Jɛnɛsis 6:6 - Krio Fɔs Oli Baybul

⁶ i fil am bad we i mek mɔtalman ɛn put am na di wɔl. In at pwɛl,

Jɛnɛsis 6:6 Referans Kwoze

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

1 Samiɛl 15:11

“A fil am bad we a mek Sɔl kiŋ bikɔs i nɔ bisin fɔ du wetin a se igen” Dat mek Samiɛl in at pwɛl ɛn in nɔ slip ol nɛt, i de pre to PAPA GƆD nɔmɔ.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Di Ibru Pipul Dɛn 3:10

Na dat mek a bin vɛks pan dɛn, ɛn a se, ‘Dɛn dɔn pul dɛn at kɔmɔt pan mi, ɛn dɛn nɔ ɔndastand di we we a de du ɔltin.’

1 Samiɛl 15:29

Samiɛl tɛl am se PAPA GƆD we na Izrɛl dɛn waŋren PAPA GƆD, nɔ de lay ɛn i nɔ de chenj in maynd as in nɔto mɔtalman we gɛt fɔ chenj in maynd.

2 Samiɛl 24:16

Wɛn di enjɛl want fɔ bigin kil di pipul na Jerusɛlɛm, PAPA GƆD sɔri fɔ dɛn ɛn se i du so. Bay da tɛm de di trɔbul bin dɔn bigin pan Arauna we na Jɛbyusayt.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Jona 3:10

Wɛn PAPA GƆD si ɔl wetin dɛn du; aw dɛn lɛf fɔ du bad, i sɔri fɔ we i bin tɔk se i go dɔnawe wit dɛn ɛn i nɔ du dɛn natin.

Joɛl 2:13

ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.

Ɛksodɔs 32:14

PAPA GƆD chenj in maynd ɛn nɔ pɔnish di pipul dɛn igen lɛkɛ aw i bin se.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

1 Kronikuls 21:15

Ɛn PAPA GƆD sɛn di enjɛl go Jerusɛlɛm fɔ go pwɛl pwɛl am, bɔt as i wan pwɛl am so, nain PAPA GƆD fil sɔri ɛn i chenj in maynd fɔ di bad we i dɔn mek ɔp; nain i tɛl di enjɛl we de pwɛl se “I du so; tap wetin yu de du.” PAPA GƆD in enjɛl bin tinap nia wan Jɛbu sayt we nem Araunain ples we dɛn de mas mas ɛn pul rɛs.

Ayzaya 48:18

A wish yu bin de obe mi lɔ dɛn! Datɛnde yu kolat bin fɔ tan lɛk riva, ɛn di waka we yu de waka tret na mi yay, go tan lɛk swɛlin na si;

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

1 Samiɛl 15:35

Te Samiɛl day, i nɔ go fɛn Sɔl igen bɔt i bin sɔri fɔ am. PAPA GƆD fil am bad we i mek Sɔl bi kiŋ na Izrɛl.

Ditarɔnɔmi 32:36

PAPA GƆD go sev in pipul dɛn ɛn sɔri fɔ in wokman dɛm, we i si se dɛn pawa dɔn dɔn, ɛn nɔn pan di fribɔn ɔ slev nɔ de igen

Ditarɔnɔmi 32:29

If na pipul dɛn we bin de tink dɛn bin fɔ dɔn no wetin go bi to dɛn if dɛn du wetin dɛn du so.

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Di Ibru Pipul Dɛn 3:17

Udat na di pipul dɛn we Gɔd bin vɛks pan fɔ fɔti ia? Gɔd bin vɛks pan dɛn pipul we bin sin ɛn dɛn bin day na di dɛzat.

Malakay 3:6

I tɛl dɛn se, bikɔs in we na PAPA GƆD nɔ de chenj, in nɔ dɔn fɔ dɛn we na Jekɔb in jɛnareshɔn yet.

Ozie 11:8

I tɔk se in nɔ go ebul fɔ givɔp pan Izrɛl ɛn in nɔ go lɛf Izrɛl to dɛnsɛf I se i nɔ go trit dɛn lɛk di pipul na Adma ɔ mek dɛn tan lɛk di wan dɛn na Zɛboim. In at nɔ go mek i du dat bikɔs i lɛk dɛn tumɔs.

Di Sam Dɛm 119:158

A et fɔ si aw dɛn wan dɛn we nɔ biliv yu de biev, bikɔs dɛn nɔ bisin bɔt wetin yu lɔ se.

Di Sam Dɛm 110:4

PAPA GƆD dɔn swɛ se, “Lɛkɛ Mɛlkizidɛk na so yusɛf go bi man we de mek sakrifays fɔ pipul sin sote go, ɛn i nɔ go chenj in maynd.”

Di Sam Dɛm 95:10

A bin vɛks wit da jɛnareshɔn de fɔ fɔti ia a se, Dɛn pipul ya, dɛn at nɔ de to mi ɛn dɛn nɔ de obe mi.”

Di Sam Dɛm 81:13

If mi pipul bin lisin to mi nɔmɔ, If Izrɛl bin gri du wetin a se,

Di Sam Dɛm 78:40

Ɔmɔs tɛm dɛn nɔ dɔn tɔn pan am ɔ du tin fɔ mek i vɛks we dɛn de na di ɛmti land we pɔsin nɔ go ebul tap!

Lɛta Fɔ Rom 11:29

Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.

Jɛnɛsis 6:7

ɛn i se, “A go kil ɔl wetin a dɔn put na di wɔl; mɔtalman, big ɛn smɔl animal, dɛn tin dɛn we de krip na grɔn ɛn dɛn bɔd dɛn we de flay. A rigrɛt sɛf we a mek dɛn ɔl put na wɔl.”

Jɛrimaya 18:7

Ɛni tɛm we a tɔk bɔt ɛni neshɔn ɔ kindɔm se a go rut an, brok am dɔŋ ɛn nyakanyaka am,