Jɛnɛsis 6:2 - Krio Fɔs Oli Baybul

² sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Jɛnɛsis 6:2 Referans Kwoze

Jɔn In Fɔs Lɛta 2:16

Ɔltin we de na di wɔl di bad we de na pɔsin in at we de mek i put at pan sɔm tin dɛn, dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd dɛn nɔn nɔ kɔmɔt to di Papa, na di wɔl dɛn kɔmɔt.

Pita In Sɛkɛn Lɛta 2:14

Pan ɔl we dɛn dɔn mared, dɛn yay de na trit, dɛn nɔ de taya fɔ fala dɛn at fɔ liv fri layf. Dɛn de drɔ dɛn pipul we nɔ gɛt dɛn yon maynd fɔ fala dɛn fɔ du bad. Dɛn jɛs want nɔmɔ fɔ gɛt ɔltin fɔ dɛnsɛf, Gɔd dɔn kɔndɛm dɛn, bɛtɛ nɔ go fala dɛn.

Ɛzra 9:12

So, wi nɔ fɔ mek dɛn mared wi gyal pikin dɛn, ɛn wisɛf yon bɔypikin dɛn nɔ fɔ mared dɛn yon gyal pikin dɛn; ɛn wi nɔ fɔ ɛp dɛn pan natin. Dɛn se yu bin dɔn prɔmis se if wi avɔyd dɛn pipul ya ɛn du wetin yu se, bɛtɛ go fala wi ɛn wi go ɛnjɔy di gud tin dɛn we de kɔmɔt na di land. Dɛn se, yu se, wi pikin dɛnsɛf go lɛf biɛn de ɛnjɔy.

2 Samiɛl 11:2

Wan ivintɛm, Devid grap na bed ɛn bigin waka pantap in os in ruf. We i de pantap de, i si wan uman de was. Na so di uman fayn.

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Ɛksodɔs 34:16

dat tɛm de una bɔypikin dɛn go mared dɛn gyal pikin dɛn ɛn dat go mek dɛn tɔn dɛn bak pan mi ɛn bigin fɔ wɔship dɛn pegan gɔd dɛn.

Jɛnɛsis 27:46

Afta dat Ribɛka tɛl Ayzak se, “A dɔn gens wit aw dɛn Itayt uman ya de biev. Bifo Jekɔb mared wan pan dɛn, i go bɛtɛ mek a day.”

Jɛnɛsis 24:3

ɛn swɛ to PAPA GƆD we na PAPA GƆD na ɛvin ɛn ath, se, yu nɔ go fɛn wɛf fɔ mi bɔypikin Ayzak pan dɛn uman dɛn we de ya na Kenan.

Jɛnɛsis 4:26

Sɛth bin gɛt wan bɔypikin we nem Inɔsh. Na da tɛm de pipul dɛn bigin fɔ wɔship PAPA GƆD ɛn kɔl in Oli Nem.

Jɛnɛsis 3:6

Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

1 Kɔrint 7:39

Uman we dɔn mared nɔ fri fɔ mared if in man nɔ day yet, bɔt if in man dɔn day, i fri fɔ mared to ɛni man we i want, bɔt da man de fɔ bi Kristiɛn.

Malakay 2:15

Noto PAPA GƆD mek man ɛn uman wan ɛn ivin gi dɛn in spirit? In rizin na fɔ mek dɛn pikin dɛn bi wan dɛn we go fred ɛn rɛspɛkt PAPA GƆD. So dɛn fɔ tek tɛm ɛn nɔ ple dɛn wɛf dɛn wayo.

Malakay 2:11

Juda de biev lɛk udat nɔ biliv PAPA GƆD ɛn i dɔn du bad bad tin na Jerusɛlɛm ɛn di wanol kɔntri; i dɔn briŋ shem pan PAPA GƆD in os we i lɛk ɛn mared uman we de wɔship ɔda gɔd dɛn.

Ayzaya 63:16

Na yu na wi Papa ɔlwe Ebram nɔ no wi ɛn Izrɛl nɔ gri se wi ɔl na wan; PAPA GƆD, na yu na wi Papa, Na Wi Lɔntɛm Ridima na yu nem

Job 31:1

“Mi ɛn mi yay dɔn mek wanwɔd; aw a go se a de luk vajin gyal naw.

Jɛnɛsis 6:1

We mɔtalman bigin bɔku na di wɔl ɛn na soso gyal pikin dɛn bin de bɔn,

Jɛnɛsis 6:3

Na dat mek PAPA GƆD se, “Mi Spirit nɔ go de wit mɔtalman sote go as dɛn na ɔdinari mɔtalman; as frɔm tide dɛn nɔ go de pas wan ɔndrɛd ɛn twɛnti ia.”

Jɛnɛsis 12:11

As i de rɛdi fɔ krɔs di bɔda fɔ go insay Ijipt, i tɛl in wɛf Seray se, “A no se yu na fayn uman.

Jɛnɛsis 26:35

Dɛn bin mek layf traŋa fɔ Ayzak ɛn Ribɛka.

Job 1:6

Wande, we PAPA GƆD in pikin dɛn go sho dɛnsɛf to am, Setan sɛf bin de de.