Jɛnɛsis 9:3 - Krio Fɔs Oli Baybul

³ A dɔn gi dɛn to una fɔ it jɛs lɛkɛ aw a bin dɔn gi di grin plant dɛn fɔ it.

Jɛnɛsis 9:3 Referans Kwoze

Lɛta Fɔ Rom 14:14

Di wanwɔd we a gɛt wit Masta Jizɔs mek a no gud gud se natin nɔ de we bad fɔ it, na bay aw pɔsin luk am nɔmɔ; bɔt if pɔsin biliv se sɔntin bad fɔ am fɔ it, dɛn di tin bad fɔ di pɔsin fɔ it.

Ditarɔnɔmi 12:15

I tɛl dɛn se to aw PAPA GƆD we na dɛn PAPA GƆD dɔn blɛs dɛn, dɛn fri fɔ kil ɛn it dɛn animal dɛn usay dɛn de aw dɛn want, jɔs lɛk aw dɛn go it dia ɛn fritambo. Di wan dɛn we klin ɛn di wan dɛn we nɔ klin na PAPA GƆD yay, ɔl kin it.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

1 Kɔrint 10:23

Sɔm pipul go se, “Wi kin du ɛnitin, nɔbɔdi nɔ go tap wi.” Dat na tru. Bɔt nɔto ɔltin we pɔsin kin du, gud. Dɛn go se igen, “Wi kin du ɛnitin,” bɔt nɔto ɔltin we dɛn de du, go ɛp ɔda pipul.

Lɛta Fɔ Rom 14:3

Dɛn pipul we de it ɛni kayn tin nɔ fɔ tink se dɛn bɛtɛ pas dɛn pipul we nɔ de it bif; ɛn dɛn pipul we nɔ de it bif nɔ fɔ kɔndɛm dɛn pipul we de it ɔltin, bikɔs Gɔd dɔn tek dɛn pipul we de it ɔltin lɛkɛ in yon.

Lɛvitikɔs 22:8

Nɔ fɔ it animal we day fɔ insɛf ɔ animal we dɛn wayl bif kil bikɔs dat go mek i nɔ klin na PAPA GƆD yay: I se nain na PAPA GƆD.

Lɛta Fɔ Rom 14:20

Una nɔ mek di tin we Gɔd dɔn du pwɛl, fɔseka it. Una kin it ɔltin, bɔt una nɔ fɔ it ɛnitin we go mek ɔda pɔsin sin.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Jɛnɛsis 9:2

Ɔl dɛn animal, dɛn bɔd, ɛn fish dɛn go de fred una. Na una go de kɔntrol dɛn.