Jɛnɛsis 48:5 - Krio Fɔs Oli Baybul

⁵ Jekɔb tɛl Josɛf bak se in tu bɔypikin dɛn, we Josɛf bɔn na Ijipt bifo in di Jekɔb kam na Ijipt nain di Jekɔb yon. I se Ifrem ɛn Manasɛ nain pikin dɛn lɛkɛ aw Rubɛn ɛn Simiɔn nain pikin dɛn.

Jɛnɛsis 48:5 Referans Kwoze

Jɔshwa 14:4

Dɛn bin sheb Josɛf in pipul dɛn to tu fambul we na di Manasɛ fambul ɛn di Ifrem fambul. Dɛn nɔ gi di Livay fambul natin pas siti dɛn fɔ tap ɛn ples fɔ mɛn dɛn animal dɛn ɛn fɔ du smɔl smɔl famin.

Jɛnɛsis 46:20

We Josɛf de na Ijipt, i bɔn tu bɔypikin dɛn we nem Manasɛ ɛn Ifrem. Dɛn mama na bin Asɛnath we in papa na bin di man we de tɔk to PAPA GƆD fɔ di pipul dɛn. In papa nem Pɔtifɛra ɛn i bin tap na Ɛliopolis.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Jɔshwa 13:7

PAPA GƆD tɛl Jɔshwa se i fɔ divayd da patikla land de fɔ nayn fambul ɛn af pan di Manasɛ fambul na Izrɛl.

Lɛta Fɔ Ɛfisɔs 1:5

We Gɔd lɛk wi, i dɔn mek Jizɔs Krays briŋ wi kam bak to insɛf; so dat wi go bi in pikin dɛn, bikɔs na dat i lɛk fɔ du ɛn na dat i mekɔp fɔ du.

Malakay 3:17

PAPA GƆD Ɔlmayti se na dɛn go bi in yon pipul. I go gi dɛn spɛshal tritmɛnt wɛn i kam fɔ jɔj. I nɔ go mek pin sɛf krach dɛn lɛk aw nɔmɔ man we in bɔypikin de wok fɔ am, nɔ go mek natin du am.

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

Ayzaya 43:1

Bɔt naw, na dis PAPA GƆD se, in we mek yu, yu Jekɔb, in we mol yu, yu Izrɛl: “Nɔ fred, a dɔn bay yu bak; A dɔn kɔl yu bay yu nem, yu na mi yon.

Di Nɔmba Dɛm 1:10

pan Josɛf in pikin dɛn: yu gɛt Ilayshama, Amiɔd in bɔypikin, we kɔmɔt pan Ifrem in fambul dɛn; dɔn Gamelial, Pɛdazɔ in bɔypikin in kɔmɔt pan Manasɛ in yon fambul dɛn;

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Di Ibru Pipul Dɛn 11:21

Na di sem tin bi fɔ Jekɔb. Na bikɔs Jekɔb bin biliv Gɔd mek i blɛs Josɛf in bɔy pikin dɛn, wan bay wan, wɛn di tɛm we i fɔ day bin dɔn de rich. Na da tɛm de i liŋ pan in wɔkin stik ɛn prez Gɔd.

Jɛnɛsis 48:1

I nɔ tu te igen, dɛn tɛl Josɛf se in papa sik bad, so i go fɛn am wit in tu bɔypikin dɛn, Manasɛ ɛn Ifrem.

Jɛnɛsis 48:6

Josɛf, yu tu bɔypikin dɛn, we yu bɔn na Ijipt bifo a kam ya, na mi yon. Ifrem ɛn Manasɛ na mi pikin dɛn lɛkɛ aw Rubɛn ɛn Simiɔn na mi pikin dɛn.

Izikɛl 47:13

Na dis PAPA GƆD se: “na dɛn wan ya na di bawndri dɛm we una go tek fɔ sheb di land pan di Izrɛl twɛlv fambul fɔ bi dɛn prɔpati. Josɛf go gɛt tu pɔshɔn, ɛn una go sheb am ikwal wan.

Di Sam Dɛm 77:16

Wɛn yu rich di wata, i skyad ɛn bigin trimbul lɛkɛ pɔsin ivin di bɔtɔm pat pan di wata.