Jɛnɛsis 39:3 - Krio Fɔs Oli Baybul

³ Pɔtifa bin si se PAPA GƆD de wit Josɛf ɛn de mek bɛtɛ fala am pan ɛnitin we i de du.

Jɛnɛsis 39:3 Referans Kwoze

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Jɛnɛsis 30:27

Leban beg am se, lɛ i nɔ lɛf am. I se in dɔn go luk grɔn ɛn dɛn tɛl am se na fɔseka am mek PAPA GƆD dɔn blɛs am.

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

2 Kronikuls 26:5

I mekɔp in maynd fɔ fɛn PAPA GƆD dyurin di tɛm we Zɛkaraya we bin de tich am fɔ rɛspɛkt PAPA GƆD, bin de; wans i bin de fɛn PAPA GƆD, PAPA GƆD bin mek i de go bifo.

1 Samiɛl 18:14

Bɔt i bin de spak pan ɔl wetin i de du bikɔs PAPA GƆD bin de wit am.

Jɛnɛsis 21:22

Da tɛm de Abimɛlɛk mek Fikɔl, di kapten fɔ in ami, fala am go to Ebraam. Abimɛlɛk tɛl Ebraam se, i no se, PAPA GƆD de wit am pan ɔl wetin i de du.

Jɛnɛsis 26:28

Dɛn ansa am se, dɛn dɔn no naw se PAPA GƆD de wit am so dɛn kam fɔ mek dɛn go tay bagin fɔ sho se dɛn gɛt wan wɔd. Dɛn want fɔ mek i swɛ

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.

1 Kɔrint 16:2

Ɛvri Sɔnde, ɔlman fɔ put sɔm mɔni wansay, bay di mɔni we i de wok; una fɔ gɛda dɛn mɔni ya, so dat di tɛm we a kam, una nɔ go gɛt fɔ gɛda mɔni igen.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Nɛimaya 2:20

Nain a tɛl dɛn se, “Di GƆD we de ɔp na ɛvin go gi wi viktri. Wi, we nain pikin dɛn go bigin bil bak, una nɔ gɛt biznɛs de bikɔs i nɔ gɛt fɔ bɛnifit una as una nɔ gɛt natin fɔ du wit wetin bi na Jerusɛlɛm.”

1 Kronikuls 22:13

Datɛnde bɛtɛ go fala yu if yu tek tɛm du ɔl wetin PAPA GƆD we na yu Gɔd bin tɛl Mozis se Izrɛl fɔ de du. Tinap lɛk man ɛn nɔ fred. Nɔ fred natin; nɔ mek natin pwɛl yu at.

1 Samiɛl 18:28

Wɛn Sɔl fent se PAPA GƆD de wit Devid ɛn dat in gyal pikin lɛk am,

Jɛnɛsis 39:23

Di wɔda nɔ bin de wɔri bɔt natin we Josɛf de du, bikɔs PAPA GƆD bin de wit am ɛn i bin mek bɛtɛ fala am pan ɔl wetin i bin de du.

Jɛnɛsis 30:30

I se, di smɔl wan we Leban bin gɛt dɔn plɛnti tumɔs, ɛn na bikɔs ɔf in di Jekɔb mek PAPA GƆD de blɛs am mɔ ɛn mɔ so ustɛm in go provayd fɔ in yon famili

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Jɛnɛsis 21:20

PAPA GƆD bin de wit di bɔbɔ as i de gro. I bin de na di ples we pɔsin nɔ go ebul tap na Paran ɛn i bin sabi fɔ ɔntin.

Jɛnɛsis 39:2

PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

2 Kiŋ 18:7

ɛn na so PAPA GƆD insɛf bin de wit am. Ɛnitin we i put an pan bin de bɛtɛ. I barɔf pan di kiŋ na Asiria ɛn nɔ gri pe taks to am.

Jɛnɛsis 21:23

I se Ebraam fɔ swɛ bifo PAPA GƆD se i nɔ go ambɔg ɛni wan pan in pipul dɛn. I tɛl am se, “A nɔ wande ambɔg yu, so swɛ se yusɛf nɔ go ambɔg mi ɛn kɔz prɔblɛm na dis kɔntri ya we yu tap.”

Jɛnɛsis 39:21

Bɔt PAPA GƆD bin de wit Josɛf ɛn i blɛs am, ɛn mek di wɔda lɛk in biznɛs.

Ditarɔnɔmi 2:7

Mozis mɛmba dɛn se PAPA GƆD bin de blɛs ɔltin we dɛn bin de du ɛn ɔl di fɔti ia we dɛn de waka, dɛn nɔ slip aŋri wande; I bin de du ɔltin fɔ dɛn we dɛn bin de na di ɛmti ples we pipul nɔ go ebul tap.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

1 Samiɛl 3:19

PAPA GƆD bin de wit Samiɛl we i bin de gro ɔp ɛn i kin mek shɔ se i du ɔl wetin Samiɛl tɔk se go bi.

1 Kronikuls 9:20

Na Finias we na Ɛlieza in bɔypikin, na bin dɛn fɔstɛm kɔmand; PAPA GƆD bin de wit am.

2 Kronikuls 1:1

Sɔlɔmɔn we na Devid in bɔypikin, sidɔm traŋa nain kindɔm, ɛn PAPA GƆD we in Gɔd bin de wit am, ɛn I mek am pawaful bad bad wan.