Jɛrimaya 1:14 - Krio Fɔs Oli Baybul

¹⁴ Nain PAPA GƆD tɛl mi se, “Na di nɔt ivul go kɔmɔt go pan di pipul dɛn we tap na di land.

Jɛrimaya 1:14 Referans Kwoze

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɛrimaya 4:6

Una put put sayn post dɛn we de sho rod fɔ go Zayɔn, una rɔn fɔ una layf, nɔ westɛm bikɔs a de briŋ bad bad tin kɔmɔt na di nɔt, wit wan big big nyakanyaka.

Ayzaya 41:25

A shek pɔsin kɔmɔt na di nɔt, ɛn i dɔn kam, kɔmɔt usay di san de kan ɔp, ɛn i go de pre to mi; I go mas mas di rula dɛm na pɔtɔ pɔtɔ kle, lɛk we man we de wok wit kle, kin de mas mas am.

Izikɛl 1:4

As a bin de luk, wantɛm, tinada blo kɔmɔt na di nɔt, ɛn wan bibig klawd we bin brayt rawnd. Faya bin jɛs de flash kɔmɔt pan am, ɛn i tan lɛk brayt shayn shayn bras de midul di faya.

Jɛrimaya 50:41

“Biliv mi, pipul dɛm we kɔmɔt frɔm di nɔt; traŋa traŋa neshɔn ɛn bɔku bɔku kiŋ de rɛdi fawe fɔ kam fɛt.

Jɛrimaya 50:9

Bikɔs a de mek sɔm big big neshɔn dɛn we de na di nɔt kɔntri, dɛn at wam pan Babilɔn, ɛn a go mek dɛn jɔynan kam atak Babilɔn. Dɛn go gɛda dɛnsɛf kam atak am; na da tɛm de dɛn go kapchɔ am. Dɛn aro, na lɛkɛ sojaman we sabi fɛt bad bad wan ɛn nɔ de kɔmɔt wa go om, i nɔ kil nɔbɔdi.

Jɛrimaya 46:20

“Ijipt na wan fayn kaw pikin, bɔt wan flay we de bɛt we kɔmɔt na di nɔt, dɔn kam pan am.

Jɛrimaya 31:8

A de tɛl una, a go briŋ dɛn kam kɔmɔt na di nɔt kɔntri, ɛn gɛda dɛm kɔmɔt na di say we far pas ɔl na dis wɔl, ɛn di blɛnyay ɛn di wan dɛn we lem go de pan dɛm, togɛda wit dɛn bɛlɛuman dɛm ɛn di wan dɛn we de lebɔ; dɛn go kam bak as plɛnti plɛnti pipul.

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Ayzaya 14:31

Yu get, ala woyo; yu siti kray; yu Filistia, una ɔl mek fred kil una! Bikɔs smok de kɔmɔt na di nɔt ɛn nɔn wik pɔsin nɔ de wit am.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Jɛrimaya 47:2

“Na dis PAPA GƆD se, A de tɛl una, wata de grap kɔmɔt na di nɔt, ɛn i go bi flɔd; di wata go kɔba di land ɛn ɔl wetin de de, i go kɔba di siti ɛn di wan dɛm we tap de. Di man dɛn go ala de kray, ɛn ɔl di pipul dɛm we tap de, go kray.

Izikɛl 24:3

Afta dat, pul wan stori we gɛt minin, to di rebɛl os ɛn tɛl dɛn se, Na dis Papa Gɔd we na Gɔd se Put di pɔt na faya, put an de, tɔn wata insay de;

Joɛl 2:20

I se in go mek di lokɔs dɛn we bin bɔs kɔmɔt na di Nɔth go fa frɔm dɛn. I se in go mek dɛn go usay dray ɛn we nɔ gɛt natin fɔ pwɛl, di wan dɛn we de bifo go go na di Dɛd Si, dɔn di wan dɛn we de biɛn go go na di Mɛditarenian Si, di smɛl we dɛn go smɛl go de go ɔlsay. Fɔ tru, PAPA GƆD de du big wok.

Zɛkaraya 6:6

Di sɛkɛn wan we gɛt di blak ɔs dɛn, go na di nɔth to usay Babilɔn de, di wayt wan dɛn go na di wɛst ɛn di wan dɛn we tan lɛk layt gre go na di sawt.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.