Jɛnɛsis 39:11 - Krio Fɔs Oli Baybul

¹¹ Wande we Josɛf go insay di os fɔ go du in wok, we nɔn pan di ɔda wokman dɛn nɔ bin de insay,

Jɛnɛsis 39:11 Referans Kwoze

Lɛta Fɔ Ɛfisɔs 5:12

Pipul go shem sɛf fɔ tɔk bɔt dɛn tin we dɛn pipul we de na dak de du, we nɔbɔdi nɔ si.

Lɛta Fɔ Ɛfisɔs 5:3

We una na Gɔd in pikin dɛn, i nɔ gud fɔ mek una liv fri layf, ɔ mek una du wetin nɔ rayt, ɔ mek una put yay pan wetin ɔda pɔsin gɛt; i nɔ gud sɛf fɔ mek una de tɔk bɔt dɛn tin ya to una kɔmpin.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Prɔvabs 9:17

A no se una de ɛnjɔy fɔ it ɔda man it, tin we na tif tin kin swit.”

Job 24:15

Di pɔsin we de lɛf in man ɔ wɛf go to ɔda pɔsin, kin wet fɔ nɛt, ɛn kin se nɔbɔdi nɔ de si am; i kin kɔba in fes mek dɛn nɔ no se na im.

Jɛnɛsis 39:10

Di uman bin de mɔna Josɛf ɛvride, bɔt i nɔ gri fɔ lidɔm wit am ɔ go nia am.

Jɛnɛsis 39:12

Pɔtifa in wɛf grip in klos ɛn tray fɔ fos fɔ lidɔm wit am. Bɔt Josɛf jɔg kɔmɔt nain an ɛn rɔn go na do, bɔt in klos lɛf na di uman in an.