Jɛnɛsis 4:16 - Krio Fɔs Oli Baybul

¹⁶ So Ken kɔmɔt go tap fa frɔm PAPA GƆD na wan kɔntri we nem “Nɔd” we min “Wirɔn” we de na di ist pat we yu kɔmɔt Idɛn.

Jɛnɛsis 4:16 Referans Kwoze

Jɛrimaya 52:3

Fɔ tru tru, bikɔs PAPA GƆD bin vɛks bad bad wan, di kayn tin dɛm we apin na Jerusɛlɛm ɛn Juda, bin mek PAPA GƆD trowe dɛm kɔmɔt bifo am. Ɛn Zɛdikaya bin ribɛl agens di kiŋ na Babilɔn.

Jɛrimaya 23:39

fɔseka dat, fɔ tru tru, a go es una ɛn trowe una kɔmɔt bifo mi, una ɛn di siti we a gi una ɛn una fɔstɛmpapa dɛm.

Job 2:7

So Setan kɔmɔt bifo PAPA GƆD ɛn go ib sik pan Job; sofut kɔba in wanol bɔdi frɔm ed to fut.

2 Kiŋ 24:20

Na bikɔs PAPA GƆD bin vɛks mek i put dombolo na Jerusɛlɛm ɛn Juda, dɔn faynali i push dɛn kɔmɔt nia am.

2 Kiŋ 13:23

Bɔt PAPA GƆD bin de sɔri fɔ Izrɛl ɛn bin de ɛp dɛn bikɔs ɔf di Kɔvinant we i bin dɔn sayn wit Ebraam, Ayzak ɛn Jekɔb. Ɔp to da tɛm de, i nɔ bin mekɔp fɔ dɔnawe wit di Izrɛlayt dɛn.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Jɛnɛsis 4:14

Yu de pul mi kɔmɔt pan fam wok ɛn fɔ de wirɔn na dis wɔl, ɛn ɛnibɔdi we si mi go kil mi.”

Jɛnɛsis 3:8

Da ivin tɛm de dɛn yɛri we PAPA GƆD de waka na di fam, so dɛn go ayd pan am midul dɛn tik dɛn.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Jɔn 1:10

Di Wɔd bin de na di wɔl, ɛn tru am Gɔd mek ɔltin na di wɔl, bɔt pan ɔl dat, di pipul dɛn na di wɔl nɔ bin no udat i bi.

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Lyuk 13:26

Dɛn una go se, ‘Masta, na wi ɔl bin de it wan ples ɛn yu bin de lan pipul na trit na wi tɔŋ.’

Matyu 18:20

Bikɔs ɛni say we tu ɔ tri Kristiɛn gɛda fɔ pre to mi ɛn ɔna mi, a go de wit dɛn.”

Di Sam Dɛm 68:2

Lɛk aw briz de blo smok ɛn skata am, mek PAPA GƆD skata dɛn lɛkɛ smok; lɛk aw kyandul go mɛlt we i tinap nia faya, mek PAPA GƆD lɛ bad pipul alaki bifo am.

Di Sam Dɛm 5:11

Bɔt lɛ ɔl udat abop pan yu fɔ kɔba dɛn, gladi. Lɛ dɛn de siŋ ɔltɛm bikɔs dɛn gladi. Kɔntinyu fɔ kɔba dɛn lɛkɛ aw fɔl de kɔba in pikin dɛn, so dat dɛn go gladi ɔltɛm fɔ wetin yu de du.

Job 20:17

I nɔ go tes pan di plɛnti plɛnti blɛsin we PAPA GƆD de gi; blɛsin we de kam lɛk we big watasay de rɔn.

Job 1:12

So PAPA GƆD tɛl Setan se, i de lɛf Job gi am mek i nyakanyaka ɔl wetin Job gɛt, bɔt mek i nɔ mek natin du insɛf. So Setan jɛs kɔmɔt bifo PAPA GƆD.

Jɛnɛsis 4:17

Ken in wɛf bɔn bɔypikin ɛn i gi am nem Inɔk. I bil wan big siti ɛn i gi am in pikin in nem, Inɔk.

Jona 1:3

Bifo dat Jona grap ɛn rɔnawe go na Tashish lɛk fɔ se in go go usay PAPA GƆD nɔ de. I go na Jopa usay i mit wan ship we bin de rɛdi fɔ go Tashish. I bay tikit ɛn jomp insay di ship fɔ go Tashish usay i min to se PAPA GƆD nɔ go de.