Jɛnɛsis 4:8 - Krio Fɔs Oli Baybul

⁸ So Ken tɛl in brɔda Ebɛl lɛ dɛn go na gras fil. We dɛn rich de, Ken fɔdɔm pan in brɔda ɛn kil am.

Jɛnɛsis 4:8 Referans Kwoze

Jud In Lɛta 1:11

Trɔbul de bifo dɛn! Na Ken in fut dɛn de fala ɛn fɔseka mɔni dɛn de mek di sem mistek we Belam bin mek, dɛn go day lɛkɛ aw Kɔra bin day wɛn i tɔn pan di wan we bin de oba am.

Matyu 23:35

Na dat mek, una go sɔfa fɔ dɛn pipul we dɛn bin kil, pan ɔl we dɛn nɔ du natin bad. Una go sɔfa fɔ di pipul dɛn we dɛn kil frɔm Ebɛl we bin tret na Gɔd in yay sote rich Zakaraya we na Bɛrɛkia in pikin, we day midul Gɔd in Os ɛn di ples we dɛn de bɔn sakrifays.

Lyuk 11:51

Una dɛn tide pipul ya go sɔfa fɔ di pipul dɛn we dɛn kil frɔm Ebɛl sote rich Zakaraya we day midul Gɔd in Os ɛn di ples we dɛn de bɔn sakrifays. Fɔ tru, a de tɛl una dɛn tide pipul ya, se una go pe fɔ di prɔfɛt dɛn blɔd!

Mayka 7:6

Dɛn bɔypikin dɛn kin mek dɛn papa dɛn ful dɔn di gyal pikin dɛn kin tinap lɛk se dɛn wan fɛt dɛn mami, dɔtɛnlɔ nɔ want fɔ si mɔdɛnlɔ. Ɔl dis de sho se na di wan we una ɔl de slip na di sem os, na yu ɛnimi.

2 Samiɛl 14:6

Bɔt dɛn ɔltu bin bɔn tu bɔypikin we bin de fɛt dɛnsɛf wande na fil ɛn nɔbɔdi nɔ bin de fɔ pat dɛn so di wan wap in kɔmpin ɛn kil am.

Nɛimaya 6:2

Sanbalat ɛn Gishɛm sɛn kɔl mi. Dɛn se mi fɔ mit dɛn na wan vilej we de na wan pat we flat. Dɛn kɔl am Ono. Bɔt dɛn bin de mek plan bɔt aw fɔ du mi bad.

2 Samiɛl 3:27

Wɛn Abna rich na Ɛbrɔn, Joab kɛr am go na kɔna bay di domɔt lɛkɛ se i wan tɔk sikrit to am. We dɛn de de, Joab chuk am nain bɛlɛ fɔ we i bin kil in brɔda Asaɛl. Na de i fɔdɔm day.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Di Sam Dɛm 55:21

I gɛt swit mɔt bad, bɔt i gɛt bad at bak; I go de sɛl yu so, i de tɔk fayn to yu.

Di Sam Dɛm 36:3

Na lay nɔmɔ ful in mɔt; i dɔn tɔn fulman ɛn nɔ no wetin i min fɔ du gud igen

Job 11:15

dɛn yu go gɛt op fɔ di bambay; ɛn yu nɔ go gɛt natin we yu de fred.

Lyuk 22:48

Jizɔs aks am se, “Judas, na kis yu go tek sɛl Mɔtalman Pikin?”

Di Sam Dɛm 139:19

E PAPA GƆD, a wish yu kin dɔnawe wit ɔl bad pipul! Ɔl dɛn wan we want blɔd go kɔmɔt nia mi.

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Jɛnɛsis 4:25

Adam ɛn in wɛf bɔn ɔda bɔypikin we dɛn gi nem Sɛth In wɛf se, “PAPA GƆD dɔn gi mi ɔda bɔypikin fɔ tek Ebɛl in ples, we Ken kil.”

Di Nɔmba Dɛm 35:20

If ɛnibɔdi we bin dɔn de mɛmba bad fɔ in kɔmpin push am ɔ trowe sɔntin pan am bay wilful we mek i day,

2 Kronikuls 21:4

Wɛn Joram bin dɔn sidɔm nain papa in tron ɛn bin dɔn sidɔm traŋa wan, i kil ɔl in brɔda dɛn ɛn sɔm pan di bigman dɛn na Izrɛl, wit sɔd.

Ozie 4:2

dɛn de swɛ, dɛn de lay, dɛn de kil, dɛn de tif ɛn dɛn de kip dɛnsɛf gbay.