Jɛrimaya 1:10 - Krio Fɔs Oli Baybul

¹⁰ Tide, a dɔn put yu oba neshɔn ɛn kindɔm dɛm, fɔ pik kɔmɔt ɛn fɔ brokdɔŋ, fɔ pwɛl ɛn fɔ kapsay fɔ bil ɛn fɔ plant.”

Jɛrimaya 1:10 Referans Kwoze

Jɛrimaya 31:28

Ɛn i go kam bi se, as a dɔn wata dɛm mek a go rut ɛn brok dɛm, fɔ ib dɛm oba ɛn nyakanyaka dɛm, ɛn briŋ wahala, so a go wata dɛm fɔ bil ɛn fɔ plant. Na so PAPA GƆD se.

Izikɛl 36:36

Dɛn di neshɔn dɛn we lɛf rawnd una, go no se na mi, PAPA GƆD, dɔn bil bak di ples dɛn we bin dɔn pwɛl pata pata ɛn dɔn plant bak na di ples we bin ɛmti, natin ɛn nɔbɔdi nɔ bin de de.

Jɛrimaya 24:6

A go gyad dɛm sote go, ɛn a go briŋ dɛm kam bak na dis land. Nɔto brok a go brok dɛm, na bil a go bil dɛm; nɔto rut a go rut am, na plant a go plant am.

Emɔs 9:11

PAPA GƆD tɔk se, “Wande wande, a go mek Devid in kindɔm, we dɔn tan lɛk os we dɔn brok, tinap bak. A go ripia di wɔl dɛn ɛn bil dɛn bak. A go mek lɛ i tan lɛk aw i bin tan lɔntɛm.

Emɔs 3:7

PAPA GƆD we na GƆD, nɔ de wande du sɔntin we i nɔ de tɛl in savant dɛn we na prɔfɛt.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Izikɛl 32:18

“Mɔtalman, kray lawd wan oba Ijipt in bɔku bɔku krawd, ɛn sɛn dɛn, in ɛn di rɔyal neshɔn dɛm ɛn dɛn gyal pikin go dɔŋ na di ɔndawɔl, to dɛn wan we dɔn go dɔŋ insay di Pit

Izikɛl 43:3

Ɛn di vishɔn we a bin si bin tan lɛk di vishɔn we a bin si wɛn PAPA GƆD bin kam fɔ distrɔy di big siti, ɛn lɛk di vishɔn we a bin dɔn si nia Riva Chɛba; ɛn a fɔdɔm wit mi fes

1 Kiŋ 19:17

Jeu go kil ɛnibɔdi we rɔnawe na Azaɛl in an, dɔn Ilaɛlsha go kil ɛniwan we rɔnawe na Jeu in an.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Jɛrimaya 1:5

“Bifo a mek yu na yu mami in bɛlɛ, a bin dɔn no yu, ɛn bifo yu bɔn, a bin dɔn kɔnsikret yu fɔ mi wok; a pik yu fɔ bi prɔfɛt to ɔl di neshɔn dɛm.”

Jɛrimaya 25:13

A go mek ɔltin we a bin dɔn se go bi to da land de, mit dɛm; ɔltin we rayt na dis buk, we Jɛrimaya bin dɔn prɔfisay se go bi to ɔl dɛn neshɔn.

Jɛrimaya 31:40

Di wanol dedebɔdi vali ɛn di ashis, ɛn ɔl di fil dɛm sote rich kidrɔn watasay, to di Ɔs Get kɔna we yu de go ist, fɔ oli to PAPA GƆD. Dɛn nɔ go atak am ɔ nyakanyaka am igen sote go.”

Jɛrimaya 36:2

“Tek wan skrol ɛn rayt ɔl wetin a dɔn tɔk agens Izrɛl ɛn Juda, ɛn ɔl ɔda neshɔn dɛm, frɔm di de we a bigin tɔk to yu, dat na frɔm Josaya in tɛm, te tide.

Jɛrimaya 44:27

Biliv mi, a de wach dɛm fɔ du dɛm bad ɛn nɔto fɔ du dɛm gud; ɔl di man dɛm we kɔmɔt Juda go tap na Ijipt go day na wa ɛn wit bad bad aŋri, te nɔn pan dɛn nɔ lɛf.

Jɛrimaya 45:4

Na dis yu go tɛl am, Na dis PAPA GƆD se: Biliv mi, a de brok wetin a bin dɔn bil, ɛn a de rut wetin a bin dɔn plant– dat na di wanol land.

Izikɛl 21:19

mɔtalman, mek tu rod usay di kiŋ na Babilɔn in sɔd go pas kam; dɛn ɔl tu go kɔmɔt na di sem land. Dɔn mek saynbod, ɛn mek am usay di rod fɔ go insay di siti bigin;

Izikɛl 23:36

PAPA GƆD bin tɛl mi se: “Mɔtalman, yu go jɔj Oola ɛn Ooliba? Dɛn, tɛl dɛm di tin dɛn we dɛn du we a et bad bad wan.

Ozie 6:5

Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.

Ɛkliziastis 3:3

tɛm de fɔ kil, ɛn tɛm de fɔ mɛn; tɛm de fɔ brok, ɛn tɛm de fɔ bil;