Jɛnɛsis 3:8 - Krio Fɔs Oli Baybul

⁸ Da ivin tɛm de dɛn yɛri we PAPA GƆD de waka na di fam, so dɛn go ayd pan am midul dɛn tik dɛn.

Jɛnɛsis 3:8 Referans Kwoze

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Prɔvabs 15:3

PAPA GƆD de si ɔlsay, i de wach udat de du bad, ɛn udat de du gud.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Lɛta Fɔ Rom 2:15

Wetin dɛn de du sho se di Lɔ de na dɛn at. Semwe so, wetin dɛn de tink sho se di Lɔ de na dɛn at, bikɔs sɔntɛm dɛn kin tink se, dɛn dɔn du bad, ɛn sɔntɛm dɛn kin tink se, dɛn dɔn du gud.

Jɛnɛsis 3:10

Adam ansa se, “A yɛri we yu de waka na di fam; a fred bikɔs a bin de nekɛd so a ayd pan yu.”

Jona 1:3

Bifo dat Jona grap ɛn rɔnawe go na Tashish lɛk fɔ se in go go usay PAPA GƆD nɔ de. I go na Jopa usay i mit wan ship we bin de rɛdi fɔ go Tashish. I bay tikit ɛn jomp insay di ship fɔ go Tashish usay i min to se PAPA GƆD nɔ go de.

Job 31:33

a nɔ ɛva ayd mi sin pan mɔtalman, bay we a nɔ go tɛl nɔbɔdi,

Job 38:1

Nain Papa GƆD ansa insay briz se:

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Ditarɔnɔmi 5:25

I se di pipul dɛn bin se dɛn de fred se di faya go kil dɛn ɛn if PAPA GƆD tɔk to dɛn wantɛm mɔ, dɛn mɔs day ɛn dɛn nɔ want fɔ day.

Ditarɔnɔmi 4:33

se ɛni ɔda pipul dɛn dɔn yɛri dɛn gɔd de tɔk to dɛn insay faya lɛkɛ aw PAPA GƆD tɔk to dɛn ɛn dɛn nɔ day.

Job 22:14

Ɔl rawnd am na tik tik klawd, so i nɔ de si natin. I de waka ɔp na di klawd.

Rɛvɛleshɔn 6:15

Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Jɛnɛsis 18:33

Afta we dɛn dɔn tɔk dɔn, PAPA GƆD go in we, dɛn Ebraam tɔn bak go nain os.

Lɛvitikɔs 26:12

I se in go de midul dɛn ɔltɛm ɛn i go kɔntinyu fɔ bi dɛn PAPA GƆD, ɛn dɛn go bi in pipul.

Ozie 10:8

Di ples dɛn na Avɛn we dɛn mek fɔ wɔship dɛn ɔda gɔd dɛn go pwɛl, soso chuk chuk nain go de pan dɛn, dɔn da tɛm de dɛn go ala se mek di mawnten dɛn kɔba dɛn ɛn di il dɛn fɔdɔm pan dɛn.