Jɛnɛsis 6:8 - Krio Fɔs Oli Baybul

⁸ Bɔt pan ɔl dis, Noa bin mek PAPA GƆD in at gladi wit am.

Jɛnɛsis 6:8 Referans Kwoze

Jɛnɛsis 19:19

Du sa yu dɔn du big tin fɔ mi we yu sev mi layf. Bɔt di il dɛn de fa tumɔs; di waala go mit mi na rod, ɛn a go day bifo a rich de.

Di Ibru Pipul Dɛn 4:16

Fɔseka dat, wi nɔ fɔ fred. Lɛ wi kam bifo Gɔd we go sho wi aw i lɛk wi, ɛn we go sɔri fɔ wi, ɛn ɛp wi di rayt tɛm.

Lyuk 1:30

Nain di enjɛl se, “Meri, nɔ fred, Gɔd dɔn blɛs yu.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Taytɔs 2:11

Gɔd dɔn sho wi aw i gud we i want sev ɔlman.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

Prɔvabs 3:4

Na dat go mek PAPA GƆD ɛn mɔtalman lɛk yu biznɛs ɛn du gud to yu ɔltɛm.

Di Sam Dɛm 145:20

PAPA GƆD de mek ɔl udat lɛk am, dɛn layf sef bɔt i go dɔnawe wit bad pɔsin.

Lɛta Fɔ Rom 4:4

Pɔsin we de wok de gɛt pe fɔ di wok we i de du, ɛn nɔbɔdi nɔ go se dɛn de pe am ɛn i nɔ de wok, bikɔs dɛn no se i de wok fɔ in pe.

Apɔsul Dɛn Wok 7:46

Gɔd bin satisfay wit Devid fɔ wetin i du, so Devid beg Gɔd fɔ alaw am fɔ bil os fɔ am; in we Jekɔb bin de pre to.

Prɔvabs 12:2

PAPA GƆD de blɛs dɛn wan we gud, bɔt i go jɔj dɛn wan we de mekɔp bad tin.

Pita In Sɛkɛn Lɛta 2:5

Gɔd nɔ bin sɔri fɔ di wɔl we bin de lɔntɛm; i bin mek big big wata kɔba ɔl di pipul dɛn we nɔ bin de du wetin i tɛl dɛn fɔ du. Na Noa nɔmɔ we bin de tɛl pipul fɔ du wetin rayt wit sɛvin ɔda pipul, Gɔd nɔ bin mek di wata kɔba;

Prɔvabs 8:35

Udat fɛn mi go gɛt lɔŋ layf, ɛn PAPA GƆD sɛf go blɛs am;

Jɛrimaya 31:2

Na dis PAPA GƆD se: “Di pipul dɛn we nɔ day na di wa bin gɛt gres na di wildanɛs; wɛn Izrɛl bin de go om,

Sɛkɛn Lɛta To Timoti 1:18

Lɛ Masta Jizɔs Krays mek Gɔd di Masta sɔri fɔ am di de we Jizɔs go kam bak! Yusɛf no di wok we i du na Ɛfisɔs.

Lɛta Fɔ Galeshya 1:15

Bɔt Gɔd so gud to mi, i bin dɔn pik mi frɔm we a bin de na mi mama in bɛlɛ, i mek a bi in apɔsul. Ɛn wɛn Gɔd mekɔp

Lɛta Fɔ Rom 11:6

Gɔd pik dɛn pipul de bikɔs i sɔri fɔ dɛn, nɔto fɔseka ɛnitin we dɛn du. If na wetin mɔtalman de du bin de mek Gɔd pik dɛn, dat nɔto tru sɔri Gɔd bin fɔ de sɔri fɔ dɛn.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Matyu 24:37

Di tɛm we Mɔtalman Pikin de kam, pipul go de du lɛkɛ aw dɛn bin de du da tɛm we Noa bin de.

Lyuk 17:26

Lɛkɛ aw i bin bi wɛn Noa bin de, na so i go bi wɛn Mɔtalman Pikin go kam bak.

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.

Izikɛl 14:14

i lɛk dɛn tri man ya, Noa, Daniɛl ɛn Job bin de de, na dɛn yon layf nɔmɔ dɛn go ebul sev, fɔseka we dɛn de waka tret wit PAPA GƆD, na so Papa Gɔd we na Gɔd se.