Jɛnɛsis 39:6 - Krio Fɔs Oli Baybul

⁶ Pɔtifa an ova ɔl in biznɛs to Josɛf ɛn i nɔ wɔri insɛf bɔt ɛnitin pas di it we i de it. Josɛf na bin fayn man,

Jɛnɛsis 39:6 Referans Kwoze

Prɔvabs 31:11

Ɛni man we gɛt gud wɛf de biliv am, natin nɔ de we i want we i nɔ go gɛt.

1 Samiɛl 16:12

So Jɛsi sɛn fɔ di bɔbɔ. Na so i fayn fɔ luk. Nain PAPA GƆD se, “Grap, anɔynt am, nain na di wan.”

Jɛnɛsis 29:17

Lia bin gɛt fayn yay bɔt Rechɛl in bin gɛt fayn shep ɛn i bin fayn fɔ luk.

Lyuk 19:17

In masta tɛl am se, ‘Yu du wɛl, yu na gud wokman! Bikɔs a ebul trɔs yu pan smɔl tin, a go mek yu rul oba tɛn tɔŋ.’

Apɔsul Dɛn Wok 7:20

Da sem tɛm de, nain Mozis bɔn; na bin fayn pikin. Wɛn Mozis bin jɛs bɔn, in mama ɛn papa bin ayd am na os tri mɔnt.

Lyuk 16:10

Da pɔsin we yu kin trɔs pan lili tin na pɔsin we yu kin trɔs pan big tin, ɛn da pɔsin we nɔ tret wit lili tin nɔ go tret wit big tin.

Jɛnɛsis 43:32

Dɛn bin sav Josɛf na wan tebul, ɛn in brɔda dɛn na ɔda tebul, di Ijipshian dɛn na di ɔda tebul bikɔs na bad bad tin fɔ mek di Ijipshian ɛn Ibru pipul dɛn it wan say as di Ijipshian dɛn nɔ lɛk dat.

Jɛnɛsis 39:23

Di wɔda nɔ bin de wɔri bɔt natin we Josɛf de du, bikɔs PAPA GƆD bin de wit am ɛn i bin mek bɛtɛ fala am pan ɔl wetin i bin de du.

Jɛnɛsis 39:8

Josɛf nɔ gri ɛn tɛl am se, in masta nɔ de wɔri insɛf fɔ ɛnitin na di os, bikɔs in de. I se i dɔn put am inchaj ɔf ɔl wetin i gɛt.

Jɛnɛsis 39:4

Pɔtifa in at bin so tek am dat i lɛf ɔl in biznɛs nain os nain an.

1 Samiɛl 17:42

We di Filistin luk gud, i si se na wan smɔl bɔbɔ we rɔju ɛn fayn fɔ luk de go mit am, dat mek i sɔktit.