Jɛnɛsis 48:9 - Krio Fɔs Oli Baybul

⁹ Josɛf tɛl am se dɛn nain bɔypikin dɛn, we PAPA GƆD gi am na Ijipt. Jekɔb se lɛ Josɛf kɛr dɛn go nia am mek i blɛs dɛn

Jɛnɛsis 48:9 Referans Kwoze

Jɛnɛsis 27:4

Kuk di it we yu no se a lɛk, mek i swit ɛn briŋ am kam fɔ mi. We a it am dɔn, a go blɛs yu bifo a day.”

Jɛnɛsis 33:5

We Isɔ luk rawnd ɛn si di uman dɛn ɛn di pikin dɛn, i aks Jekɔb udat na ɔl dɛn pipul dɛn ya we de wit am. Jekɔb ansa am dɛn se na di pikin dɛn we PAPA GƆD blɛs am wit.

Di Ibru Pipul Dɛn 11:21

Na di sem tin bi fɔ Jekɔb. Na bikɔs Jekɔb bin biliv Gɔd mek i blɛs Josɛf in bɔy pikin dɛn, wan bay wan, wɛn di tɛm we i fɔ day bin dɔn de rich. Na da tɛm de i liŋ pan in wɔkin stik ɛn prez Gɔd.

Ayzaya 8:18

So mi ɛn di pikin dɛn we PAPA GƆD dɔn gi mi, na sayn ɛn wɔnin na Izrɛl, we PAPA GƆD Ɔlmayti we tap na Mawnt Zayɔn, de gi.

Di Sam Dɛm 127:3

Pikin na blɛsin we PAPA GƆD de gi ɛn mɔ so if na yu bɔn am.

1 Kronikuls 25:5

Ɔl dɛn wan ya na Imam in bɔypikin dɛn di kin in prɔfɛt akɔdin to PAPA GƆD in prɔmis fɔ es am ɔp; bikɔ PAPA GƆD gi am Fotin bɔypikin ɛn tri gyal pikin.

1 Samiɛl 1:27

I tɛl Ilaɛl se na di pikin we i pre fɔ de wit am so as PAPA GƆD gi am wetin i bin aks fɔ.

1 Samiɛl 1:20

Na so Ana tek gɛt bɛlɛ dɔn we di tɛm rich i bɔn bɔypikin. I gi di pikin nem Samiɛl as i se bikɔs a aks PAPA GƆD fɔ am.

Ditarɔnɔmi 33:1

Na di blɛsin dis dis we Mozis bin blɛs di Izrɛlayt dɛn bifo i day.

Jɛnɛsis 49:28

Dɛn wan ya mekɔp di twɛlv difrɛn fambul dɛn na Izrɛl ɛn dis na wetin dɛn papa Jekɔb bin tɛl dɛn wɛn i de blɛs dɛn. I gi ɔl man i yon spɛshal blɛsin.

Jɛnɛsis 30:2

Jekɔb bin vɛks bad bad wan pan Rechɛl ɛn i se, “Mi na PAPA GƆD we mek yu nɔ gɛt pikin yet?”