Jɛnɛsis 4:7 - Krio Fɔs Oli Baybul

⁷ If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Jɛnɛsis 4:7 Referans Kwoze

Jems 1:15

Na di bad we de na pɔsin at de mek di pɔsin want sin, ɛn wɛn pɔsin sin dat go mek i day.

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Lɛta Fɔ Rom 6:16

Una no gud wan se, if una givɔp unasɛf fɔ bi slev fɔ pɔsin ɛn una du ɛnitin we di pɔsin tɛl una fɔ du, dat min se una na da pɔsin de in slev fɔ tru. Semwe so, if na sin na una masta, i go mek una day; bɔt if Gɔd na una masta, i go mek ɔltin rayt bitwin una ɛn insɛf.

Di Nɔmba Dɛm 32:23

Mozis tɛl dɛn se if dɛn nɔ rɛdi fɔ du wetin dɛn se bɔt kɔntinyu fɔ sin bifo PAPA GƆD, dɛn fɔ no se dɛn go mɔs pe fɔ dɛn sin.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Malakay 1:13

I se, dɛn kin mek se dɛn taya ɛn mek fes pan am, ɛn dɛn kin gi am animal bay we dɛn tek bay fos, ɔ wan we nɔ de waka ɔ i sik as dɛn sakrifays bɔt in nɔ go tek am na dɛn an.

Prɔvabs 21:27

PAPA GƆD nɔ lɛk di sakrifays we bad pɔsin kin kɛr to am; i et am mɔ wɛn di pɔsin kin de du am fɔ lɛ i go du mɔ bad.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Malakay 1:8

I se na bad bad tin fɔ de sakrifays animal we blɛn, we nɔ de waka ɔ we sik. I se if dɛn gi dat to ɛni gɔvna ɔ prɛsidɛnt, if i go gladi fɔ dat.

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

Lɛta Fɔ Rom 14:18

Ɛnibɔdi we de sav Krays lɛkɛ dis go mek Gɔd gladi ɛn i go mek mɔtalman sɛf lɛk wetin i de du.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Prɔvabs 18:5

Lɛkɛ aw i nɔ fayn fɔ fri udat gilti, na so i nɔ fayn fɔ rog di pɔsin we de waka tret.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Job 42:8

PAPA GƆD se dɛn fɔ kɛr sɛvin man kaw ɛn sɛvin man ship go to Job we nain wokman, ɛn go ɔfa sakrifays we dɛn de bɔn na faya, fɔ pul dɛn ed. I se Job go pre fɔ dɛn ɛn in go ansa di pre we Job go pre, lɛ in nɔ pɔnish dɛn fɔ di fulish tin we dɛn du; i se dat na we dɛn nɔ se di rayt tin bɔt am, bɔt Job in bin se di rayt tin.

Jɛnɛsis 3:16

Dɛn PAPA GƆD tɛl di uman se, “A go mek i nɔ izi fɔ yu we yu gɛt bɛlɛ, ɛn na pan traŋa pen yu go bɔn pikin. Pan ɔl dat, yu nɔ go ebul kɔmɔt biɛn yu man ɛn i go de kɔntrol yu.”

Fɔs Lɛta To Timoti 5:4

Bɔt if uman we in man dɔn day gɛt pikin ɔ grampikin, in pikin ɔ grampikin fɔ du wetin ɔl pikin ɛn grampikin fɔ du fɔ dɛn mami ɛn dadi ɛn fɔ dɛn grani ɛn grandadi dɛn fɔ gi dɛn ɔl wetin dɛn fɔ gɛt, bikɔs if dɛn du dat, Gɔd go satisfay wit dɛn.

2 Samiɛl 24:23

Arauna tɛl di kiŋ se in de gi am ɔltin ɛn pre mek PAPA GƆD in at gladi wit di kiŋ.

Lɛta Fɔ Ɛfisɔs 1:6

I mek in wangren Pikin we i lɛk, gi wi dis big blɛsin ya fɔ natin.

Jɛnɛsis 19:21

Di enjɛl gri se i kin go de. I se, “Ɔrayt, A nɔ go pwɛl da siti de.

Job 29:4

lɛk di tɛm dɛn we a bin jɛntri, di tɛm we PAPA GƆD bin lɛk mi ɛn bin de gyad mi famili;

2 Kiŋ 8:28

Aazaya jɔyn an wit Joram we na Eab in bɔypikin fɔ fɛt wa wit Azaɛl we na Kiŋ na Siria na Ramɔt Giliad. Di Sirian dɛn wund Joram;

Lɛta Fɔ Rom 6:12

Una nɔ fɔ mek sin rul una bɔdi we go day, igen, so dat una nɔ go du ɛni bad tin we una at gi una fɔ du.

Job 11:14

If yu de sin, disayd se yu go lɛf fɔ sin, ɛn nɔ tɔlaret pɔsin we de na yu os sɛf fɔ sin,

Job 11:15

dɛn yu go gɛt op fɔ di bambay; ɛn yu nɔ go gɛt natin we yu de fred.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.