Jɛrimaya 1:5 - Krio Fɔs Oli Baybul

⁵ “Bifo a mek yu na yu mami in bɛlɛ, a bin dɔn no yu, ɛn bifo yu bɔn, a bin dɔn kɔnsikret yu fɔ mi wok; a pik yu fɔ bi prɔfɛt to ɔl di neshɔn dɛm.”

Jɛrimaya 1:5 Referans Kwoze

Di Sam Dɛm 139:16

Yu bin dɔn si mi bifo a bɔn. Yu rayt dɔŋ na yu buk aw lɔŋ a gɛt fɔ liv bifo a bɔn.

Ayzaya 49:1

Lisin to mi, una dɛn kɔntri dɛn nia di si, ɛn pe atɛnshɔn, una dɛn neshɔn dɛn we de fawe, PAPA GƆD kɔl mi frɔm we a de na bɛlɛ, nainsay mi mami bɛlɛ i gi mi nem.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Ayzaya 49:5

Ɛn naw PAPA GƆD de se, In we mol mi frɔm mi mami bɛlɛ, fɔ briŋ Jekɔb kam bak to am, ɛn fɔ mek Izrɛl gɛda kam to am, bikɔs a gɛt ɔna na PAPA GƆD in yay ɛn mi Gɔd dɔn bi mi trɛnk-

Ayzaya 44:2

Na dis PAPA GƆD we mek yu, se, we mol yu na yu mami bɛlɛ, ɛn we go ɛp yu: Nɔ fred, yu Jekɔb we na mi wokman, Jɛshurɔn we a dɔn pik.

Lyuk 1:41

Wɛn Ilizabɛt yɛri Meri in vɔys, di pikin we de na Ilizabɛt in bɛlɛ jomp. Gɔd in Spirit kam insay Ilizabɛt,

Lyuk 1:76

Yu, mi pikin, dɛn go kɔl yu Gɔd we pas ɔl, in prɔfɛt. Na yu go mek pipul rɛdi fɔ di tɛm we di Masta go kam;

Ɛksodɔs 33:17

PAPA GƆD ansa Mozis. I se, “A go du wetin yu se bikɔs a no yu gud gud fashin ɛn a lɛk yu.”

Jɛrimaya 1:10

Tide, a dɔn put yu oba neshɔn ɛn kindɔm dɛm, fɔ pik kɔmɔt ɛn fɔ brokdɔŋ, fɔ pwɛl ɛn fɔ kapsay fɔ bil ɛn fɔ plant.”

Ɛksodɔs 33:12

Mozis tɔk to PAPA GƆD. I se, “Na tru se yu dɔn pik mi fɔ lid dɛn pipul ya, bɔt yu nɔ tɛl mi udat go go wit mi. Yɛs, yu dɔn tɔk se yu no mi gud gud fashin ɛn yu lɛk mi.

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Jɛrimaya 50:34

Di wan we kin pe fɔ fri dɛm, traŋa; na PAPA GƆD Ɔlmayti nain nem. I go mɔs tɔk fɔ dɛm, so dat di wanol wɔl go blo, bɔt Babilɔn nɔ go gɛt kolat.

Lɛta Fɔ Ɛfisɔs 1:22

Gɔd mek ɔltin fɔ mek dɛn nil dɔŋ bifo Krays, ɛn na Krays na di edman fɔ ɔlman na di chɔch, we nain bɔdi. Krays na di ed fɔ di bɔdi ɛn di bɔdi na di pipul dɛn na di chɔch, so Krays dɔn bi ɔl wetin i want fɔ bi bikɔs i dɔn gɛt di bɔdi. Ɛn insɛf de rul ɔltin ɛn ɔlman ɔlɔbɔt na wɔl ɛn i de mek dɛn bi aw dɛn fɔ bi.

Jɔn 10:36

Fɔ mi yon pat, mi Papa pik mi ɛn sɛn mi kam na wɔl, so wetin mek una se a fityay Gɔd wɛn a se, mi na Gɔd in Pikin?

1 Kɔrint 8:3

Bɔt if pɔsin lɛk Gɔd, Gɔd no se da pɔsin de nain yon.

Di Sam Dɛm 139:15

Yu no ɔl pat pan mi. Di tɛm we dɛn bin de tray fɔ mi na sikrit yu no dat, dɔn yu tek tɛm put mi na mi mama in bɛlɛ.

Jɛrimaya 1:4

PAPA GƆD in wɔd kam to mi se,

Jɛrimaya 25:13

A go mek ɔltin we a bin dɔn se go bi to da land de, mit dɛm; ɔltin we rayt na dis buk, we Jɛrimaya bin dɔn prɔfisay se go bi to ɔl dɛn neshɔn.

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 20:15

Le swɛ mit di man we bin briŋ di nyuz to mi papa se, “Yu dɔn gɛt bɔypikin,” we mek i gladi bad bad wan.