Jɛnɛsis 34:3 - Krio Fɔs Oli Baybul

³ Shɛkɛm bin lɛk Dayna bad bad wan so i fɔl fɔ am, ɛn i bin de koks am fɔ mek dɛn tu de.

Jɛnɛsis 34:3 Referans Kwoze

Ozie 2:14

So a go ful in yay wit tinks dɛn ɛn briŋ am kam na di ɛmti land we pipul nɔ go ebul tap, ɛn koks am wit swit swit tɔk.

Ayzaya 40:2

Tɔk saful saful to Jerusɛlɛm, ɛn tɛl am se in wa dɔn dɔn, dɛn dɔn padin in sin, se i dɔn gɛt dɔbul pɔnishmɛnt na PAPA GƆD in an fɔ ɔl in sin dɛm.

2 Kronikuls 30:22

Ɛn Ɛzikaya tɔk to di Livayt dɛm ɛn ɛnkɔrej dɛm wan we sho se dɛn gɛt skil pan PAPA GƆD in savis.

2 Samiɛl 19:7

I tɛl Devid se lɛ i grap go mit di man dɛn ɛn tɔk to dɛn fayn. I swɛ to PAPA GƆD se if i nɔ du am, dɛn ɔl go lɛf am go bay di tɛm we nɛt de kam; ɛn dat go bad fɔ am pas ɔl di difrɛn waala we dɔn mit am.

1 Samiɛl 18:1

Devid ɛn Sɔl dɔn di tɔk we dɛn bin de tɔk. Afta Devid dɔn tɔk dɔn, i mit Jonɛthan we na Sɔl in bɔypikin. Jonɛthan jɛs lɛk Devid in biznɛs ɛn in at tek am.

Ruth 1:14

Dat mek di dɔtɛnlɔ dɛn bɔskray bak; ɛn Ɔpa in kis in mɔdɛnlɔ babay, bɔt Ruth in fasin am lɛk krab lɔs.

Jɛnɛsis 34:2

Bɔt we Shɛkɛm si am i kech am ɛn rep am. Shɛkɛm na Amɔ, da Itayt chif in bɔypikin.

Jɛnɛsis 34:4

I ivin tɛl in papa Amɔ se, mek i fɛn di gyal fɔ am bikɔs i want mared am.

Di Jɔj Dɛm 19:3

Wande, di man grap se in de go koks am ɛn kɛr am go bak nain os. I kɛr in wokman ɛn sɔm dɔŋki dɛn we i de go. We di gyal in papa si am, i go mit am ɛn i bin gladi fɔ am.

Jɛnɛsis 50:21

I se lɛ dɛn nɔ fred. In go mɛn dɛn ɛn dɛn pikin dɛn. I tɔk to dɛn fayn fayn wan ɛn dɛn wɔd de bin lɛf na dɛn at.

Ozie 2:16

PAPA GƆD se na da de de i go kɔl am in man ɛn i nɔ go yuz di nem we i kin yuz fɔ kɔl Beal, fɔ kɔl am igen