Jɛnɛsis 5:1 - Krio Fɔs Oli Baybul

¹ Dis na di wan dɛn na Adam in Jɛnareshɔn. We PAPA GƆD mek mɔtalman, i mek dɛn lɛkɛ insɛf.

Jɛnɛsis 5:1 Referans Kwoze

Lɛta Fɔ Ɛfisɔs 4:24

Una fɔ liv di nyu layf we Gɔd dɔn gi una lɛkɛ aw i want. Pɔsin we liv dis kayn layf go du wetin rayt na Gɔd yay ɛn ɔl wetin Gɔd tɛl am fɔ du.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Ɛkliziastis 7:29

Na dis nɔmɔ a ebul fɔ fɛnɔt; dat na we PAPA GƆD mek mɔtalman tret; bɔt na mɔtalman mekmek te in layf bɛnbɛn.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

1 Kɔrint 11:7

Man nɔ fɔ kɔba in ed bikɔs nain de sho aw Gɔd tan ɛn aw Gɔd de rul, bɔt di uman de mek di man gɛt rɛspɛkt ɛn de sho se man de oba am.

Matyu 1:1

Na Jizɔs Krays in fambul dɛn, frɔm Ebraam in tɛm dɛn wan ya: Jizɔs Krays na wan pan Devid in grampikin pikin dɛm, ɛn Devid na wan pan Ebraam in grampikin pikin dɛm.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

1 Kronikuls 1:1

Adam, Sɛt, Inɔsh;

Jɛnɛsis 10:1

Dɛn pipul ya so na Noa in pikin dɛn, Shɛm, Am ɛn Jefɛt, dɛn jɛnareshɔn. Afta di flɔd dɛn bin bigin bɔn pikin dɛn ɛn gɛt grampikin ɛn jɛnareshɔn dɛn.

Jɛnɛsis 2:4

Na so PAPA GƆD tek mek di wanol wɔl; ɛvin ɛn ath ɛn ɔl wetin de insay de. We PAPA GƆD dɔn mek ɛvin ɛn ath dɔn,

Jɛnɛsis 6:9

Noa bin de du wetin rayt bifo PAPA GƆD. Nain wangren nɔ bin gɛt fɔlt pan ɔl in kɔmpin dɛn. Ɛn in ɛn PAPA GƆD na bin padi.