Jɛnɛsis 3:6 - Krio Fɔs Oli Baybul

⁶ Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am.

Jɛnɛsis 3:6 Referans Kwoze

Jɔn In Fɔs Lɛta 2:16

Ɔltin we de na di wɔl di bad we de na pɔsin in at we de mek i put at pan sɔm tin dɛn, dɛn tin we pɔsin kin want bad bad wɛn i si dɛn, ɛn ɔl dɛn tin na di wɔl we de mek pɔsin prawd dɛn nɔn nɔ kɔmɔt to di Papa, na di wɔl dɛn kɔmɔt.

Fɔs Lɛta To Timoti 2:14

nɔto Adam di snek bin mek ful, na di uman; na dat mek di uman sin.

2 Samiɛl 11:2

Wan ivintɛm, Devid grap na bed ɛn bigin waka pantap in os in ruf. We i de pantap de, i si wan uman de was. Na so di uman fayn.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Ozie 6:7

I se dɛn de biev lɛk Adam we nɔ du wetin i se bikɔs i nɔ bin gɛt feth pan wetin i se.

Jɛnɛsis 6:2

sɔm pan PAPA GƆD in pikin dɛn dɛn bin si se dɛn gyal pikin ya so fayn, so dɛn fɔl fɔ dɛn ɛn bigin maredd dɛn.

Izikɛl 24:25

“Ɛn yu mɔtalman; di de we a go tek wetin na dɛn protɛkshɔn kɔmɔt na dɛn an, we a go tek wetin kin mek dɛn gladi ɛn wetin mek dɛn femɔs, di tin dɛm we dɛn lɛk bad bad wan, ɛn sɛf dɛn bɔy ɛn gyal pikin dɛm kɔmɔt na dɛn an,

Izikɛl 24:16

Mɔtalman, lisin, a dɔn rɛdi fɔ tek di tin we yu lɛk kɔmɔt na yu an bifo jako kɔt yay; pan ɔl dat, yu nɔ go munin ɔ kray ɔ mek wata rɔn dɔŋ yu yay.

Matyu 5:28

Bɔt mi de tɛl una se: ɛni man we luk uman, we nɔto in wɛf, sote i want am fɔ insɛf, da man de dɔn tek ɔda man wɛf nain at.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Jɛnɛsis 39:7

ɛn afta sɔm tɛm Josɛf in masta in wɛf bi want am, so i aks am fɔ mek dɛn gɛt biznɛs.

Jɛnɛsis 3:17

Dɔn PAPA GƆD tɛl di man se, “Yu dɔn du wetin yu wɛf tɛl yu, ɛn yu dɔn it di frut we mi se yu nɔ fɔ it. Fɔseka wetin yu dɔn du, a de swɛ di grɔn mek i nɔ bɛtɛ yu. Te yu day, yu go de wok traŋa wan, fɔ mek yu go gɛt tin fɔ it.

Jɛnɛsis 3:12

Adam ansa se, “Na di uman we yu put ya wit mi, gi mi fɔ it.”

Job 31:1

“Mi ɛn mi yay dɔn mek wanwɔd; aw a go se a de luk vajin gyal naw.

Di Jɔj Dɛm 14:17

Ɔl di balans de dɛn we bin lɛf fɔ di pati, Samsin in wɛf bin de kray mek i tɛl am di parebul in minin. Di de we mek sɛvin, Samsin insɛf tɛl am bikɔs i dɔn mɔna am tumɔs. Nain i go tɛl in kɔntriman dɛn.

1 Kiŋ 13:19

Di prɔfɛt insɛf gri fɔ go wit am, ɛn i it ɛn drink.