Jɛnɛsis 39:2 - Krio Fɔs Oli Baybul

² PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

Jɛnɛsis 39:2 Referans Kwoze

1 Samiɛl 18:14

Bɔt i bin de spak pan ɔl wetin i de du bikɔs PAPA GƆD bin de wit am.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Jɛrimaya 15:20

Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Jɛnɛsis 26:28

Dɛn ansa am se, dɛn dɔn no naw se PAPA GƆD de wit am so dɛn kam fɔ mek dɛn go tay bagin fɔ sho se dɛn gɛt wan wɔd. Dɛn want fɔ mek i swɛ

Jɛnɛsis 21:22

Da tɛm de Abimɛlɛk mek Fikɔl, di kapten fɔ in ami, fala am go to Ebraam. Abimɛlɛk tɛl Ebraam se, i no se, PAPA GƆD de wit am pan ɔl wetin i de du.

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Jɛnɛsis 28:15

Mɛmba se, A go de wit yu ɛnisay yu go. A go gyad yu, ɛn briŋ yu kam bak na dis land. A nɔ go kɔmɔt biɛn yu sote a dɔn du ɔl wetin a dɔn prɔmis yu.”

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

1 Samiɛl 16:18

Wan pan di man dɛn tɛl am se i sabi wan pan Jɛsi na Bɛtliɛm in bɔypikin we kin ple di ap gud gud wan. I se na pɔsin we gɛt trɛnk ɛn sabi fɛt, dɔn i sabi tɔk ɛn fayn fɔ luk. I se PAPA GƆD de wit am.

1 Samiɛl 3:19

PAPA GƆD bin de wit Samiɛl we i bin de gro ɔp ɛn i kin mek shɔ se i du ɔl wetin Samiɛl tɔk se go bi.

1 Samiɛl 18:28

Wɛn Sɔl fent se PAPA GƆD de wit Devid ɛn dat in gyal pikin lɛk am,

Fɔs Lɛta To Timoti 6:1

Ɔl dɛn Kristiɛn pipul we na slev fɔ luk se dɛn masta dɛn na pipul we dɛn fɔ rɛspɛkt, so dat nɔbɔdi nɔ go tɔk bad bɔt Gɔd in nem ɔ tɔk bad bɔt dɛn tin we wi de lan dɛn.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Apɔsul Dɛn Wok 8:31

Di bigman we kɔmɔt Itio pia ansa am se, “Aw a go ɔndastand wetin a de rid wɛn pɔsin nɔ de fɔ ɛksplen am to mi?” I tɛl Filip fɔ kam sidɔm nain chariɔt.

Jɛnɛsis 21:20

PAPA GƆD bin de wit di bɔbɔ as i de gro. I bin de na di ples we pɔsin nɔ go ebul tap na Paran ɛn i bin sabi fɔ ɔntin.

Jɛnɛsis 39:3

Pɔtifa bin si se PAPA GƆD de wit Josɛf ɛn de mek bɛtɛ fala am pan ɛnitin we i de du.

Jɛnɛsis 39:23

Di wɔda nɔ bin de wɔri bɔt natin we Josɛf de du, bikɔs PAPA GƆD bin de wit am ɛn i bin mek bɛtɛ fala am pan ɔl wetin i bin de du.

Jɔshwa 6:27

PAPA GƆD bin de ɛp Jɔshwa ɛn ɔlman bin yɛri bɔt am ɔlsay na da eria de.

2 Kiŋ 18:7

ɛn na so PAPA GƆD insɛf bin de wit am. Ɛnitin we i put an pan bin de bɛtɛ. I barɔf pan di kiŋ na Asiria ɛn nɔ gri pe taks to am.

Jɔshwa 1:5

PAPA GƆD tɛl Jɔshwa se, wans in de, tete Jɔshwa go day, nɔn ɔda neshɔn nɔ go ebul bit Izrɛl. I se as in nɔ bin kɔmɔt biɛn Mozis, na so in nɔ go ɛva kɔmɔt biɛn dɛn.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

1 Kronikuls 9:20

Na Finias we na Ɛlieza in bɔypikin, na bin dɛn fɔstɛm kɔmand; PAPA GƆD bin de wit am.

2 Kronikuls 1:1

Sɔlɔmɔn we na Devid in bɔypikin, sidɔm traŋa nain kindɔm, ɛn PAPA GƆD we in Gɔd bin de wit am, ɛn I mek am pawaful bad bad wan.