Jɛnɛsis 48:7 - Krio Fɔs Oli Baybul

⁷ I se wɛn a bin de kɔmɔt na Padan Aram de go na Kenan, Rechɛl day nain an na rod. I se dɛn nɔ bin de tu fa frɔm Ifrath we dis bi so i bɛr am kɔnasay na di rod de. (Ifrath in nem naw na Bɛtliɛm.) I se in fil am bad.

Jɛnɛsis 48:7 Referans Kwoze

Matyu 2:18

“Dɛn yɛri kray na Rama, bita bita kray. Rechɛl de kray fɔ in pikin dɛn; i nɔ gri sɛt mɔt wɛn pipul de koks am, bikɔs ɔl in pikin dɛn dɔn day.”

Jɛnɛsis 35:9

PAPA GƆD apia to Jekɔb bak na Bɛthɛl we i kɔmɔt Mɛsopotemia ɛn blɛs am.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

1 Samiɛl 17:12

Devid na bin wan pan Jɛsi we kɔmɔt na di Efrathayt fambul na Bɛtliɛm na Juda, in bɔypikin. Jɛsi bin gɛt et bɔypikin ɛn bay di tɛm we Sɔl na bin kiŋ, i na bin olpa.

1 Samiɛl 10:2

Samiɛl tɛl Sɔl se we i de lɛf am go so, i go mit tu man nia usay dɛn bin bɛr Rechɛl na Zɛlza we de na di bɔda na Bɛnjamin. Dɛn man ya go tɛl am se dɛn dɔn fɛn di dɔŋki dɛn we i bin go luk fɔ. So in papa nɔ de tink bɔt di dɔŋki dɛn igen, nain i de wɔri bɔt ɛn de aks ɔlman wetin i fɔ du fɔ mek i ebul fɛn in bɔypikin.

1 Samiɛl 1:1

Wan man bin de we bin nem Ɛlkena. Na bin wan pan di Ifrem fambul ɛn i bin tap na Rama na di ɔplayn pat na Ifrem. Jɛroam nain papa ɛn na Ilaɛlu in grampikin. Dɛn kɔmɔt na Tou in famili layn ɛn na bin wan pan di Zuf pipul dɛn.

Ruth 1:2

Di man bin nem Ɛlimɛlɛk, in wɛf nem Naomi, ɛn di tu bɔypikin nem na Malɔn ɛn Kiliɔn; dɛn na bin Ɛfratayt we kɔmɔt Bɛtliɛm insay Juda. Dɛn ɔl go na Moab ɛn tap de fɔs.

Jɛnɛsis 25:20

I bin ol fɔti ia we i mared Ribɛka, we na Bɛthuɛl in gyal pikin ɛn na Leban in sista. Bɛthuɛl na Aramean we kɔmɔt Padan Aram.

Jɛnɛsis 33:18

Jekɔb ɛn in famili rich sef wan na Shɛkɛm, we na wan big siti na Kenan dɔn i bil in tɛnt nia di big siti.

Jɛnɛsis 35:20

Jekɔb put ston fɔ mɛmba de. Di mak stil de na Rechɛl in grev te tide.

Jɛnɛsis 48:6

Josɛf, yu tu bɔypikin dɛn, we yu bɔn na Ijipt bifo a kam ya, na mi yon. Ifrem ɛn Manasɛ na mi pikin dɛn lɛkɛ aw Rubɛn ɛn Simiɔn na mi pikin dɛn.

1 Samiɛl 16:4

Samiɛl insɛf du wetin PAPA GƆD tɛl am. Wɛn i rich na Bɛtliɛm, di bigman dɛn na di siti dɛn at kɔt ɛn aks am aw dɛn si am so.