Jɛnɛsis 4:4 - Krio Fɔs Oli Baybul

⁴ Ebɛl in kɛr sɔm pan di fɔs ship dɛn we bɔn. I kil dɛn, dɔn i gi di bɛst pat dɛn to PAPA GƆD as in yon sakrifays. PAPA GƆD bin pliz wit Ebɛl in sakrifays,

Jɛnɛsis 4:4 Referans Kwoze

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Prɔvabs 3:9

Sho PAPA GƆD se yu rɛspɛkt am ɛn gi am ɔl wetin yu gɛt wit di fɔs tin dɛn we yu de avɛst.

Ɛksodɔs 13:12

dɛn fɔ mek shɔ se dɛn gi PAPA GƆD ɔl di fɔs tin dɛn we bɔn bikɔs nain yon. Dat na di fɔs pikin we bɔn we na bɔypikin ɛn di fɔs wan we bɔn pan di animal dɛn.

Di Nɔmba Dɛm 18:17

Una nɔ fɔ bay di fɔs kaw pikin, di fɔs ship pikin ɔ di fɔs got pikin dɛn bak, bikɔs dɛn oli. Una fɔ sprinkul dɛn blɔd na di ɔlta ɛn bɔn dɛn fat na faya so dat i go pul sɛnt we go mek PAPA GƆD gladi.

Di Ibru Pipul Dɛn 9:22

Fɔ tru, bay aw di Lɔ se, dɛn tin we dɛn nɔ bin de tek blɔd klin nɔ bin plɛnti. Ɔda we nɔ bin de fɔ padin pɔsin sin, pas fɔ kil bif ɛn tek di blɔd mek sakrifays to Gɔd.

Di Sam Dɛm 20:3

Lɛ PAPA GƆD mɛmba ɔl wetin yu dɔn gi am bɔt mɔ so, lɛ i gladi fɔ tek di animal dɛn we yu dɔn bɔn bifo am as sakrifays

2 Kronikuls 7:1

We Sɔlɔmɔn dɔn pre dɔn, faya kɔmɔt ɛvin kam dɔŋ ɛn bɔn di bɔn sakrifays ɛn di ɔda sakrifays dɛm, ɛn PAPA GƆD in glori bin ful insay PAPA GƆD in tɛmpul.

1 Kronikuls 21:26

So Devid bil wan ɔlta de fɔ PAPA GƆD ɛn mek bɔn sakrifays ɛn pis ɔfrin dɛm ɛn pre to PAPA GƆD, ɛn I ansa am wit faya we kɔmɔt ɛvin pan di ɔlta we gɛt di bɔn sakrifays.

1 Kiŋ 18:38

PAPA GƆD in faya fɔdɔm kam dɔŋ ɛn bɔn di sakrifays, di wud, di ston dɛn ɛn di grɔn, ɛn dray ɔl di wata we bin de na di ol.

Lɛvitikɔs 9:24

Wantɛm, wantɛm, nain PAPA GƆD sɛn faya we bɔn di bɔn ɔfrin ɛn di fat we bin de na di ɔlta. Wɛn di Izrɛlayt dɛn si dat, dɛn ala ɛn butu dɛn fes na grɔn.

Jɛnɛsis 15:17

We di san dɔn go dɔŋ ɛn di ples dɔn dak, Ebram jɛs si wan pɔt we smok bin de kɔmɔt pan, ɛn wan faya tik jɛs pas midul di bif dɛn we i bin dɔn kɔt.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Di Jɔj Dɛm 6:21

PAPA GƆD in enjɛl tek di tik we i bin ol tɔch di bif ɛn di bred we nɔ gɛt yist; nain faya kech na di ston ɛn bɔn di bif ɛn di bred. Wantɛm wantɛm PAPA GƆD in enjɛl jɛs lɔs kɔmɔ de.

Di Nɔmba Dɛm 18:12

“Ɔl di ɔliv ɔyl we fayn pas ɔl, di wayn we fayn pas ɔl pan di fɔs wayn we dɛn pul, dɛn sid dɛn we dɛn kin gi PAPA GƆD as di fɔs tin we dɛn avɛst na dɛn a de gi una.

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

1 Kiŋ 18:24

I se dɔn lɛ dɛn pre to dɛn gɔd, dɔn in go pre to PAPA GƆD. I se di gɔd we go ansa ɛn mek faya, bɔn di tin dɛn, nain na PAPA GƆD. Di pipul dɛn gri, dɛn se wetin i se fayn.

Jɛnɛsis 4:3

Wande, Ken kɛr sɔm pan di tin dɛn we i plant ɛn mek sakrifays to PAPA GƆD.

Di Nɔmba Dɛm 16:15

Dis mek Mozis in at wam ɛn i tɛl PAPA GƆD se mek i nɔ tek dɛn sakrifays. I se in nɔ tek natin na dɛn an wande ɛn i nɔ du bad to dɛn wande.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Ɛkliziastis 4:4

A si se ɔl di wok ɛn sɛns we mɔtalman de sho pan in wok na bikɔs i wan tan lɛk ɔda pɔsin. Bɔt ɔl dat na fɔ natin. I tan lɛk we yu de tray fɔ kech briz.