Jɛnɛsis 7:1 - Krio Fɔs Oli Baybul

¹ PAPA GƆD tɛl Noa se, “Go insay di ak wit ɔl udat tap na yu os. A dɔn si se na yu wangren pan yu kɔmpin dɛn de du wetin rayt na mi yay.

Jɛnɛsis 7:1 Referans Kwoze

Jɛnɛsis 6:9

Noa bin de du wetin rayt bifo PAPA GƆD. Nain wangren nɔ bin gɛt fɔlt pan ɔl in kɔmpin dɛn. Ɛn in ɛn PAPA GƆD na bin padi.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Jɛnɛsis 7:13

Da sem tɛm de, Noa, in wɛf ɛn in tri bɔypikin dɛn we na Shɛm, Am, ɛn Jefɛt ɛn dɛn yon wɛf, bin go insay di ak.

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Lyuk 17:26

Lɛkɛ aw i bin bi wɛn Noa bin de, na so i go bi wɛn Mɔtalman Pikin go kam bak.

Zɛfinaya 2:3

Ɔl udat de du wetin PAPA GƆD want fɔ kɔntinyu fɔ du so, dɛn fɔ mek shɔ se dɛn de waka tret wan wit PAPA GƆD ɛn put dɛnsɛf dɔŋ fɔ du wetin i want, sɔntɛm we i de jɔj i go sɔri fɔ dɛn.

Prɔvabs 14:26

Udat fred PAPA GƆD ɛn ɔna am nɔ de shek, natin nɔ de we in famili nɔ go gɛt.

Jɛnɛsis 7:7

In, in wɛf, in bɔypikin dɛn ɛn dɛn wɛf, bin de insay di ak so di flɔd nɔ mit dɛn.

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Prɔvabs 10:9

Udat de si fa de tek tɛm wit wetin i de du, bɔt dɛn go kech udat de pan dabaru.

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

2 Samiɛl 22:24

Nɔbɔdi nɔ go pɔynt fiŋa pan mi as a de mek sho se a nɔ sin.

Izikɛl 14:14

i lɛk dɛn tri man ya, Noa, Daniɛl ɛn Job bin de de, na dɛn yon layf nɔmɔ dɛn go ebul sev, fɔseka we dɛn de waka tret wit PAPA GƆD, na so Papa Gɔd we na Gɔd se.

Jɛnɛsis 6:18

Bɔt a go mek Kɔvinant wit yu. Yu go go insay di ak wit yu wɛf, yu bɔypikin dɛn, ɛn dɛn wɛf.