Jɛnɛsis 7:11 - Krio Fɔs Oli Baybul

¹¹ Di flɔd kam di ia we mek Noa siks ɔndrɛd ia, ɛn i kam di sɛvintin de na di sɛkɛn mɔnt. Da de de, ɔl dɛn wata we de pas ɔnda di grɔn bɔs opin ɛn di klawd sɛf opin.

Jɛnɛsis 7:11 Referans Kwoze

Jɛnɛsis 8:2

PAPA GƆD lɔk ɔl dɛn say we wata bin de pas ɔnda grɔn, ɛn lɔk di klawd fɔ mek ren nɔ kam.

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Jɛrimaya 51:16

Wɛn I tɔk, bɔku bɔku wata de gɛda ɔp di klawd, ɛn I de mek smɔl smɔl kol wata de kɔmɔt ɔnda di grɔn. I de mek laytin flash we ren de kam, ɛn I mek briz de blo kɔmɔt na In sto.

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

2 Kiŋ 7:19

na dis vɛri pasɔnal asistant bin dinay se i lɛk sɛf PAPA GƆD opin ɛvin lɛ ren kam, dat nɔ go bi. Ɛn di prɔfɛt bin ansa am se i go si am so wit in yay, bɔt in mɔt nɔ go tes am.

Izikɛl 26:19

Wɛl, na dis PAPA GƆD se: wɛn a go mek una wan big siti we pwɛl ɛn distrɔy, lɛk di ɔda big siti dɛm we nɔbɔdi nɔ tap, ɛn wɛn a go briŋ di dip si kam oba una, ɛn di big big wata dɛn kɔba una,

Di Sam Dɛm 33:7

I gɛda ɔl di wata ɛn put dɛn wan ples; ivin dɛn dip dip wata lɛkɛ di oshɔn i mek sho se i kip dɛn lɛk aw mɔtalman de kip na sto.

2 Kiŋ 7:2

Na de di kiŋ in pasɔnal asistant tɛl di prɔfɛt se i lɛk sɛf PAPA GƆD opin ɛvin lɛ ren kam, dat nɔ go bi. Ilaɛlsha ansa am se i go si am so wit in yay bɔt in mɔt nɔ go tes am.

Jɛnɛsis 1:7

So PAPA GƆD mek dis tin ya. I mek wata de ɔnda am ɛn wata de pantap am.

Matyu 24:38

Bifo wata bin kɔba di wɔl, ɔlman bin de it ɛn drink; pipul bin de mared. Na dat dɛn bin de pan sote di tɛm we Noa go insay di big bot we i bil,

Ayzaya 24:19

Di wɔl dɔn brok kpatakpata di wɔl dɔn chɛr tu, di wɔl de shek bad bad wan.

Di Sam Dɛm 74:15

Na yu de mek watasay gɛt wata ɛn wata bɔs na grɔn; ɛn na yu de mek ɔl usay kin pul wata, dray.

Jɛnɛsis 6:17

A de sɛn flɔd na di wɔl fɔ pwɛl ɔltin we gɛt layf. Ɔltin na di wɔl go day.

Job 28:4

Dɛn mek ɔndamayn dɛn fafawe usay pipul dɛn nɔ tap; pipul dɛn we de travul na da rod de sɛf nɔ no se dɛn de ɔnda de, na rop dɛn kin tek go dɔŋ na da fa fa ples de.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Pita In Sɛkɛn Lɛta 3:6

ɛn na wata i bin mek kɔba di dray grɔn we bin de lɔntɛm ɛn pwɛl am.

Jɛnɛsis 7:6

Noa bin ol siks ɔndrɛd ia we PAPA GƆD sɛn dis flɔd kam na di wɔl.

Job 12:15

If i se ren nɔ de kam, ɔltin go dray; if i want di ples fɔ flɔd igen, i go pwɛl di land.

Job 38:16

“Yu dɔn ɛva go bɔtɔm usay wata de bɔs ɔnda di si, go stɔdi de ɛn si aw bɔtɔm de tan?

Prɔvabs 3:20

nain sɛns de mek dɛn riva dɛn flo, dɔn ren kɔmɔt ɔp di klawd kam dɔŋ.

Ayzaya 24:18

Di wan we rɔn we i yɛri sawnd de mek i fred go fɔdɔm insay di dip ol; ɛn di wan we klem kɔmɔt na di dip ol di trap go kech am. Bikɔs di winda dɛn na evin opin, ɛn di wɔl in fawndeshɔn dɛn, de trimbul.

Jɛnɛsis 8:14

Na di twɛnti-sɛvin de na di sɛkɛn mɔnt di wata dray na di grɔn ɔltogɛda.

Job 38:37

Udat gɛt da sɛns de fɔ kɔnt di klawd? Ɔ udat ebul tɔn di tapolin we de na di skay oba lɛ ren go kam,