Jɛnɛsis 4:10 - Krio Fɔs Oli Baybul

¹⁰ Nain PAPA GƆD se, “Wetin mek yu dɔn du dis bad tin ya so? Yu brɔda in blɔd de kray to mi frɔm di grɔn.

Jɛnɛsis 4:10 Referans Kwoze

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Di Ibru Pipul Dɛn 11:4

Na bikɔs Ebɛl bin biliv Gɔd, mek i mek bɛtɛ sakrifays to Gɔd, pas di wan we Ken mek. Na bikɔs Ebɛl bin biliv Gɔd mek Gɔd se Ebɛl na tret pɔsin. Na we Gɔd tek di sakrifays we Ebɛl mek mek wi no se Gɔd se Ebɛl na tret pɔsin. Pan ɔl we Ebɛl dɔn day, wi stil de lan bɔt wetin i min fɔ biliv Gɔd bay aw in bin biliv Gɔd.

Ayzaya 5:7

PAPA GƆD Ɔlmayti in greps fam na Izrɛl, ɛn di man dɛn na Juda na di fayn fayn plant dɛn we i plant; ɛn i luk fɔ jɔstis bɔt oya, soso blɔd; i luk fɔ di wan dɛn we de waka tret wit PAPA GƆD, bɔt oya, na kray!

Di Sam Dɛm 72:14

I go mek dɛn nɔ de tek advantej pan dɛn ɔ buli dɛn, bikɔs dɛn layf min sɔntin to am.

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Di Sam Dɛm 9:12

PAPA GƆD we de fɛt fɔ udat dɛn kil, nɔ de mek blɔd kray fɔ natin i nɔ de mek dɛfyes pan udat de kray fɔ mek i ɛp am, ɛn i nɔ de sɛt yay pan udat de sɔfa.

Di Nɔmba Dɛm 35:33

Nɔ bamfa di land we una de. If dɛn kil pɔsin de, dat go bamfa di land ɛn nɔn kayn we nɔ de fɔ beg fɔ land usay dɛn dɔn kil pɔsin, pas dɛn kil di pɔsin we kil pɔsin de.

Job 16:18

Lɛ ɔl wetin a de sɔfa so nɔ ayd, ɛn mek a nɔ taya fɔ de kɔmplen.

Jɛnɛsis 9:5

If ɛnibɔdi kil in kɔmpin, insɛf fɔ day. We animal kil mɔtalman, dɛn fɔ kil am bak.

Di Sam Dɛm 50:21

We una de du ɔl dɛn tin ya, dɔn a de mek nɔ si dat mek una fil se, wi ɔl na wan. So naw a de tɔk pan una korokoro wan.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Job 24:12

Insay di siti, pipul dɛn we wund ɛn de day, de pini, di wan we wund de kray mek dɛn ɛp am, bɔt PAPA GƆD nɔ de braskitul dɛn.

2 Kiŋ 9:26

wans in si Nebɔth ɛn in bɔypikin dɛn blɔd da de de, na so in papa go mek Eab pe fɔ dat na di vɛri grɔn. I tɛl Baka fɔ tek Joram in dedebɔdi ib am na di grɔn de bikɔs na so PAPA GƆD bin se.

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Jɛnɛsis 18:20

So PAPA GƆD tɛl Ebraam se, in dɔn yɛri bad bad tin dɛn bɔt di pipul dɛn na Sɔdɔm ɛn Gomɔra, ɛn dɛn dɔn pasmak

Jɛnɛsis 3:13

PAPA GƆD aks di uman se, “Wetin mek yu du so?” Di uman ansa se, “Na di snek ple in kɔni pan mi ɛn mek a it am.”

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Apɔsul Dɛn Wok 5:3

Pita aks Ananayas se, “Ananayas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn!

Ditarɔnɔmi 21:1

Mozis tɛl di Izrɛlayt dɛn se we dɛn go dɔn tap na di land we PAPA GƆD we na dɛn PAPA GƆD go gi dɛn, ɛni dedebɔdi we dɛn fɛn na trit we nɔto insay ɛni siti, ɛn dɛn nɔ no udat kil am,

1 Samiɛl 13:11

Samiɛl aks am wetin i jɛs du so. Sɔl ansa se na we i si ɔl in man dɛn de lɛf am ɛn Samiɛl nɔ bin kam yet, dɔn di Filistin dɛn bin de gɛda na Mikmash,

2 Kronikuls 28:9

Bɔt wan pan PAPA GƆD in prɔfɛt dɛm we nem Odɛd, bin de de; i gi go mit di ami man dɛm we kam Sameria ɛn tɛl dɛn se, “A de tɛl una, na we PAPA GƆD we na una fɔstɛmpapa dɛn Gɔd vɛks pan Juda, mek i put dɛm na una an, bɔt una dɔn kil dɛm wit pasmak wamat we mek kɔmplen dɔn rich ɛvin.

Di Sam Dɛm 9:13

E PAPA GƆD! Yu de si aw mi ɛnimi dɛn de biɛn mi! Sɔri fɔ mi ɛn pul mi kɔmɔt na dɛn an.