Jɛnɛsis 6:3 - Krio Fɔs Oli Baybul

³ Na dat mek PAPA GƆD se, “Mi Spirit nɔ go de wit mɔtalman sote go as dɛn na ɔdinari mɔtalman; as frɔm tide dɛn nɔ go de pas wan ɔndrɛd ɛn twɛnti ia.”

Jɛnɛsis 6:3 Referans Kwoze

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Ayzaya 63:10

Bɔt dɛn tɔn agens am ɛn mek di oli spirit vɛks; so, i kan tɔn fɔ bi dɛn ɛnimi, ɛn insɛf fɛt dɛm.

Di Sam Dɛm 78:39

I mɛmba se wi na ɔdinari mɔtalman we tan lɛkɛ briz we, wɛn i dɔn pas, i nɔ de kam biɛn bak.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Di Nɔmba Dɛm 11:17

A go kam dɔŋ kam tɔk to yu, ɛn a go tek di sem kayn spirit we yu gɛt ɛn put am pan dɛn. Dɛn go ɛp yu fɔ de tot di lod we di pipul dɛn gɛt so yu nɔ go gɛt fɔ de tot am yu wan.

Fɔs Lɛta Fɔ Tɛsalonayka 5:19

Una nɔ fɔ mek Gɔd in Spirit tap fɔ du in wok insay una;

Jɔn 3:6

Na mami ɛn dadi de bɔn pikin, bɔt na Gɔd in Spirit de mek pɔsin gɛt nyu layf lɛkɛ se i jɛs bɔn.

Ayzaya 5:4

Wetin mɔ a fɔ du fɔ mi grep fam we a nɔ du yet? Wɛn a de luk se i go bia greps, wetin mek i bia sawa grep?

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Jɛnɛsis 6:2

sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Ayzaya 57:16

Bikɔs a nɔ go fɛt te go ɛn nɔ go de vɛks ɔltɛm; bikɔs na mi di spirit de kɔmɔt to; ɛn a dɔn mek di lo blo blo we gi layf.

Di Sam Dɛm 90:10

Mɔtalman fɔ liv fɔ sɛvinti ia bɔt if i gɛt trɛnk, i kin de fɔ eti, ɛn da tɛm de i go de sik bɔku ɛn gɛt ɔlkayn trɔbul, dɔn na so tɛm go de flay fɔ am.