Jɛnɛsis 30:2 - Krio Fɔs Oli Baybul

² Jekɔb bin vɛks bad bad wan pan Rechɛl ɛn i se, “Mi na PAPA GƆD we mek yu nɔ gɛt pikin yet?”

Jɛnɛsis 30:2 Referans Kwoze

Jɛnɛsis 16:2

So i tɛl Ebram se, “PAPA GƆD nɔ mek a bɔn, yu nɔ tink se yu fɔ tek Ega mek yu wɛf? Sɔntɛm wi go gɛt pikin bay dat.” Ebram gri wit wetin Seray se,

Di Sam Dɛm 127:3

Pikin na blɛsin we PAPA GƆD de gi ɛn mɔ so if na yu bɔn am.

2 Kiŋ 5:7

Wɛn di kiŋ na Izrɛl rid di lɛta, i chɛr in klos ɛn se if in na PAPA GƆD we de kil ɛn gi layf bak we mek dis man de sɛn to am se in fɔ mɛn bad sik na bɔdi; I se na we nɔmɔ di man de fɛn fɔ mek plaba wit am.

1 Samiɛl 1:5

Bɔt i kin gi Ana, wan big af nɔmɔ bikɔs pan ɔl we i lɛk am, PAPA GƆD nɔ bin mek i bɔn.

Jɛnɛsis 50:19

Bɔt Josɛf tɛl dɛn se, lɛ dɛn nɔ fred. In nɔto PAPA GƆD we de pɔnish ɔ jɔj pɔsin.

Lɛta Fɔ Ɛfisɔs 4:26

If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Di Sam Dɛm 113:9

I de mek da mared uman we in os nɔ swit bikɔs i nɔ bɔn, gɛt pikin dɔn i go gladi. Una lɛ wi prez PAPA GƆD!

Ɛksodɔs 32:19

Wɛn Mozis rich nia di kamp ɛn si di gold kaw lay lay gɔd ɛn di pipul dɛn de dans, i so vɛks dat i trowe di ston tablɛt dɛn dɔŋ di mawnten. Di tablɛt dɛn skata ɛn brok pispis.

Jɛnɛsis 31:36

Dat mek Jekɔb vɛks bad. I aks Leban se, “Wetin yu fɛn? Wetin a du yu we mek yu de rɔnata mi?

Jɛnɛsis 29:31

We PAPA GƆD si se Jekɔb nɔ bin lɛk Lia, i mek Lia gɛt pikin dɛn bɔt Rechɛl nɔ bin gɛt pikin.

Jɛnɛsis 25:21

Ayzak pre to PAPA GƆD fɔ mek Ribɛka go gɛt pikin bikɔs i nɔ bin bɔn yet. So PAPA GƆD ansa Ayzak in prea, ɛn Ribɛka gɛt bɛlɛ.

Jɛnɛsis 20:18

Bifo dat PAPA GƆD bin dɔn mek in wɛf ɛn ɔl di ɔda uman dɛn nain os nɔ ebul bɔn bikɔs Abimɛlɛk bin dɔn tek Sera as in wɛf.

Lyuk 1:42

so i tɔk lawd wan to Meri. I se, “Yu na di uman we Gɔd dɔn blɛs pas ɔl dɛn ɔda uman ɛn di pikin we yu go bɔn gɛt wɔndaful blɛsin!