze

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

Ayzaya 51:7

“Una lisin mi, una we no aw fɔ waka tret na PAPA GƆD in yay, di pipul dɛn we mi lɔ de na dɛn at; una nɔ fred mɔtalman laf, ɛn nɔ pwɛl at we dɛn de kɔs una.

Ditarɔnɔmi 31:6

Mozis tɛl di Izrɛlayt dɛn se, dɛn fɔ tinap lɛk man, ɛn dɛn nɔ fɔ mek dɛn ɛnimi dɛn mek dɛn fred, bikɔs PAPA GƆD we na dɛn PAPA GƆD de wit dɛn ɔltɛm; i nɔ go kɔmɔt biɛn dɛn.

Apɔsul Dɛn Wok 4:13

Di bigman dɛn na di Ju gran kot si se Pita ɛn Jɔn nɔ bin sabi rid ɛn rayt, ɛn dɛn na bin ɔdinari pipul, bɔt dɛn nɔ bin de fred fɔ tɔk. Na dat mek dɛn wɔnda; ɛn dɛn kam gɛt fɔ no se dɛn bin de wit Jizɔs.

Ditarɔnɔmi 31:8

I tɛl am se PAPA GƆD go de bifo dɛn ɛn i go de wit dɛn ɔltɛm; i nɔ go kɔmɔt biɛn dɛn, so i nɔ sɔpoz fɔ fred natin ɔ pwɛl at.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Apɔsul Dɛn Wok 18:10

bikɔs a de wit yu. Nɔbɔdi nɔ go ebul fɔ du yu bad. Plɛnti pipul na dis tɔŋ de fɔ mi.”

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Apɔsul Dɛn Wok 26:17

A go mek dɛn pipul we a sɛn yu to, dɛn Ju ɛn dɛn wan we nɔto Ju, nɔ ebul du yu bad.

Apɔsul Dɛn Wok 4:29

So, Masta, yu dɔn yɛri ɔl wetin dɛn bigman na di Ju gran kot tɛl wi, bɔt wi de beg yu fɔ ɛp wi we na yu savant dɛn lɛ wi nɔ fred fɔ tɔk yu mɛsej.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 10:26

“So una nɔ fred mɔtalman, natin nɔ de we ayd, we pipul nɔ go si, ɛn natin nɔ de we na sikrit, we pipul nɔ go no.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Lɛta Fɔ Ɛfisɔs 6:20

Mi na Gɔd in mɛsenja we de na jel fɔseka di Gud Nyuz. Una pre fɔ mi, so dat a nɔ go fred fɔ tɔk bɔt Jizɔs Krays aw a fɔ tɔk bɔt am.

Jɛrimaya 1:19

PAPA GƆD se, dɛn go fɛt yu; bɔt dɛn nɔ go ebul yu, bikɔs a de wit yu fɔ fɛt fɔ yu.

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.

Jɛrimaya 39:11

Nɛbyukadnɛza we na kiŋ na Babilɔn pas kɔmand bɔt Jɛrimaya to Nɛbyuzaradan, we na di kapten fɔ di gyadman dɛn se,

Jɛrimaya 42:11

Una nɔ frɛd di kiŋ na Babilɔn we una bin de fred igen; una no frɛd am, na so PAPA GƆD se, bikɔs a de wit una fɔ pul una kɔmɔt nain an.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Daniɛl 3:25

Nain di kiŋ se, “Bɔt a si fo man de waka insay di faya; nɔn nɔ tay ɛn natin nɔ du dɛm, ɛn di nɔmba fo man luk lɛk dɛn gɔd dɛn bɔypikin.”