Jɛnɛsis 6:9 - Krio Fɔs Oli Baybul

⁹ Noa bin de du wetin rayt bifo PAPA GƆD. Nain wangren nɔ bin gɛt fɔlt pan ɔl in kɔmpin dɛn. Ɛn in ɛn PAPA GƆD na bin padi.

Jɛnɛsis 6:9 Referans Kwoze

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Pita In Sɛkɛn Lɛta 2:5

Gɔd nɔ bin sɔri fɔ di wɔl we bin de lɔntɛm; i bin mek big big wata kɔba ɔl di pipul dɛn we nɔ bin de du wetin i tɛl dɛn fɔ du. Na Noa nɔmɔ we bin de tɛl pipul fɔ du wetin rayt wit sɛvin ɔda pipul, Gɔd nɔ bin mek di wata kɔba;

Jɛnɛsis 7:1

PAPA GƆD tɛl Noa se, “Go insay di ak wit ɔl udat tap na yu os. A dɔn si se na yu wangren pan yu kɔmpin dɛn de du wetin rayt na mi yay.

Jɛnɛsis 5:24

Inɔk ɛn PAPA GƆD na bin padi; wande i jɛs lɔs, bikɔs PAPA GƆD bin tek am go.

Lɛta Fɔ Galeshya 3:11

Na tru se nɔto we pɔsin du wetin di Ju Lɔ se, go mek ɔltin rayt bitwin in ɛn Gɔd, bikɔs wi rid na Gɔd in Buk se, “Na we pɔsin biliv Gɔd, na dat mek Gɔd go mek ɔltin rayt bitwin in ɛn insɛf ɛn na dat go mek i liv tru layf.”

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Jɛnɛsis 5:22

Inɔk ɛn PAPA GƆD na bin padi fɔ tri ɔndrɛd ia, ɛn na da tɛm de i bɔn ɔda bɔy ɛn gyal pikin dɛn.

Izikɛl 14:14

i lɛk dɛn tri man ya, Noa, Daniɛl ɛn Job bin de de, na dɛn yon layf nɔmɔ dɛn go ebul sev, fɔseka we dɛn de waka tret wit PAPA GƆD, na so Papa Gɔd we na Gɔd se.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Jɛnɛsis 2:4

Na so PAPA GƆD tek mek di wanol wɔl; ɛvin ɛn ath ɛn ɔl wetin de insay de. We PAPA GƆD dɔn mek ɛvin ɛn ath dɔn,

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Izikɛl 14:20

i lɛk Noa, Daniɛl ɛn Job bin de de, PAPA GƆD swɛ se, wans mi de, dɛn nɔ go ebul sev nɔn bɔy ɔ gyal pikin, pas dɛn yon layf nɔmɔ dɛn go ebul sev fɔseka we dɛn de waka tret wit PAPA GƆD.

Job 1:8

PAPA GƆD aks am if i dɔn tink bɔt Job we nain wokman. PAPA GƆD tɛl Setan se nɔbɔdi nɔ de na wɔl lɛk Job bikɔs na gud man ɛn i de waka tret wit am. I fred ɛn rɛspɛkt in PAPA GƆD ɛn nɔ miks pan bad.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Lyuk 23:50

Wan Ju man bin de we bin nem Josɛf. I bin kɔmɔt na wan tɔŋ we nem Arimatia we de na Judia; na bin mɛmba na di Ju gran kot. I bin gud ɛn i bin de waka tret,

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Abakɔk 2:4

I se udat de pan rikishi ɛn bad trik nɔ go ebul bia bɔt udat de du tin tret wan go ɔrayt bikɔs i biliv PAPA GƆD.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Di Sam Dɛm 37:37

Wach di man we gud ɛn we de du wetin rayt; na pɔsin we gɛt kol at ɛn bɛtɛ go fala am ɔltɛm.

2 Kronikuls 15:17

Bɔt dɛn nɔ pul di ay ples dɛm kɔmɔt Izrɛl. Pan ɔl dat Esa, in kɔnshɛns bin klia te i day.

Jɛnɛsis 48:15

Dɔn i blɛs Josɛf. I se, “Mek PAPA GƆD, we mi papa dɛn Ebraam ɛn Ayzak bin de sav, di PAPA GƆD we dɔn de wit mi ɔl dis tɛm ya,

Job 12:4

Mi padi dɛn ɔl dɔn tek mi mek rederaun; mi we bin de pre to PAPA GƆD ɛn i de ansa, mi we na bin gud man, na mi ɔlman de laf naw so.

1 Kiŋ 3:6

Sɔlɔmɔn ansa PAPA GƆD se, “Yu dɔn du bɔku gud fɔ mi papa Devid we na yu savant, bikɔs i bin de fred yu ɛn raychɔs, ɛn i bin gɛt gud at. Yu kɔntinyu yu gudnɛs to am ɛn gi am bɔypikin we dɔn sidɔm nain chia tide.

2 Kronikuls 25:2

I bin du wetin rayt na PAPA GƆD in yay, bɔt nɔto bin wit ɔl in at.

Jɛnɛsis 10:1

Dɛn pipul ya so na Noa in pikin dɛn, Shɛm, Am ɛn Jefɛt, dɛn jɛnareshɔn. Afta di flɔd dɛn bin bigin bɔn pikin dɛn ɛn gɛt grampikin ɛn jɛnareshɔn dɛn.

Jɛnɛsis 5:1

Dis na di wan dɛn na Adam in Jɛnareshɔn. We PAPA GƆD mek mɔtalman, i mek dɛn lɛkɛ insɛf.

Jɛnɛsis 6:10

I bin gɛt tri bɔypikin dɛn. Dɛn nem na Shɛm, Am ɛn Jefɛt.

Ditarɔnɔmi 18:13

Mozis advays di Izrɛlayt dɛn nɔ fɔ de du dɛn bad bad tin dɛn we PAPA GƆD we na dɛn PAPA GƆD nɔ lɛk.

2 Samiɛl 22:24

Nɔbɔdi nɔ go pɔynt fiŋa pan mi as a de mek sho se a nɔ sin.

Di Sam Dɛm 37:39

Na PAPA GƆD de sev udat de waka tret, nain nɔmɔ de ɛp am we trɔbul mit am.