Jɛnɛsis 45:3 - Krio Fɔs Oli Baybul

³ I tɛl in brɔda dɛn se in na Josɛf ɛn aks if in papa de te naw. In brɔda dɛn so skyad dat dɛn tɔn mumu wantɛm. Dɛn nɔ ebul biliv se nain tinap bifo dɛn korokoro wan so.

Jɛnɛsis 45:3 Referans Kwoze

Apɔsul Dɛn Wok 7:13

Di sɛkɛn tɛm we dɛn go na Ijipt, Josɛf mek in brɔda dɛn no udat i bi, ɛn di kiŋ kam sabi Josɛf in brɔda dɛn.

Apɔsul Dɛn Wok 9:5

Sɔl se, “Udat na yu, sa?” I yɛri we di vɔys ansa am se, “Mi na Jizɔs, na mi yu de fɛt.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Lyuk 5:8

Wɛn Saymɔn Pita si wetin bi, i butu bifo Jizɔs ɛn ol in fut. I se, “Masta, kɔmɔt klos mi bikɔs mi na man we de pan sin!”

Mak 6:50

Dɛn ɔl bin fred. So Jizɔs tɔk to dɛn wantɛm. I se, “Una tek kɔrej, una nɔ fred, na mi dis!”

Job 23:15

So a go fred fɔ tinap bifo am; we a luk insay de, a de fred am.

Job 4:5

Naw we trɔbul mit yu, yu nɔ ebul bia; we na yu i mit, yu wan giv ɔp.

Jɛnɛsis 37:20

Una lɛ wi kil am ɛn trowe in bɔdi insay wan pan dɛn dray wɛl ya so. Wi go se na wan wayl bush animal kil am. Dɔn wi go si wetin go apin to in drim dɛn.”

Jɛnɛsis 42:21

Dɛn tɛl dɛnsɛf se, dɛn de sɔfa fɔ wetin dɛn bin du to dɛn brɔda. Dɛn se, dɛn bin si aw i bin sɔri we i de beg dɛn, bɔt dɛn nɔ yɛri. Na dat mek dɛn de pan trɔbul so naw.

Jɛnɛsis 42:22

Na de Rubɛn se in bin tɛl dɛn mek dɛn nɔ du natin to di bɔbɔ, bɔt dɛn nɔ bin lisin. Naw na dɛn ɔl de pe fɔ in day.

Jɛnɛsis 43:27

I aks dɛn if dɛn wɛl ɛn se dɛn bin tɛl am bɔt dɛn papa, so aw i de du, if i stil ɛn de alayv ɛn if i wɛl.