Jɛnɛsis 5:2 - Krio Fɔs Oli Baybul

² I mek man ɛn uman, i blɛs dɛn, ɛn i kɔl dɛn “Mɔtalman.”

Jɛnɛsis 5:2 Referans Kwoze

Mak 10:6

Bɔt frɔm we Gɔd mek di wɔl, nain ‘I mek tu kayn pipul, man ɛn uman;’ lɛkɛ aw dɛn rayt nain Buk.

Matyu 19:4

Jizɔs ansa di Faresi dɛn, i se, “Una nɔ rid da say na Gɔd in Buk we se, wɛn Gɔd mek di wɔl, i mek tu kayn pipul, man ɛn uman?

Jɛnɛsis 2:23

di man se, “E, i dɔn bi. Dis na mi kayn, dis na bon we kɔmɔt pan mi yon bon, ɛn flɛsh we kɔmɔt pan mi yon flɛsh. I nem ‘Uman’ bikɔs, na pat pan man dɛn tek mek am”

Jɛnɛsis 1:27

So PAPA GƆD mek mɔtalman: i mek am lɛkɛ insɛf. I mek man ɛn uman.

Apɔsul Dɛn Wok 17:26

Gɔd bin mek wan fambul fɔs ɛn na pan da wan fambul de, ɔl di pipul dɛn na dis wɔl kɔmɔt. Bifo Gɔd mek dɛn, i bin dɔn mak di tɛm we dɛn fɔ de na wɔl ɛn di ples we dɛn fɔ de.

Malakay 2:15

Noto PAPA GƆD mek man ɛn uman wan ɛn ivin gi dɛn in spirit? In rizin na fɔ mek dɛn pikin dɛn bi wan dɛn we go fred ɛn rɛspɛkt PAPA GƆD. So dɛn fɔ tek tɛm ɛn nɔ ple dɛn wɛf dɛn wayo.

Jɛnɛsis 2:15

PAPA GƆD bin put di man we i mek na di fam na Idɛn, fɔ mek i go tek kia ɔf am ɛn wok de.

Jɛnɛsis 1:28

PAPA GƆD blɛs dɛm, ɛn tɛl dɛn se, “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.

Jɛnɛsis 5:3

We Adam bin ol wan ɔndrɛd ɛn tati ia, i bɔn wan bɔypikin we tan lɛkɛ am, ɛn i gi am nem Sɛth.