Jɛnɛsis 7:13 - Krio Fɔs Oli Baybul

¹³ Da sem tɛm de, Noa, in wɛf ɛn in tri bɔypikin dɛn we na Shɛm, Am, ɛn Jefɛt ɛn dɛn yon wɛf, bin go insay di ak.

Jɛnɛsis 7:13 Referans Kwoze

Jɛnɛsis 7:1

PAPA GƆD tɛl Noa se, “Go insay di ak wit ɔl udat tap na yu os. A dɔn si se na yu wangren pan yu kɔmpin dɛn de du wetin rayt na mi yay.

Jɛnɛsis 6:18

Bɔt a go mek Kɔvinant wit yu. Yu go go insay di ak wit yu wɛf, yu bɔypikin dɛn, ɛn dɛn wɛf.

Pita In Sɛkɛn Lɛta 2:5

Gɔd nɔ bin sɔri fɔ di wɔl we bin de lɔntɛm; i bin mek big big wata kɔba ɔl di pipul dɛn we nɔ bin de du wetin i tɛl dɛn fɔ du. Na Noa nɔmɔ we bin de tɛl pipul fɔ du wetin rayt wit sɛvin ɔda pipul, Gɔd nɔ bin mek di wata kɔba;

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Jɛnɛsis 10:21

Di Ibru pipul dɛn na bin Shɛm, we na Jefɛt in big brɔda in jɛnareshɔn dɛn ɛn dɛn na Eba in bɔypikin dɛn.

Jɛnɛsis 10:6

Am in bɔypikin dɛn na Kush, Ijipt, Put, ɛn Kenan.

Jɛnɛsis 6:10

I bin gɛt tri bɔypikin dɛn. Dɛn nem na Shɛm, Am ɛn Jefɛt.

Jɛnɛsis 5:32

Bay di tɛm we Noa de ol fayv ɔndrɛd ia, i bin dɔn bɔn tri bɔypikin dɛn we i gi nem Shɛm, Am ɛn Jefɛt.

Jɛnɛsis 7:14

Ɔlkayn animal bin de insay di ak; di wan dɛn fɔ tap wit pipul ɛn dɛn wayl bist, big ɛn smɔl, ɛn ɔlkayn bɔd.

Jɛnɛsis 8:14

Na di twɛnti-sɛvin de na di sɛkɛn mɔnt di wata dray na di grɔn ɔltogɛda.

Di Jɔj Dɛm 21:22

Dɛn se, we di uman dɛn na Shaylɔ dɛn papa ɛn dɛn brɔda dɛn go go le kɔmplen, dɛn go tɛl dɛn se, lɛ dɛn jɛs gi dɛn di uman dɛn wantɛm, bikɔs nɔto wa dɛn kapchɔ dɛn ɛn tek dɛn mek wɛf, ɛn nɔto dɛn di papa dɛn bin gi dɛn dɛn uman ya we pipul dɛn go se dɛn du bad.