Jɛnɛsis 7:21 - Krio Fɔs Oli Baybul

²¹ Ɔltin we bin de na di wɔl day, ɔl dɛn bɔd, animal, di wan dɛn we tap wit pipul, di wayl bist, ɛn ɔl dɛn mɔtalman sɛf.

Jɛnɛsis 7:21 Referans Kwoze

Jɛnɛsis 6:13

PAPA GƆD tɛl Noa se, “A dɔn mekɔp fɔ dɔnawe wit ɔlman na dis wɔl as na soso fɛt fɛt ɛn bad bad tin de apin ɛn na dat mek di wɔl bad so. A go kil ɔlman ɛn pwɛl di wanol wɔl.

Jɛnɛsis 7:4

Frɔm tide, di de we mek sɛvin a go sɛn flɔd we go kam fɔ fɔti de ɛn fɔti nɛt. I go pwɛl ɔltin we a bin dɔn mek.”

Jɛnɛsis 6:17

A de sɛn flɔd na di wɔl fɔ pwɛl ɔltin we gɛt layf. Ɔltin na di wɔl go day.

Lɛta Fɔ Rom 8:20

Gɔd mekɔp se ɔltin we i mek nɔ go min natin bambay, dɛn ɔl nɔ want dat fɔ bi, bɔt na dat Gɔd want. Ɔltin we Gɔd mek de abop se,

Pita In Sɛkɛn Lɛta 2:5

Gɔd nɔ bin sɔri fɔ di wɔl we bin de lɔntɛm; i bin mek big big wata kɔba ɔl di pipul dɛn we nɔ bin de du wetin i tɛl dɛn fɔ du. Na Noa nɔmɔ we bin de tɛl pipul fɔ du wetin rayt wit sɛvin ɔda pipul, Gɔd nɔ bin mek di wata kɔba;

Lɛta Fɔ Rom 8:22

Wi no se sote naw, i jɛs tan lɛkɛ se ɔl wetin Gɔd mek de pini bikɔs dɛn de fil pen lɛkɛ di pen we uman kin fil bifo i bɔn pikin.

Lyuk 17:27

Da tɛm de pipul bin de it, drink, ɛn mared. Dɛn bin de pan dis kayn layf sote Noa go insay di bot we i bil fɔ di ren. Big big ren bin fɔdɔm ɛn ɔlman day na di plɛnti plɛnti wata we kɔba di grɔn.

Matyu 24:39

ɛn dɛn nɔ bin no se ren go kam we go mek wata kɔba ɔl di wɔl, pas we di ren kam ɛn wata kam kɔba ɛn kil dɛn ɔl. Na so i go bi we Mɔtalman Pikin go kam.

Zɛfinaya 1:3

I go klia mɔtalman o, animal o, bɔd o, fish o - ɔlman. I se in go mek dɛn bad wan dɛn ɔl kɔmɔt na rod bikɔs ɔlman go day na wɔl.

Joɛl 2:3

Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.

Ozie 4:3

Dat mek di land de kray, ɛn ɔl udat tap de, de pan mɔnɛ, wit dɛn wayl animal na bush, dɛn bɔd we de flay ɛn ivin dɛn fish na wata, ɔl go day.

Ayzaya 24:19

Di wɔl dɔn brok kpatakpata di wɔl dɔn chɛr tu, di wɔl de shek bad bad wan.

Ayzaya 24:6

Fɔseka dat, swɛ de it di wɔl, ɛn di pipul we tap de, de sɔfa bikɔs dɛn gilti; so di wan dɛn we tap de, de bɔn, ɛn na tu tri man dɛn lɛf.

Jɛnɛsis 1:25

So PAPA GƆD mek ɔlkayn animal kam na wɔl: big wan o, smɔl wan o, wayl wan o, ɛn dɛn wan we go tap wit pipul na os. Dɛn ɔl fɔ bɔn pikin we tan lɛkɛ dɛnsɛf. PAPA GƆD bin si se i gud.

Job 34:15

ɔlman go day, ɛn mɔtalman go tɔn dɔti bak.