Jɛnɛsis 8:21 - Krio Fɔs Oli Baybul

²¹ We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Jɛnɛsis 8:21 Referans Kwoze

2 Kɔrint 2:15

Wi tan lɛkɛ swit smɛl we de kɔmɔt pan insɛns we Krays de gi Gɔd; dɛn wan we Gɔd de sev ɛn dɛn wan we de go ɛl, dɛn ɔl de smɛl am.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Izikɛl 20:41

A go gri fɔ una lɛk aw a kin gri fɔ fayn sɛnt we de mek a gladi, we a go briŋ una kɔmɔt to di difrɛn difrɛn pipul dɛn, ɛn gɛda una kɔmɔt na di difrɛn difrɛn kɔntri dɛn we una bin skata; ɛn a go sho mi olinɛs klia wan pan una, bifo di difrɛn neshɔn dɛm.

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Jɛnɛsis 3:17

Dɔn PAPA GƆD tɛl di man se, “Yu dɔn du wetin yu wɛf tɛl yu, ɛn yu dɔn it di frut we mi se yu nɔ fɔ it. Fɔseka wetin yu dɔn du, a de swɛ di grɔn mek i nɔ bɛtɛ yu. Te yu day, yu go de wok traŋa wan, fɔ mek yu go gɛt tin fɔ it.

Jɔn 3:6

Na mami ɛn dadi de bɔn pikin, bɔt na Gɔd in Spirit de mek pɔsin gɛt nyu layf lɛkɛ se i jɛs bɔn.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Di Sam Dɛm 58:3

Pipul dɛn we de du bad, dɔn bɔn bad; na frɔm we dɛn de na dɛn mami bɛlɛ nain dɛn kin dɔn bad. Dɛn wewɔd ɛn na soso lay ful dɛn mɔt.

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Prɔvabs 20:9

Udat na wɔl go es in an ɔp se in an klin, in nɔ de kɔmit wan sin?

Job 14:4

Udat go ebul pul klin tin kɔmɔt pan tin we nɔ klin na PAPA GƆD in yay? Nɔbɔdi nɔ go ebul

Lɛvitikɔs 1:17

i go ol di bɔd ɛn jɔg in fɛda dɛn kɔmɔt bɔt nɔto ɔl i go pul. Di man we de mek sakrifays fɔ pipul sin go bɔn am na di ɔlta, pantap di wud we de na di faya; na bɔn sakrifays we dɛn mek na faya. I go pul fayn sɛnt we go mek PAPA GƆD gladi.

Ɛksodɔs 29:25

We dɛn dɔn du dat dɔn, tek di tin dɛn na dɛn an ɛn bɔn dɛn na di ɔlta wit di ɔda tin dɛn we de, de; na sakrifays to mi PAPA GƆD ɛn a lɛk di sɛnt we i de bɔn.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Jɛnɛsis 6:17

A de sɛn flɔd na di wɔl fɔ pwɛl ɔltin we gɛt layf. Ɔltin na di wɔl go day.

Jɛrimaya 8:6

A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.

Ayzaya 65:6

A de tɛl yu, i rayt bifo mi: “I nɔ go sɛt mɔt, bɔt a go tɔn am gi dɛn, yɛs, a go tɔn am gi dɛm na dɛn buzɔm,

Ayzaya 48:8

Yu nɔ ɛva yɛri, yu nɔ ɛva no, frɔm mɔnin, yu yes nɔ bin opin. Bikɔs a bin no se, na rikishi we, yu go du tin, ɛn frɔm we yu bɔn, na rebɛl dɛn bin de kɔl yu.

Ayzaya 47:15

Na so di wan dɛn we dɔn wok fɔ yu, nɔ go ebul ɛp yu, we bin dɔn de wok fɔ yu frɔm we yu yɔŋ; ɔlman de skata go inyon we; nɔn nɔ go de fɔ sev yu.

Ayzaya 47:12

Tinap traŋa wan wit yu majik ɛn yu bɔku bɔku wich, we yu dɔn lebɔ fɔ frɔm we yu yɔŋ; sɔntɛnde, yu go ebul sɔksid, sɔntɛnde, yu go ebul mek pɔsin fred.

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Jɛnɛsis 5:29

ɛn i se, “PAPA GƆD bin dɔn swɛ dis grɔn se i nɔ go bɛtɛ. Dis pikin ya so go ɛp pul wi pan di traŋa wok we wi bin dɔn de du. Fɔseka, dat i gi am nem Noa.

Jɛnɛsis 4:12

Di grɔn nɔ go gro ɛnitin bɛtɛ fɔ yu ivin if yu wok traŋa wan; dɔn yu go de wirɔn ɔlɔbɔt na di wɔl.”

Jɛnɛsis 6:7

ɛn i se, “A go kil ɔl wetin a dɔn put na di wɔl; mɔtalman, big ɛn smɔl animal, dɛn tin dɛn we de krip na grɔn ɛn dɛn bɔd dɛn we de flay. A rigrɛt sɛf we a mek dɛn ɔl put na wɔl.”

Jɛnɛsis 6:13

PAPA GƆD tɛl Noa se, “A dɔn mekɔp fɔ dɔnawe wit ɔlman na dis wɔl as na soso fɛt fɛt ɛn bad bad tin de apin ɛn na dat mek di wɔl bad so. A go kil ɔlman ɛn pwɛl di wanol wɔl.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 8:28

Dɛn Mozis tek di tin dɛn na dɛn an ɛn bɔn dɛn na di ɔlta wit di bɔn ɔfrin as ɔdineshɔn ɔfrin we i go pul fayn sɛnt, na ɔfrin we dɛn de mek na faya to PAPA GƆD.

Di Nɔmba Dɛm 15:3

ɛn dɛn want fɔ bɔn sakrifays to PAPA GƆD frɔm di animal dɛn we dɛn gɛt fɔ mek i pul fayn sɛnt we go mek PAPA GƆD gladi, wɛda na bikɔs dɛn wan fulfil prɔmis ɔ na bikɔs dɛn fil fɔ du am ɔ na bikɔs dɛn gɛt sɔm kayn gladi-gladi,

1 Samiɛl 26:19

I aks di kiŋ fɔ lisin to wetin in we nain bɔbɔ gɛt fɔ se. I se if na PAPA GƆD de mek i de biɛn am, dɛn mek PAPA GƆD gladi we Sɔl mek sakrifays to am, bɔt, if na mɔtalman de mek i de biɛn am lɛ swɛ de biɛn dɛn wan we de lɛ dat bi. I se dɛn dɔn drɛb am pan PAPA GƆD in prɔpati ɛn tɛl am fɔ go sav ɔda gɔd dɛn.

Di Sam Dɛm 58:4

Dɛn trik na lɛk pɔyzin lɛkɛ di kayn pɔyzin we boman gɛt ɛn na so dɛn nɔ de yɛri wan wɔd lɛkɛ aw snek kin kɔk in yes