Jɛrimaya 1:16 - Krio Fɔs Oli Baybul

¹⁶ Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 1:16 Referans Kwoze

Jɛrimaya 19:4

Bikɔs di pipul dɛn dɔn fɔsek mi ɛn bamfa dis ples we dɛn de bɔn insɛns de to ɔda gɔd dɛm we dɛm ɛn dɛn fɔstɛmpapa dɛm, ɛn dɛn kiŋ dɛn na Juda nɔ no wande; ɛn bikɔs dɛn dɔn ful dis ples wit inosɛnt pipul dɛn blɔd,

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Apɔsul Dɛn Wok 7:41

Dɛn mek kaw pikin fɔ de pre to ɛn sakrifays tin to am; dɛn kin ɔltɛm gladi fɔ di tin we dɛn mek.

Ayzaya 2:8

Dɛn ples ful wit laylay gɔd; ɛn dɛn de butu to di tin we dɛn yon an mek, to di tin we dɛn yon finga mek.

Ditarɔnɔmi 28:20

PAPA GƆD go put ɔlkayn swɛ pan dɛn; dɛn go de pan kɔnfyushɔn ɛn pwɛlat ɔltɛm. I go brok dɛn dɔŋ kpatakpata, ɛn dɛn layf dɛn nɔ go lɔŋ, fɔseka we dɔn kɔmɔt biɛn PAPA GƆD ɛn du bad bad tin dɛn.

Ozie 11:2

I se, di mɔ we i de drɔ dɛn to insɛf, na di mɔ dɛn de rɔn kɔmɔt frɔm am; dɛn de fɔ de mek sakrifays to di Beal dɛn; ɛn bɔn insɛns to di gɔd dɛn we dɛn mek.

Ozie 8:6

Na mɔtalman yuz skil fɔ mek am. Noto gɔd so dɛn go nyamanyama da kaw pikin de na Sameria.

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 4:12

na briz we pasmak fɔ dɛn kayn tin dɛn de, de kam fɔ mi. Una no se na mi de pas jɔjmɛnt pan di pipul dɛm.”

Ayzaya 37:19

dɛn dɔn trowe dɛn gɔd dɛn na faya ɛn bɔn dɛn, bɔt sɛf, nɔto gɔd dɛn, na ɛmti tik ɛn ston we na mɔtalman an dɛn tek mek dɛn.

2 Kiŋ 22:17

I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.

Jɔshwa 24:20

I se lɛ dɛn nɔ luk se bikɔs i dɔn du plɛnti gud tin fɔ dɛn dɛn kin jɔs du ɛnitin we dɛn fil o; if dɛn du wetin PAPA GƆD nɔ lɛk, i go chenj pan dɛn ɛn pɔnish dɛn bad bad wan ɛn kin ivin kil kil dɛnsɛf.

Ditarɔnɔmi 31:16

Nain PAPA GƆD tɛl Mozis se di tɛm dɔn de rich fɔ lɛ i day go mit in fɔstɛm-papa dɛn; I se, datɛnde, di Izrɛlayt dɛn go kɔmɔt biɛn am ɛn go bigin wɔship di trenja gɔd dɛn we de na di land we dɛn de kam go, ɛn bay dat, dɛn go pwɛl di Kɔvinant we de bitwin dɛn ɛn PAPA GƆD.

Izikɛl 24:14

Na mi PAPA GƆD dɔn tɔk so: ɛn i go bi, A go du am; A nɔ go chenj mi maynd, ɛn A nɔ go sɔri fɔ ɛnibɔdi, A nɔ go rigrɛt; A go jɔj una bay aw una de biev ɛn bay wetin una du. Na so Papa Gɔd we na Gɔd se.

Jɛrimaya 51:17

Ɔlman we nɔ lan natin, styupid; ɔl dɛn goldsmit dɛn lay lay gɔd dɛm, go mek dɛn shem; bikɔs dɛn lay lay gɔd dɛm na fɔls, ɛn dɛn nɔ gɛt layf.

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 11:12

Da tɛm de, di siti dɛm na Juda ɛn di wan dɛm we tap na Jerusɛlɛm, go go ɛn kray to di gɔd dɛm we dɛn bin de bɔn insɛns to, bɔt dɛn nɔ go ebul sev dɛm we trɔbul mit dɛm.

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Jɛrimaya 5:29

PAPA GƆD se, “A nɔ fɔ pɔnish dɛm fɔ dɛn tin dɛn de? Ɛn a nɔ fɔ rivɛnj fɔ mi nem pan neshɔn lɛkɛ dis kayn?

Jɛrimaya 5:9

PAPA GƆD se, “A nɔ fɔ pɔnish dɛm fɔ dɛn kayn tin dɛn de? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Jɛrimaya 4:28

Bikɔs di wɔl go munin, ɛn di klawd dɛn we de oba una ed go blak; bikɔs mi dɔn tɔk, mi dɔn se i fɔ bi; A nɔ taya, ɛn a nɔ go chenj mi mind.”

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Ayzaya 65:3

pipul dɛn we de provok mi bifo mi fes, ɔltɛm, de mek sakrifays na dɛn gadin dɛm ɛn de bɔn insɛns pantap blɔk;

Ayzaya 44:15

Dɔn i tɔn faya wud fɔ mɔtalman; in de tek sɔm wam insɛf, i tek sɔm mek faya ɛn bek in bred; dɔn i tek am mek gɔd ɛn wɔship am. I mek laylay gɔd ɛn butu to am.

2 Kronikuls 34:25

Bikɔs dɛn dɔn trowe mi ɛn bɔn insɛns to ɔda Gɔd dɛm, lɛ dɛn go jɔs provok mi mek a vɛks, wit ɔl di wok we dɛn an de du, fɔseka dat a dɔn wayl an a go pul mi vɛks pan dis ples ɛn natin nɔ go klo mi at.

2 Kronikuls 15:2

ɛn i go go mit Ɛsa ɛn tɛl am se, “Esa ɛn ɔlman na Juda ɛn Bɛnjamin, una lisin mi: PAPA GƆD de wit una we una de wit am. If una luk fɔ am, una go fɛn am, bɔt if una kɔmɔt biɛn am, insɛf go kɔmɔt biɛn am.

2 Kronikuls 7:19

“Bɔt if yu tɔn yu bak pan mi, ɛn nɔ obe mi kɔmandmɛnt we a dɔn se una fɔ de obe, ɛn go fala ɔda gɔd dɛm ɛn wɔship dɛm,

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Jɛrimaya 2:28

Bɔt we una gɔd dɛm we una mek fɔ unasɛf? Le dɛn tray if dɛn go ebul sev una, we trɔbul kam; bikɔs aw una siti dɛn bɔku, na so una gɔd dɛn bɔku, Yu Juda.

Jɛrimaya 10:3

bikɔs na fɔls kɔstɔm di neshɔn dɛn gɛt. Dɛn kɔt wan tik na di fɔrɛst, ɛn man we de wok wit in an tek aks kav am.

2 Kronikuls 28:2

In bin du di bad tin dɛn we di kiŋ dɛn na Izrɛl bin de du. I ivin mek ayɛn lay lay gɔd dɛn fɔ di Beal;

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Izikɛl 16:18

ɛn una tek una klos we dɛn wok wit trɛd, kɔba dɛn, ɛn put mi ɔyl ɛn mi insɛns bifo dɛn.