Jɛnɛsis 32:10 - Krio Fɔs Oli Baybul

¹⁰ A nɔ fit fɔ gɛt ɔl di gudnɛs ɛn di fethfulnɛs we yu de sho mi we na yu savant. Di tɛm we a bin de go, a krɔs Riva Jɔdan wit natin pas wɔkinstik, bɔt naw a dɔn kam bak wit ɔl dɛn bɔku pipul ya so we a dɔn sheb to tu grup.

Jɛnɛsis 32:10 Referans Kwoze

Di Sam Dɛm 18:35

Yu dɔn gi mi yu big shild we de sev mi ɛn de kip mi sɛf wit yu pawa; yu de yɛri mi prea, ansa mi ɛn gi mi di trɛnk we a nid.

Jɛnɛsis 24:27

I se, “A de prez yu PAPA GƆD. Yu we na PAPA GƆD fɔ mi masta Ebraam. Fɔ tru tru yu lɛk mi masta ɛn de du gud to am. Yu dɔn briŋ mi tret to mi masta in fambul dɛn.”

2 Samiɛl 7:18

Wɛn Devid yɛri dis, i go sidɔm na di Tɛnt usay di ak de ɛn pre to PAPA GƆD. I se: “Udat na mi PAPA GƆD? Ɛn udat na mi famili we yu dɔn du ɔl dis fɔ wi?

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

Lyuk 17:10

Semwe so, wɛn una dɔn du ɔl wetin una masta tɛl una fɔ du, una fɔ se, ‘Wi nɔto bɛtɛ wokman; wi jɛs du wetin wi bin gɛt fɔ du nɔmɔ.’”

Lyuk 5:8

Wɛn Saymɔn Pita si wetin bi, i butu bifo Jizɔs ɛn ol in fut. I se, “Masta, kɔmɔt klos mi bikɔs mi na man we de pan sin!”

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Ayzaya 63:7

A go tɔk bɔt PAPA GƆD in lɔv we nɔ de chenj, PAPA GƆD in prez, bay ɔl wetin PAPA GƆD dɔn gi wi, ɛn di wɔndaful gud we i gud to Izrɛl we I du fɔ dɛn bikɔs i sɔri fɔ dɛm, bay aw in lɔv we nɔ de chenj, de abɔmpa.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Di Sam Dɛm 85:10

PAPA GƆD in lɔv ɛn in fethfulnɛs na lɛk tatu ɛn yawa; di want we di pipul want fɔ pliz PAPA GƆD, ɛn in yon pis we i de gi dɛn, go de lɛk aw tu pipul de kis.

Di Sam Dɛm 84:7

As dɛn de waka, na so dɛn de gɛt trɛnk, te dɛn ɔl rich usay PAPA GƆD de na Zayɔn.

Di Sam Dɛm 61:7

Lɛ i bi Kiŋ sote go ɛn lɛ PAPA GƆD kɔba am ɛn blɛs am; Lɛ di fakt dat yu tru ɛn gɛt lɔv we nɔ de chenj de wit am fɔ kɔba am.

Di Sam Dɛm 16:2

A tɛl PAPA GƆD se, “Yu na mi PAPA GƆD, if nɔto fɔ yu, a nɔ bin fɔ gɛt ɛnitin we gud.”

Di Sam Dɛm 8:5

Yu mek mɔtalman we na yu nɔmɔ de pantap am; yu mek am lɛk kiŋ ɛn gi am ɔna.

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Job 8:7

Wetin yu bin gɛt fɔs go smɔl, pas wetin yu go gɛt bambay.

Ditarɔnɔmi 8:18

I se dɛn fɔ mɛmba se na PAPA GƆD we na dɛn GƆD mek dɛn ebul gɛt ɔl wetin dɛn gɛt, so dɛn go no se i nɔ fɔgɛt di swɛ we i bin swɛ to dɛn fɔstɛm-papa dɛn, te di tɛm we dɛn bin de rayt dis buk.

Jɛnɛsis 32:7

We Jekɔb yɛri dis i bin fred so i sheb di pipul dɛn we bin de wit am wit in ship, got, kaw ɛn kamɛl dɛnsɛf to tu say.

Jɛnɛsis 32:5

I se i gɛt kaw, dɔŋki, ship, ɛn slev dɛn ɛn i de sɛn wɔd to am, mek i no se i de kam ɛn abop se i go gladi fɔ si am.

Jɛnɛsis 30:43

Jekɔb du so, te ɛn gɛt bɔku ship, got. I jɛntri ɛn gɛt bɔku slev, kamɛl ɛn dɔŋki dɛn.

Jɛnɛsis 28:15

Mɛmba se, A go de wit yu ɛnisay yu go. A go gyad yu, ɛn briŋ yu kam bak na dis land. A nɔ go kɔmɔt biɛn yu sote a dɔn du ɔl wetin a dɔn prɔmis yu.”

Jɛnɛsis 18:27

Ebraam tɔk igen se: “PAPA GƆD, duya fɔgiv mi fɔ we a de tɔk. Yu no se mi na ɔdinari mɔtalman.

2 Samiɛl 17:24

Devid go Maanaim dɔn Absalɔm ɛn ɔl in man dɛn krɔs Riva Jɔdan.

Jɛnɛsis 24:12

So i pre se, “PAPA GƆD, yu we na mi masta Ebraam in PAPA GƆD, mek bɛtɛ fala mi tide ɛn sho mi masta se yu lɛk am ɛn de du gud to am.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Jɛnɛsis 31:3

Nain PAPA GƆD tɛl Jekɔb se, “Go bak to yu fambul dɛn na da kɔntri we yu papa dɛn kɔmɔt. A go de wit yu.”